ISILILO 1:16 - IsiNdebele 2012 Translation

¹⁶ Ngiyalila ngezintwezi, ilihlo, iye, ilihlo lami liwuluka iinyembezi; mbala, umduduzi ukude nami, okunguye ongavuselela umphefumulo. Abantwabami abanabuyo ngombana isitha sihlulile.

ISILILO 1:16 Iomraidhean Croise

AMARHUBO 106:42

Izitha zabo zabagandelela, baguqiswa ngaphasi kwesandla sazo.

AMARHUBO 119:136

Amehlwami ageleza iinyembezi, ngombana abantu abalondi umthethwakho.

AMARHUBO 69:20

Wena uyayazi ihlamba engethukwa ngayo, ihlazo nokurhubutjhwa kwami; zoke izitha zami ziyazeka kuwe.

UMTJHUMAYELI 4:1

Godu ngaqala ngabona loke igandelelo ebegade lenzeka ngaphasi komthunzi welanga: Qala bekuneenyembezi zabagandelelweko, gade banganamduduzi; amandla alele kubagandeleli, ngalokho abagandelelweko batlhoga umduduzi.

U-ISAYA 54:11

“Wena othotjisiweko, owakhukhulwa ziinrhurhula, wangaduduzwa, qala, sele ngizokubeka amatjakho phezu kwedaka eliphazimako, ngenze iinsekelo zakho ngamatje wesafaya

UJOROMIYA 13:17

Kodwana naningalaleliko, umphefumulwami uzokulilela ngemsitheleni ngebanga lokuziphakamisa kwenu, amehlwami azakurhahlawula, awuluke iinyembezi, ngombana umhlambi kaSomnini uzabe uthunjiwe.

UJOROMIYA 14:17

Batjele amezwi lawo.” Amehlwami akatshege iinyembezi, ubusuku nemini zingomi ngombana itlawu elibabantu bami lineduma elesabekako, iye, inceba elingalaphekiko.

UJOROMIYA 15:5

“Ngubani ozakurhawukela wena Jerusalema; ngubani ozakutlhuwela na? Ngubani ozakuphambukela akubuze amavuko na?

UJOROMIYA 8:18

Ngaphandle kokuphiliswa, isizi liqubuka phakathi kwami, iye, ihliziywami iyagula ngaphakathi kwami.

UJOROMIYA 9:1

Maye, thana ihlokwami beyisiyalu samanzi namehlwami amthombo weenyembezi! Bengizakulila ubusuku nemini ngenca yabantu bekhethu abarhayiliweko.

UJOROMIYA 9:10

Ngizakuthoma ingoma yokukhihla isililo ngililele imibundu; ngizile mayelana namadlelo werhalawumba ngombana sele alifusi. Akusenamuntu odlula lapho; ukulila kweenkomo akusezwakali, iinyoni ngitjho neenlwana sele kumukile.

UJOROMIYA 9:21

Mbala, ukufa kungene ngamafesiderethu, kwangena ngemibhotjhongwenethu kwabulala abantwana eendledlaneni namasokana ematatawini.”

ISILILO 1:2

Ebusuku likhihla isililo, iinyembezi zehle emihlathinalo. Phakathi kwazo zoke iinthandwa zalo, asikho nesisodwa esiliduduzako. Boke abangani balo balirhwalile, baphenduke izitha zalo.

ISILILO 1:9

Ukusilaphala kwalo bekuseemvunulweni zalo, lokha nalonako azange licabange ngekusasa lalo. Ukuwa kwalo bekuphazamisa khulu ngombana belinganamduduzi. Lathi: “Maye Somnini, akhe uqale iinhlungu zami ngombana isitha singihlulile!”

ISILILO 2:11

Amehlwami afiphala ngeenyembezi, isisu sami siyasika, inyongwami ichithekela equlwanini ngebanga lokuphodlheka kwabantu bami: Amasana nabantwana baphela amandla, eendledlaneni zedorobho.

ISILILO 2:18

Iinhliziyo zabantwana zililela uSomandla. Wena mthangala wendodakazi yeZiyoni wulula iinyembezi, zehle njengomlanjana ubusuku nemini! Ungaziphi ukuphumula, nethoro yelihlo lakho ingaledlhi.

UHOSIYA 9:12

Iye, nabantwana ababakhulisako ngizobamuka bona kungasali ngitjho noyedwa. Bazazizwa mhlana ngibafulathelako.