ISILILO 1:12 - IsiNdebele 2012 Translation

¹² Noke nina enidlula ngendlela, akutjho litho kini lokhu na? Qalani nibone nakube kunesizi elifana nelameli, engapharwa ngalo, iye, uSomnini angihlunguphaza ngalo ngelanga letukuthelwakhe evuthako.

ISILILO 1:12 Iomraidhean Croise

AMARHUBO 88:16

Kusukela ebutjheni bami ngingochakileko, ngisengozini yokufa; ngiphelile ngokwethuswa nguwe.

U-ISAYA 13:13

Ngizakusikinya amazulu ukuze iphasi lihlengezele litjhide ebunzinzweni balo. Lokhu kuzakwenzeka ngetukuthelo kaSomnini uMninimandlawoke elangeni lelaka lakhe elivuthako.

UJOROMIYA 10:19

Inarha yakwaJuda izakuthi: “Maye mina ngebanga lokulimala kwami! Inceba lami alelapheki! Mina ngadlumbana ngathi, ‘Lokhu sekugula nje, yeke ngizakubhesela.’

UJOROMIYA 18:16

Ngalokho inarhabo iba libhudu, into yokurarekelwa ngesikhathi soke. Boke abadlula lapho bazakukhuza ngayo, bathintithe iinhloko ngokutlhuwa.

UJOROMIYA 30:23

“Qalani, naso isiwuruwuru sakaSomnini! Sikurhwanta kwetukuthelo kaSomnini, iye, isivunguvungu esikhukhulako! Sizakuvunguzela phezu kweenhloko zabakhohlakeleko.

UJOROMIYA 30:24

Itukuthelo evuthako yakaSomnini angeze yahlehla angakafezi iinhloso zehliziywakhe. Emalangeni ezako nizakuzwisisa.”

UJOROMIYA 30:7

Maye liyasabeka ilangelo! Alikho elizakufana nalo. Lizakuba sikhathi sesizi kuJakopo, kodwana uzakusindiswa kilo

UJOROMIYA 4:8

Yeke, yembathani iinzilo, nilile nirhahlawule nithi: Maye, ilaka elivuthako lakaSomnini alikasuki phezu kwethu.

UJOROMIYA 48:27

U-Israyeli azange abe sisiga sokuhlekwa kuwe na? Ingabe wabanjwa hlangana namasela kobana ungabeze uthintithe ihloko njalo lokha nawukhuluma ngaye na?

ISILILO 1:18

USomnini ulungile ngombana ngihlubuke ilizwi. Lalelani noke nina zizwe, niyelele isizi lami: Amatlawu namasokanami asiwe ekuthunjweni.

ISILILO 2:1

Maye etukuthelwenakhe uSomandla uyibhibeze kangangani indodakazi yeZiyoni! Kuthe ubuphaziphazi bakwa-Israyeli busemkayini, wabuphosela phasi. Azange akhumbule isenabelo seenyawo zakhe ngelanga letukuthelwakhe.

ISILILO 2:13

Ngizakufanisa nasiphi isibonelo, ngikulinganise nani, wena ndodakazi yeJerusalema na? Ngizakufanisa nani ukuze ngikududuze wena tlawu leZiyoni na? Ngambala ukuphodlheka kwakho kubanzi njengelwandle. Ngubani ongakwelapha na?

UDANYELA 9:12

Wazalisa amezwi awakhulumako ngokujamelana nathi nababusi bethu abasibusako ngokusehlisela iinhlekelele ezesabekako. Mbala, ngaphasi komthunzi welanga azange khekwenzeke okunjengalokho okwenzakalele iJerusalema.

UJUWELI 2:2

Lilanga elimnyama nelifipheleko, ilanga lamafu nesigayegaye. Njengokusa kugubuzesa iintaba, kuza ibutho elikhulu; elingazange khelibekhona elinjalo nekadeni, nelingasoze labakhona eenkhathini ezizako.

UMATEWU 24:21

ngombana iinhlupheko ngesikhatheso zizabe zizimbi khulu, zingalingani nalezo ezakhe zaba khona kusukela ekuthomeni kwephasi bekwaba kunjesi nezingasoze zaba khona godu.