ISILILO 1:11 - IsiNdebele 2012 Translation

¹¹ Boke abantu balo bayabubula nabafunana nesikwa, banana amagugwabo ngokugoma ukuze bavuselele umphefumulo. Qala Somnini, ubone kobana angisenabubhadekelo.

ISILILO 1:11 Iomraidhean Croise

2 AMAKHOSI 6:25

Lokhu kwabangela indlala ekulu eSamariya: Ukuvimbezela kwathatha isikhathi eside khulu ngangobana ihloko kadumbana yathengiswa ngeempaparwana ezimatjhumi abunane wesiliva. Kuthi umsuqwa wamazuba ongagcwala itjhethe ubize iimpaparwana ezihlanu.

UJOBHO 40:4

“Qala, ngimncani khulu, uSomnini ngizamphendula ngithini? Nje-ke ngivala phetjheya.

AMARHUBO 79:4

Sibe siphoqo sabomakhelwana bethu, isithuko nesinyefulo kilabo abasiphahlileko.

UJOROMIYA 15:19

Nje-ke, nakhu okutjhiwo nguSomnini: “Nakube ubuyela kimi bese ngiyakuvumela bonyana ubuye, khona-ke uzakubuya ube yincekwami godu. Nakube emlonyenakho kuphuma okuvuthiweko, okungasibo ubudlhadlha, khona-ke uzakuba ngusomlomami. Abantwaba ababuyele kuwe, kodwana wena ungabuyeli kibo.

UJOROMIYA 19:9

Ngizabenza batle inyama yamadodana namadodakazabo, batlane bona esizini nebudisini abazabubangelwa zizitha zabo nalabo abazumana nepilwabo.’

UJOROMIYA 38:9

“Kosi, mphathami, amadoda la enze ubukhohlakali ngakho koke akwenzileko kuJoromiya umphorofidi. Bamfake ngemgodini lapha azakubulawa khona yindlala ngombana akusenasikwa ngedorobheni.”

UJOROMIYA 52:6

Indlala beyirhagele khulu ngedorobheni kangangobana abantu bendawo gade bangasenalitho elidliwako. Kwathi ngelanga lethoba lenyanga yesine

ISILILO 1:8

IJerusalema lone khulu, nje-ke, sese liphenduke isihlekiso. Boke ebebalihlonipha sele balidelela ngombana balibonele. Nalo ngokwalo liyaquma, lifulathele.

ISILILO 1:9

Ukusilaphala kwalo bekuseemvunulweni zalo, lokha nalonako azange licabange ngekusasa lalo. Ukuwa kwalo bekuphazamisa khulu ngombana belinganamduduzi. Lathi: “Maye Somnini, akhe uqale iinhlungu zami ngombana isitha singihlulile!”

ISILILO 2:11

Amehlwami afiphala ngeenyembezi, isisu sami siyasika, inyongwami ichithekela equlwanini ngebanga lokuphodlheka kwabantu bami: Amasana nabantwana baphela amandla, eendledlaneni zedorobho.

ISILILO 2:12

Balilela abonina, bathi: “Siphi isikwa newayini na?” Baphela amandla njengabahlatjwe ngesabula eendledlaneni zedorobho; bakhuphela imiphefumulwabo eemfubeni zabonina.

ISILILO 2:20

Awu, Somnini, akhe uqale bewuyelele! Ukwenze kubani godu lokhu na? Kumele abafazi badle iinthelo zabo, abantwana ababasingathileko na? Kumele abaphristi nabaphorofidi babulawe endaweni ecwengileko kaSomandla na?

ISILILO 5:1

Khumbula Somnini, lokho okwenzeke kithi, qala, uyelele ihlazo lethu.