ISILILO 1:1 - IsiNdebele 2012 Translation

¹ Maye, linesizungu idorobho, elalihlala liphithizela abantu! Awu, sese lifana nomhlolokazi, yena ebegade amkhulu phakathi kwezizwe! Gade liyindlovukazi phakathi kweemfunda, kwanjesi sele lisisembamgodi.

ISILILO 1:1 Iomraidhean Croise

1 AMAKHOSI 4:21

USolomoni wabusa yoke imibuso ukusukela emlanjeni iYufrathe ukuya enarheni yamaFilista, ukuyokufika emkhawulweni weGibhide. Yoke imibuso le yaletha umthelwayo kuSolomoni begodu wayibusa ipilwakhe yoke.

2 AMAKHOSI 23:33

UFaro Nekho wamvalela eRibhila okuyinarha yeRhamathi ukuze angabusi eJerusalema. Wahlawulisa nenarha yakwaJuda bona ithele umthelo oziinkulungwana ezintathu namakhulu amane wamakhilogremu wesiliva namakhilogremu wegolide elimatjhumi amathathu nane.

2 AMAKHOSI 23:35

UJehoyakhimu wahlawulela uFaro ngesiliva negolide. Kodwana ukuze aphumelele ukukhokha inani lemali uFaro ayifunako, kwakufuze aveze indaba yomthelo. Lokho wakwenza ngokuthelisa abantu bendawo. Nje-ke, omunye nomunye umuntu watheliswa ngokuya ngomnotho anawo.

2 IINKRONIKE 9:26

Wabusa woke amakhosi ukusuka emlanjeni iYufrathe ukuya enarheni yamaFilista emikhawulweni yeGibhide.

U-EZRA 4:20

Iye, iJerusalema beyinamakhosi aqinileko nanamandla, abuse isifunda soke esingetjingalanga yomlambo iYufrathe. Begade kukhutjhwa kiwo umthelo, isibiko kanye nemali yendlela.

UNERHEMIYA 5:4

Kwabakhona godu abathi: “Thina siboleke imali ngamasimethu nangeendiribe zethu kobana sikhokhele umthelo wekosi.

UNERHEMIYA 9:37

Umkhiqizo wenarha uya emakhosini owenze bona abuse phezu kwethu ngenca yesono sethu. Alawula imizimbethu godu azenzela umathanda ngefuywethu. Yeke thina sisesizini elikhulu nasinje.”

AMARHUBO 122:4

lapha iinkoro zikhuphukela khona, iye, iinkoro zakaSomnini. Ukuthokoza ibizo lakaSomnini kubufakazi ku-Israyeli.

U-ISAYA 14:12

“Maye, ukuwa kwakho ezulwini wena Khwezi, iye, wena ndodana yamarimarima! Wehliselwe equlwanini, wena owise izizwe!

U-ISAYA 22:2

Usiphithiphithi sedorobho esizele itjhada iye, wena umumuzi osiyaluyalu. Kodwana abarhayiliweko bakho abakarhayilwa ngesabula begodu abakabulawelwa epini.

U-ISAYA 3:26

Amasango weZiyoni azakulila abibitheke; libe dududu, lihlale phasi ehlabathini.”

U-ISAYA 49:21

Yeke uzazibuza uthi, ‘Ngubani nje owangibelethela laba? Benginganabantwana, ngiyinyumba; bengithunjiwe, ngilahliwe. Bakhuliswe ngubani-ke laba? Qala, ngasala ngingedwa; alo, babuyaphi-ke laba?’ ”

U-ISAYA 50:5

Iye, uSomnini uSomandla uvula indlebami, yeke mina-ke angidazi ikani begodu angihlehli.

U-ISAYA 52:2

Zithintithe ithuli, sikima wena sibotjhwa, Jerusalema. Zithukulule iinketani entanyenakho, wena sibotjhwa, ndodakazi yeZiyoni.

U-ISAYA 52:7

Maye zithandeka kangangani eentabeni iinyawo zaloyo oletha iindaba ezimnandi; omemezela ukuthula, iye, oletha iindaba ezimnandi, ngokumemezela isindiso, athi eZiyoni: “UZimakho uyabusa!”

U-ISAYA 54:4

“Ungesabi ngombana angeze warhubutjhwa. Ungapheli amandla ngombana angeze wahlaziseka. Uzakukhohlwa ukurhubutjhwa kobutjha bakho, ungasakhumbuli godu ihlazo lobuhlolokazi bakho.

UJOROMIYA 31:7

Mbala, nakhu okutjhiwo nguSomnini: “Hlokomani ngethabo kuJakopo, iye, nibethele umphathi wezizwe umkhulungwana, memezelani, nidumise nithi, ‘Sindisa abantu bakho Somnini, iye, imisalela yakwa-Israyeli.’

UJOROMIYA 40:9

UGedaliya umsa ka-Arhikhamu omsa kaTjhafani, wenza isifungo sokubaqinisekisa kanye namajonazo wathi: “Ningesabi ukusebenzela amaKasidi. Hlalani enarhenapha, nisebenzele ikosi yeBhabheli yeke kuzanikhambela kuhle.

UJOROMIYA 42:2

kuJoromiya umphorofidi bathi kuye: “Sendlala nasi isinghonghoyilo sethu phambi kwakho: Sibawa uthandazele yoke imisalela le kuSomnini uZimakho. Njengombana sewubona nje, sakhe saba banengi, kodwana kwanjesi sekusele ibinzana.

UJOROMIYA 44:2

“Nakhu okutjhiwo nguSomnini uMninimandlawoke, uZimu wakwa-Israyeli, ‘Nizibonele ngokwenu ihlekelele ekulu engiyehlisele phezu kweJerusalema nakiyo yoke imizi yakwaJuda. Qalani, namhlanje sele imarubhi begodu ayinabahlali

UJOROMIYA 44:6

Ngalokho itukuthelwami yavutha phezu kwemizi yakwaJuda neendledlaneni zeJerusalema bekwaba marubhi nebhudu njengombana kunjalo namhlanjesi.’

UJOROMIYA 50:23

Maye, yephuke beyafahlaka kangangani inondo edule iphasi loke! Maye, libe yiququ kangangani iBhabheli hlangana nezizwe!

UJOROMIYA 9:11

USomnini uthi: “IJerusalema ngizayenza isiqorho samatje, idzaba leempungutjha; ngenze amadorobho wakwaJuda abe libhudu, ukuze kungabi nomuntu ohlala kiwo.”

ISILILO 1:19

Ngabiza iinthandwa zami kodwana zona zangihlamuka. Abaphristi nabaphathi bami babhubhela ngedorobheni nabasazifunela kokugoma kobana bavuselele umphefumulwabo.

ISILILO 2:1

Maye etukuthelwenakhe uSomandla uyibhibeze kangangani indodakazi yeZiyoni! Kuthe ubuphaziphazi bakwa-Israyeli busemkayini, wabuphosela phasi. Azange akhumbule isenabelo seenyawo zakhe ngelanga letukuthelwakhe.

ISILILO 2:10

Abaphathi bendodakazi yeZiyoni bahlezi equlwanini bathulile, bazithele ngethuli eenhloko bembatha iinzilo. Amatlawu weJerusalema ahlome iinhloko phasi.

ISILILO 4:1

Maye, igolide elidarhileko lifiphele, iye, igolidembala! Amatje acwengileko arhatjhekile emajikeni wazo zoke iindledlana.

ISILILO 5:16

Isihlohlo siwile eenhloko zethu. Maye thina ngombana sonile!

UHEZEKIYELI 26:16

Nje-ke woke amakhosana welwandle azakwehlika eenhlalweni zawo zobukhosi, abeke phasi amanakawo abe ahlubule nezambatho zawo ezimibalabala. Azakwembatha ngokuthuthumela; ahlale phasi ehlabathini aqhaqhazele ngesikhathi soke abe ababaze ngawe.

UHEZEKIYELI 26:2

“Ndodana yomuntu, njengombana iTirosi likhulume mayelana neJerusalema lathi, “ ‘Arha! Lidilikile iJerusalema okulisango labantu. Ipahlalo izakulethwa kimi, ngizakuzuza ngombana limarubhi!’

UHEZEKIYELI 5:5

“Nakhu okutjhiwo nguSomnini uSomandla, ‘Leli liJerusalema engalibeka ekabeni yezizwe, neenarha zilibhode mazombe.

ULEVITIKUSI 26:31

Amadorobhenu ngizowenza amarubhi, iindawo ezicwengileko zenu zibe maqubi. Iminikelwenu angizukuyamukela.

ULEVITIKUSI 26:33

“Nina-ke ngizonihlakazela hlangana nezinye izizwe nesabula ihlale irhwatjhiwe ngemuva kwenu. Iye, inarhenu izakuba libhudu namadorobhenu abe marubhi.

UZEFANIYA 2:15

Lizakuba nje-ke idorobho elizikhukhumezako neliphephileko, elizitjela lithi: “Ngimi ngimi, alikho elinye gaphandle kwami.” Maye, lizakuphenduka igagadu, indawo yokulala iimbandana zommango! Boke abadlula nca ngakilo bazalenza ihlaya bebalikokomeje.

ISAMBULO 18:7

Njengokuzidumisa nokutamasa kwalo, linikeleni isilinganiso sehlupheko nesizi elingako ngombana lizitjela ehliziywenalo lithi, ‘Ngihlezi njengendlovukazi, angisuye umhlolokazi, begodu nesizi angekhe ngalibona!’