ISAMBULO 9:21 - IsiNdebele 2012 Translation

²¹ Begodu azange baphenduke ekubulaleni, ebuloyini, ekungwadleni nekwebeni kwabo.

ISAMBULO 9:21 Iomraidhean Croise

U-ISAYA 47:12

Thuwelela ngamalumbo wakho lawo nangobuloyikazi bakho obunengi lobo, osoloko waphikelela ngabo kusukela ebutjheni bakho. Mhlamunye uzakuphumelela, asazi, mhlamunye uzayethusa ihlekelele leyo!

U-ISAYA 47:9

Kodwana izintwezi zizokwehlela zombili ngesikhatjhana, ngalanga linye. Iye, ukuloba abantwana nokuba mhlolokazi kuzakwehlela phezu kwakho ngamandla, phezu kobana unobuloyikazi obunengi namalumbo anamandla.

U-ISAYA 57:3

Kodwana nina madodana wesanusi, nzalo yesihlobongi esingwadlako, tjhidelani lapha!

UDANYELA 11:33

Abahlakaniphileko hlangana nabantu bazakuyelelisa abanengi, kodwana bazakukhutjhwa kwesikhatjhana ngebanga lesabula nomlilo, iye, ngebanga lokuthunjwa nokuphangwa.

UMALAKI 3:5

“Ngizakubandamela kini-ke bona ngigwebe. Ngizakuba msinyana ekufakazeni ngokujamelana nezanusi, iinhlobongi, nabafunga amanga, godu ngokujamelana nabadlelezela iinsebenzi imirholwazo, abagandelela abahlolokazi neentandani, bamuka neenkhonzi amalungelwazo, kodwana bangangesabi mina.” Kutjho uSomnini uSomandla.

UMATEWU 15:19

Iye, ehliziyweni kuvela imizindlo emimbi, ukubulala, ukuhlobonga, ubufebe, ubusela, ukufakaza amala nokuhlambalaza.

2 KWEBEKORINTE 12:21

Iye, nginevalo lokobana nangifikako godu, uZimami angangithoba phambi kwenu, mhlambe bengililele abanengi abona ngaphambilini kodwana bangeze baphenduka ekusilaphaleni kwabo, ekuziphatheni kumbi ngokwamabhayi kanye nemanyaleni abawenzileko.

KWEBEGALATIYA 5:20

kulotjha abosingazimu, buloyi, yizondo, kucabana, mumona, kubanga umguruguru, kuzicabangela wedwa, kuphikisana, kukwahlukana,

ISAMBULO 13:13

Sagila iimbonakaliso ezikulu sabe senza nomlilo ophuma ezulwini, wehlele ephasini phambi kwabantu baqalile.

ISAMBULO 13:15

Saphiwa amandla bona senze isithombesibunjwa sesibanda siphefumule ukuze isithombesibunjwa esimfanekiso leso sikhulume. Begodu senza nokobana labo abangalotjhi umfanekiso wesibanda leso babulawe.

ISAMBULO 13:7

Godu savunyelwa bona silwe nabacwengileko sibahlule. Saphiwa igunya phezu kweenkoro, kwemindeni, kweenlimi nezizwe.

ISAMBULO 14:8

Nje-ke enye ingilozi yesibili yalandela yathi: “Liwile, liwile iBhabheli elikhulu! Ngilo elenza bona zoke izizwe zisele iwayini lelaka lobungwadla balo!”

ISAMBULO 16:6

“Ngebanga lokobana baphalaze iingazi zabacwengileko nabaphorofidi, ngikho nje ubanikele iingazi bona bazisele ngombana kubafanele!”

ISAMBULO 17:2

iye, leyo amakhosi wephasi agile nayo imikhuba yobungwadla, bekwathi ngewayini lobungwadla bayo kwadakwa abahlezi ephasini.”

ISAMBULO 17:4

Umfazi loyo bekembethe okububende nokutlerebede begodu azihlobise ngegolide, ngobuphaziphazi nangamatje amahle aligugu. Ngesandla sakhe bekaphethe ikapho yegolide ebeyizele amanyala nokusilaphala kokuhlobonga kwakhe.

ISAMBULO 17:5

Epandla yakhe bekunebizo elitlolwe ifihlo ethi: “Bhabheli elikulu, nina weengwadla namanyala wephasi.”

ISAMBULO 18:3

Ngebanga lokobana zoke izizwe zisele iwayini elihlanyisako lobungwadla balo, amakhosi wephasi ahlobonge nalo, nabarhwebi bephasi banjingile ngomnotho wokutamasa kwalo.”

ISAMBULO 19:2

ngombana ukugweba kwakhe kulungile bekumsulwa. Ugwebe ingwadla eyaziwako neyonakalise iphasi ngobungwadla bayo begodu iingazi zeenceku zakhe uzibuyiselele kiyo.”

ISAMBULO 21:8

Kodwana amatjhatjha, abangakholwako, abasilapheleko, ababulali, iinhlobongi, abenza imilingo, abalotjha abosingazimu nabo boke abaleya amanga isabelo sabo sizakuba selitsheni elivuthako lomlilo nesibabuli, okukukufa kwesibili.”

ISAMBULO 22:15

Ngaphandle kunezinja, abaloyi, iinhlobongi, ababulali, abalotjha iinthombe nabo boke abathanda nabenza ikohliso.

ISAMBULO 9:20

Inengi labantu elingazange libulawe ngeenhluphekwezi, akhange liphenduke emisebenzini yalo eliyenzako namkha lilise ukulotjha amadimoni neenthombembunjwa zegolide, zesiliva, zekoporo, zelitje nekhuni ezingakwazi ukubona, ukuzwa namkha ukukhamba.