ISAMBULO 9:20 - IsiNdebele 2012 Translation

²⁰ Inengi labantu elingazange libulawe ngeenhluphekwezi, akhange liphenduke emisebenzini yalo eliyenzako namkha lilise ukulotjha amadimoni neenthombembunjwa zegolide, zesiliva, zekoporo, zelitje nekhuni ezingakwazi ukubona, ukuzwa namkha ukukhamba.

ISAMBULO 9:20 Iomraidhean Croise

2 AMAKHOSI 22:17

Ngizokwenza lokhu ngombana bangihlubukile bebatjhisela abosingazimu itjhwalo ukuze bangithukuthelise ngazo zoke iinthombe abazenze ngezandla zabo. Yeke ubukhali bami ngendawo le buyavutha begodu abusoze bacinywa mumuntu.’

2 IINKRONIKE 28:22

Ikosi u-Arhazi lo lokha naseenhluphekweni wangezelela ukukhambelela kwakhe kokungathembeki kuZimu:

2 IINKRONIKE 34:25

Ngizokwenza lokhu ngombana bangihlubukile bebatjhisela abosingazimu itjhwalo ukuze bangihlabekise ngazo zoke iinthombe abazenze ngezandla zabo. Yeke ubukhali bami ngizabuthululela endaweni le begodu angeze bacinywa mumuntu.’

AMARHUBO 106:37

Benzela imimoya emimbi imihlabelo ngamadodana namadodakazabo.

U-ISAYA 2:8

Inarhabo igcwele abosingazimu; bakhothamela umsebenzi wezandla zabo, lokho okwenziwe miminwabo.

U-ISAYA 41:7

Usosino ugqugquzela umkhandigolide, loyo oliqandula ngenondo ugqugquzela osebenza ngenonjwana athi, ‘Maye, sihle isipaparu segolide osihlanganisako!’ Nje-ke, bakokodele ngeenkhonkhwani isithombesibazwa ukuze singaketuki!

UJOROMIYA 1:16

Ngizakukhupha isigwebo sami phezu kwabantu beJerusalema nebakwaJuda ngenca yokukhohlakala abakwenzileko ngokungilahla kwabo, batjhisela abosingazimu itjhwalo, bakhothamela okwenziwe zizandla zabo.

UJOROMIYA 25:6

Ningadlhemadlhemi ngemva kwabosingazimu kobana nibalotjhe benibakhothamele. Ningangithukuthelisi ngemisebenzi yezandla zenu. Yeke angeze nganikhubaza.”

UJOROMIYA 44:8

Kubayini ningithukuthelise ngalokho okwenziwe zizandla zenu, nitjhisele abosingazimu itjhwalo enarheni yeGibhide, lapha nize kobana nikhonze khona na? Nizozitjhabalalisa beniziphendule into yokunikelelwa neyokurhubutjhwa hlangana nazo zoke izizwe ephasini.

UJOROMIYA 5:3

Somnini, wena uqala ukwethembeka! Wabamadlha, kodwana azange bezwe ubuhlungu, wabaqeda, kodwana bala ukusolwa. Benza ubuso babo baqina ukudlula ilitje, bala ukuphenduka.

UJOROMIYA 51:17

Woke umuntu usidlhayela begodu akanalwazi; woke umncibilikisi uhlaziswa bosingazimu bakhe. Iinthombembunjwa zakhe zimamala, azinamphefumulo ngaphakathi kwazo.

UDANYELA 5:23

Kunalokho uziphakamisile kuMbusi wezulwini: Izitja zethempeli lakhe zilethwe phambi kwakho, kwathi wena neenkhulu zakho, abomkakho nemingenakho nasela iwayini ngazo. Godu wena kosi ubuye wadumisa abozinyana besiliva nebegolide, bekoporo, besimbi, besigodo nebelitje; iye, labo abangaboniko, abangezwako nabanganalwazi. Kodwana uZimu ophethe ukuphila kwakho kanye neendlela zakho zoke, akhange umhloniphe.

UDANYELA 5:4

Basela iwayini badumisa abozinyana begolide nebesiliva, bekoporo, besimbi, besigodo nebelitje.

ULEVITIKUSI 17:7

Angeze asahlabela uzinyana onesimo seembuzi adlhemadlheme ngemva kwakhe. Lokho kuzakuba simiso sanini nanini kibo eenzukulwaneni ngeenzukulwana.”

UMIKHA 5:13

Ngizakuruthula nesithombe senu u-Atjhera bengibhidlize neendawo zenu ezicwengileko.

UMATEWU 21:32

UJwanisi weza kini wanitjengisa indlela yokulunga, azange benimkholwe, kodwana abathelisi neengwadla zamkholwa. Kubhale ngitjho nanyana sele nikubonile lokhu, azange beniphenduke nimkholwe.”

IZENZO ZABAPOSTOLI 17:29

“Yeke, njengombana siziinzukulwana zakaZimu, asikafaneli sidlumbane bonyana ubuZimu bufana negolide namkha isiliva nanyana ilitje eliqandulwe ngobuhlakani nelwazi lomuntu obhubhako.

IZENZO ZABAPOSTOLI 19:26

Manje nani niyabona beniyazizwela ngokwenu bona akusinge-Efesu kwaphela kodwana pheze i-Asiya loke, uPowula lo udukise abanengi ngokubatjela bona abozimu abenziwe ngezandla, akusibo abozimu bamambala.

IZENZO ZABAPOSTOLI 7:41

Kwaba kulokha nabenza isithombe sekonyana, baletha imihlabelo kiso benama ngemisenzi yezandla zabo.

2 KWEBEKORINTE 12:21

Iye, nginevalo lokobana nangifikako godu, uZimami angangithoba phambi kwenu, mhlambe bengililele abanengi abona ngaphambilini kodwana bangeze baphenduka ekusilaphaleni kwabo, ekuziphatheni kumbi ngokwamabhayi kanye nemanyaleni abawenzileko.

UDUTERONOMI 31:29

Iye, ngiyazi bonyana ngemva kokuhlongakala kwami, ngiqinisile ngithi nizokwenza amanyala, niphambuke endleleni enganiyala ngayo. Emalangeni ezako nizokwehlelwa bubumbi ngombana nizokwenza ubukhohlakali phambi kwakaSomnini, nimthukuthelise ngemisebenzi yezandla zenu.”

UDUTERONOMI 32:17

Bahlabela imimoya emimbi, izinto ezibosingazimu, okubozinyana abangazange babazi, izinto ezifike izolo, naboyihlo abangazange bazazi.

UDUTERONOMI 4:28

Lapho nizakulotjha abosingazimu besigodo nebelitje okumisebenzi yezandla zabantu, izinto ezingaboniko, ezingezwako, ezingagomiko nezinganukeleliko.

1 UTHIMOTHI 4:1

UMoya oCwengileko ukutjho ngokukhanyako bona ngamalanga wokuphela abanye bayokuhlubuka ekukholweni banake imimoya ekhohlisako neemfundiso zamadimoni.

ISAMBULO 15:1

Ngabona esinye isibonakaliso esikhulu nesirarako ezulwini: Bekuziingilozi ezilikhomba egade zineenhlupheko ezilikhomba, ekungezokugcina ngombana ngazo ilaka lakaZimu liphelisiwe.

ISAMBULO 16:8

Ingilozi yesine yathululela isitja sayo elangeni; lavunyelwa bona litjhise abantu ngesivuthevuthe salo,

ISAMBULO 9:19

Amandla weenjomanezo gade asemilonyeni nemisileni yazo ngombana imisila yazo leyo beyinjengeenyoka, ineenhloko ekungizo eziyingozi yokulimaza.

ISAMBULO 9:21

Begodu azange baphenduke ekubulaleni, ebuloyini, ekungwadleni nekwebeni kwabo.