ISAMBULO 9:1 - IsiNdebele 2012 Translation

¹ Ingilozi yesihlanu yavuthela iporompita, ngabona ikwekwezi ebeyikhithike ezulwini yawela ephasini; yona-ke yanikelwa isihluthulelo somgodi onganamkhawulo.

ISAMBULO 9:1 Iomraidhean Croise

U-ISAYA 14:12

“Maye, ukuwa kwakho ezulwini wena Khwezi, iye, wena ndodana yamarimarima! Wehliselwe equlwanini, wena owise izizwe!

ULUKASI 10:18

Wabaphendula wathi: “Ngibone uSathana awa njengombani ovela ezulwini.

ULUKASI 8:31

Amadimoni arabhela uJesu kanenginengi bona angawayali kobana aye ngemgodini otjhingako.

KWEBEROMA 10:7

“namkha udlumbane uthi, ‘Ngubani ozakwehlela kabafileko na?’ ” (okutjho bona ayokwenyusa uKrestu ekufeni).

ISAMBULO 1:18

ngingophilako! Bengifile, kodwana qala-ke sengiphila ngokungapheliko, begodu ngiphethe iinhluthulelo zokufa nezephasi labafileko.

ISAMBULO 1:20

Ifihlakalo yeenkwekwezi ezilikhomba ozibonileko ngesidleni sami kanye nezinti zegolide zeembani ezilikhomba zingilokhu: Iinkwekwezi ezilikhomba ziziingilozi zamabandla alikhomba nezinti zeembani ezilikhomba zegolide zimabandla alikhomba.”

ISAMBULO 11:7

Kuzakuthi lokha nasele baqede ubufakazi babo, isibandana siphume ngemgodini onganamkhawulo silwe nabo, sibahlule besibabulale.

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 20:1

Nje-ke ngabona ingilozi yehla ivela ezulwini, ngesandleni sayo iphethe isihluthulelo somgodi onganamkhawulo neketani ekulu.

ISAMBULO 20:10

USathana ogade abakhohlisile waphoswa ngelitsheni lomlilo nesibabuli, lapho isibandana kanye nomphorofidi wamanga bakhona, bayokutshwenywa isiphelani ubusuku nemini.

ISAMBULO 6:13

iinkwekwezi zesibhakabhaka zawela ephasini njengomuthi wamakhiwani nawuthintitha iinthelo zawo zebusika lokha nawusikinywa mumoya.

ISAMBULO 8:10

Ingilozi yesithathu yavuthela iporompita, ikwekwezi ekulu yawa ezulwini ibaneka njengesihlothi esivuthako; yawela engcenyeni yesithathu yemilambo nemithonjeni yamanzi.

ISAMBULO 8:12

Ingilozi yesine yavuthela iporompita yayo, kwathi ingcenye yesithathu yelanga, ingcenye yesithathu yenyezi nengcenye yesithathu yeenkwekwezi, iye, koke kwengcenye yesithathu yomkhanyo wakhona kwafiphala; azange kusaba khona ukukhanya engcenyeni yesithathu yemini, ngokunjalo nobusuku.

ISAMBULO 8:2

Nje-ke ngabona iingilozi ezilikhomba zijame phambi kwakaZimu; zanikelwa iimpalapala ezilikhomba.

ISAMBULO 9:2

Yavula umgodi onganamkhawulo kwaphuma intuthu ngesiwulwini kwanga intuthu yekehla yomlilo; ilanga nesibanga kwafiphala ngebanga lentuthu ephuma ngesiwulwini.