ISAMBULO 8:9 - IsiNdebele 2012 Translation

⁹ Ingcenye yesithathu yalokho okuphilako ngelwandle kwafa nengcenye yesithathu yemikhumbi yoniwa.

ISAMBULO 8:9 Iomraidhean Croise

AMARHUBO 48:7

Lapho gade angenwe mamanzi emadolweni, aba neenhlungu njengomfazi obelethako,

U-EKSODUSI 7:21

Iinhlambi ngeNayili zafa, umlambo waba nesivunda kangangobana amaGibhide azange akwazi ukusela amanzi wakhona. Kwazala iingazi iGibhide yoke.

U-ISAYA 2:16

yoke imikhumbi yokurhweba nazo zoke iinthayamanzi ezithwele amagugu.

U-ISAYA 23:1

Isimemezelo sakaZimu ngeTirosi: Rhahlawulani nina mikhumbi yokurhweba; aninakhaya ngombana iTirosi irhayiliwe! Kwabonakala lokho nayifika ivela enarheni yamaKithi.

UZAKARIYA 13:8

“USomnini uthi: “Enarheni yoke, iingcenye ezimbili kezintathu zizakurhayilwa bezitjhabalale; nokho isithathu sizakusinda.

UZAKARIYA 13:9

Isithathwesi ngizasidlulisa emlilweni; ngisicwengisise njengocwengisisa isiliva negolide. Sizakubiza ibizo lami, nje-ke ngizasiphendula, ngithi, ‘Bababantu bami,’ bese sona sithi, ‘USomnini nguZimethu.’ ”

ISAMBULO 12:4

Umsila wakhe wawola ingcenye yesithathu yeenkwekwezi zezulu, waziwululela ephasini. Nje-ke unomrhaso wajama phambi komfazi obekasele azokubeletha ukuze azokudla umntwanakhe loyo emva kobana abelethiwe.

ISAMBULO 16:3

Ingilozi yesibili yathululela isitja sayo phezu kwelwandle, laphenduka labangathi ziingazi zesidumbu, kwafa koke okuphilako ngelwandle.

ISAMBULO 8:10

Ingilozi yesithathu yavuthela iporompita, ikwekwezi ekulu yawa ezulwini ibaneka njengesihlothi esivuthako; yawela engcenyeni yesithathu yemilambo nemithonjeni yamanzi.

ISAMBULO 8:12

Ingilozi yesine yavuthela iporompita yayo, kwathi ingcenye yesithathu yelanga, ingcenye yesithathu yenyezi nengcenye yesithathu yeenkwekwezi, iye, koke kwengcenye yesithathu yomkhanyo wakhona kwafiphala; azange kusaba khona ukukhanya engcenyeni yesithathu yemini, ngokunjalo nobusuku.

ISAMBULO 8:7

Ingilozi yokuthoma yavuthela iporompita yayo, kwaba khona isinanja nomlilo kuvangene neengazi, kwathululelwa phezu kwephasi. Ingcenye yesithathu yephasi yatjhiswa; godu nengcenye yesithathu yemithi nakho koke okubutjani kwatjha kwalotha.

ISAMBULO 9:15

Ngokunjalo-ke, zatjhatjhululwa iingilozi ezine ebegade sele zilungiselelwe i-awara, ilanga, inyanga nomnyaka kobana zibhubhise okwesithathu kwabantu.

ISAMBULO 9:18

Ngeenhluphekwezo kwabhujiswa isithathu sabantu, okutjho ngomlilo, ngentuthu nangesibabuli okwaphuma emlonyeni weenjomani.