ISAMBULO 8:7 - IsiNdebele 2012 Translation

⁷ Ingilozi yokuthoma yavuthela iporompita yayo, kwaba khona isinanja nomlilo kuvangene neengazi, kwathululelwa phezu kwephasi. Ingcenye yesithathu yephasi yatjhiswa; godu nengcenye yesithathu yemithi nakho koke okubutjani kwatjha kwalotha.

ISAMBULO 8:7 Iomraidhean Croise

AMARHUBO 105:32

Wawehlisela isinanja esikhundleni sezulu, kwamanyaza umbani enarhenawo,

U-EKSODUSI 9:33

UMosi wasuka kuFaro waphumela ngaphandle kwedorobho. Welulela izandla zakhe kuSomnini, umdumo nesinanja zathula nezulu azange lisawulukela enarheni.

U-ISAYA 28:2

Qalani, uSomandla unaloyo onamandla noqinileko. Loyo-ke ufana nokuwuluka kwelifu elinesinanja, ihlekelele yesiwuruwuru. Iye, unjengokuwuluka kwelifu lamanzi akhukhula koke, ulalisa koke phasi.

U-ISAYA 29:6

Uzakukhanjelwa nguSomnini uMninimandlawoke ngomdumo, ukusikinyeka kanye netjhada elikhulu; ngesivunguvungu nangesiwuruwuru kanye namalangabi womlilo oqothulako.

U-ISAYA 30:30

USomnini uzakuzwakalisa ilizwi lakhe elindondako; etukuthelweni evuthako uzakubonisa ukubetha kwengalwakhe ngelangabi lomlilo oqothulako, ngetjhada lezulu, ngesiwuruwuru nangesinanja.

U-ISAYA 32:19

Kodwana ihlathi lezitha lizakurhadlwa sinanja, bese idorobho lazo liyadanjiswa.

UHEZEKIYELI 38:22

“IGogi ngizayigweba ngezifo nangokuthuluka kweengazi. Ngizakunisela izulu eliwulukako, isinanja esikhulu, umlilo nesibabuli phezu kwayo, phezu kwebutho layo naphezu kwezizwe ezinengi ezikanye nayo.

UJUWELI 2:30

Ngizakuveza amabono ezulwini nephasini: iingazi nomlilo nesimukumuku sentuthu.

UJAKOPO 1:11

Ilanga liyaphuma libalele litjhwabise ummango; amakhwa wakhona ayathintitheka nobuhle bawo bunyamalale. Kunjalo-ke nangenjinga, phakathi kwepilwayo izakwehlelwa kukhwahla.

UJOTJHUWA 10:11

Nabalokhu babaleka phambi kwama-Israyeli, nabehlela emehlelweni weBethe-Rhoroni, uSomnini wawululela iingiditjha zesinanja phezu kwabo bekwaba se-Azekha, bafela khonapho. Abafa ngebanga leengiditjha zesinanja baba banengi ukudlula ababulawa ma-Israyeli ngesabula.

1 UPITROSI 1:24

ngombana umtlolo uthi: “Mbala, boke abantu bafana notjani, nedumo labo loke lifana nelikhwa lommango: Utjani buyatjhwaba nelikhwa libune,

ISAMBULO 12:4

Umsila wakhe wawola ingcenye yesithathu yeenkwekwezi zezulu, waziwululela ephasini. Nje-ke unomrhaso wajama phambi komfazi obekasele azokubeletha ukuze azokudla umntwanakhe loyo emva kobana abelethiwe.

ISAMBULO 16:2

Yasuka ingilozi yokuthoma yafese yathulula isitja sayo ephasini. Kwathumbuka iinlonda ezimbi phezu kwalabo ebebanephawu lesibanda begodu balotjha nesithombe somfanekiso waso.

ISAMBULO 16:21

Isinanja esineengidija ezinobudisi obungaba makhilogremu amatjhumi amane nahlanu, sawulukela phezu kwabantu sehla ezulwini. Abantu bahlambalaza uZimu ngebanga lobuhlungu besinanja ngombana besesabeka kokufa.

ISAMBULO 6:8

Ngithe nangiqalako, naso injomani etshetlha ibizo lomkhweli wayo nguKufa, alandelwa nguHadesi. Banikelwa amandla phezu kwengcenye yesine yephasi bona babulale ngesabula, ngendlala, ngezifo nangeembandana zommango.

ISAMBULO 7:1

Ngemva kwalokho ngabona iingilozi ezine zijame emagumbini womane wephasi. Bezibambe imimoya emine yephasi khona kungazukuba khona ummoya ovunguzako ephasinapha namkha elwandle nanyana uphephule umuthi.

ISAMBULO 9:15

Ngokunjalo-ke, zatjhatjhululwa iingilozi ezine ebegade sele zilungiselelwe i-awara, ilanga, inyanga nomnyaka kobana zibhubhise okwesithathu kwabantu.

ISAMBULO 9:18

Ngeenhluphekwezo kwabhujiswa isithathu sabantu, okutjho ngomlilo, ngentuthu nangesibabuli okwaphuma emlonyeni weenjomani.

ISAMBULO 9:4

Sakhalinywa bona singarhayili utjani bephasi nanyana yini ehlaza, iye, nanyana ngiwuphi umuthi, kwaphela abantu labo abanganaphawu lakaZimu eempandla zabo.