ISAMBULO 8:5 - IsiNdebele 2012 Translation

⁵ Nje-ke ingilozi yathatha idengela yalizalisa ngomlilo we-aldarini, yawurhatjha ephasini; kwaba khona ukuduma nokuraramba, ukuphazima kombani nokusikinyeka kwephasi.

ISAMBULO 8:5 Iomraidhean Croise

1 AMAKHOSI 19:11

USomnini wathi: “Phuma ujame phezu kwentaba phambi kwami ngombana mina Zimu ngizasuke ngidlula lapho.” Khonapho kwavuka ummoya omkhulu nonamandla warharhabula iintaba waqeqebula amadwala phambi kwakaSomnini, kodwana uSomnini gade angekho phakathi kommoya lowo. Ngemva kommoya lowo kwaba nokudengezela kwephasi, kodwana nalapho uSomnini gade angekho.

AMARHUBO 18:13

Ebuphaziphazini bobukhona bakhe kwakhithika isinanja emafini, kwamekeza nemibani.

U-EKSODUSI 19:16

Ngokusa kwelanga lesithathu kwaba nemidumo nemibani, kwaqubuka ilifu elinzima entabeni. Kwaba netjhada elikhulu elizwakala njengelepalapala. Boke abantu egade basekampeni bathuthumela.

U-ISAYA 29:6

Uzakukhanjelwa nguSomnini uMninimandlawoke ngomdumo, ukusikinyeka kanye netjhada elikhulu; ngesivunguvungu nangesiwuruwuru kanye namalangabi womlilo oqothulako.

U-ISAYA 30:30

USomnini uzakuzwakalisa ilizwi lakhe elindondako; etukuthelweni evuthako uzakubonisa ukubetha kwengalwakhe ngelangabi lomlilo oqothulako, ngetjhada lezulu, ngesiwuruwuru nangesinanja.

U-ISAYA 66:6

Yizwani umkhosi wokuhlokoma ovela ngedorobheni! Ilizwi elivela ethempelini! Ilizwi lakaSomnini, libuyiselela izitha zakhe!

UJOROMIYA 51:11

Lolani imisubela, nigcwalise iinlanda ngayo. USomnini uvuse ummoya wamakhosi wamaMede ngombana ihloswakhe kubhubhisa iBhabheli. USomnini uzozibuyiselela, iye, abuyiselele ithempeli lakhe.

ULEVITIKUSI 16:12

uzakuthatha isitja sokutjhisela itjhwalo esigcwele amalahle avuthako e-aldarini eliphambi kwakaSomnini, akhelele izandla ezimbili zamakha wetjhwalo eligayiweko angene nawo ngaphakathi kwesiyaya setjhila.

UZAKARIYA 14:5

(Umrhoba weKhidroni onabela e-Atshali uzakuqintwa. Uzakuqintwa njengamhla uqintwa kuhlengezela kwephasi emihleni yabo-Uziya ikosi yakwaJuda.) Yeke uSomnini uZimakho uzakufika, kabacwengileko bakho wena Jerusalema.

UMATEWU 24:7

Isizwe sizakuvukela isizwe nombuso uvukele umbuso. Kuzakuba khona indlala nokusikinyeka kwephasi eendaweni ezahlukahlukeneko.

ULUKASI 12:49

“Ngizele ukuzokuphosela umlilo ephasini begodu ngifisa kangangani ukube thana sele uvutha!

IZENZO ZABAPOSTOLI 16:26

Khonokho kwaba khona ukusikinyeka okukhulu kwephasi kangangobana kwadengezela iinsekelo zesikhungo. Khonapho zoke iimvalo zesikhungo zavuleka, iimbopho zatjhaphuluka kizo zoke iimbotjhwa.

IZENZO ZABAPOSTOLI 4:31

Kuthe sebathandazile, indawo ebebahlanganele kiyo yadedemela. Boke bazaliswa ngoMoya oCwengileko bakhuluma ilizwi lakaZimu ngesibindi.

ISAMBULO 11:13

Khonokho kwaba khona ukusikinyeka kwephasi bekwadilika kwetjhumi komuzi. Kwafa abantu abaziinkulungwana ezilikhomba ekusikinyekeni lokho; inengi lesaba beladumisa uZimu wezulwini.

ISAMBULO 11:19

Ithempeli lakaZimu ezulwini lavuleka petle, kwabonakala i-aldari lesivumelwano lingethempelinapho; begodu bekukhona ukubaneka kwemibani, ukuraramba, ukutletlebula kokuduma kwezulu, ukusikinyeka kwephasi kanye namagidija wesinanja.

ISAMBULO 4:5

Khona esihlalweni sobukhosi lapho kwabaneka imibani, kwezwakala umdumo neensaba zokuraramba. Phambi kwesihlalo sobukhosi leso kwavutha iimbani ezilikhomba ezimimoya elikhomba yakaZimu.

ISAMBULO 6:12

Lokha iMvana nayinamulula iphawu lesithandathu, ngaqala, qala bekunokusikinyeka kwephasi okukhulu: Ilanga lafiphala laba nzima njengomsizi, inyanga yaba njengeengazi;

ISAMBULO 8:3

Kwasuka enye ingilozi iphethe idengela legolide letjhwalo yajama e-aldarini. Yanikelwa itjhwalo elinengi bona ilinikele nemithandazo yabo boke abacwengileko phezu kwe-aldari legolide, okutjho eliphambi kwesihlalo sobukhosi.