ISAMBULO 7:3 - IsiNdebele 2012 Translation

³ yathi kizo: “Ningaloni iphasi, ilwandle namkha imithi singakagibi iphawu eempandla zeenceku zakaZimethu.”

ISAMBULO 7:3 Iomraidhean Croise

U-EKSODUSI 12:13

Iingazi eziseenkumbeni lapha nikhona zizakuba litshwayo lokunivikela. Kuzakuthi nangibona iingazi, ngineqe. Angeze nathintwa matshwenyeko arhayilako lokha nangimadlha iGibhide.

U-EKSODUSI 12:23

Lokha uSomnini nadabula enarheni bona ehlisele amaGibhide amatshwenyeko, uzakubona iingazi phezu kwegoseni nangemaqadi wayo bese weqa umnyango lowo. Angeze avumela umrhayili bonyana angene ngeenkumbeni zenu anehlisele amatshwenyeko.

U-ISAYA 27:8

Wena Zimu, walungisa icala nabo ngokudunga idorobho nangokubaqotjhela kude; iye, ngelanga lesiwuruwuru sepumalanga uSomnini wabaphephetha ngommoyakhe onamandla.

U-ISAYA 54:17

Nje-ke akunasikhali esibekelwe wena esizakuphumelela begodu uzakubonisa loke ilimu elikumangalelako bona alinaqiniso. Lokhu kulilifa leenceku zakaSomnini, nokuhlanjululwa kwazo okuvela kimi.” Watjho njalo uSomnini.

U-ISAYA 6:13

Ngitjho nanyana enarheni kusele itjhumi ekhulwini, nalo lizakuqothulwa godu. Kodwana njengomuthi we-owuku namkha omunye nomunye omkhulu otjhiya isiphunzi nawugawuliweko, ngokunjalo kuzakusala isiphunzi okutjho isizukulwana esicwengileko.”

U-ISAYA 65:8

Nakhu okutjhiwo nguSomnini: “Njengombana umhluzi usafunyaneka ehlukuzweni lamadiribe bese abantu bathi, ‘Ungawalahli ngombana anobuhle’, nami-ke ngizakwenza njalo ngenca yeenceku zami: Angeze ngazilahla zoke.

UHEZEKIYELI 9:4

wathi kuye: “Khamba loke idorobho iJerusalema, ubeke iphawu esiphongweni sabantu ababubulako nabalilako ngebanga leenkghabhudlho zoke ezenziwa kilo.”

UHEZEKIYELI 9:6

Bulalani nirhayile abadala, amasokana neentombi, abomma nabentwana, kodwana ningathinti noyedwa onephawu. Nithome endawenami ecwengileko.” Nje-ke bathoma ngabaphathi ebegade balapho phambi kwethempeli.

UDANYELA 3:17

Nakube silahlelwa emlilwenapho, uZimethu esimesabako uyakwazi ukusisindisa ekehleni yomlilo begodu uzosisindisa esandleni sakho, kosi.

UDANYELA 3:26

Nje-ke uNebukadinetsari watjhidela etjhubeni lekehla yomlilo wathi: “Tjhedreke, Mitjhaka, Abhedinigo, nina nceku zakaZimu oPhezulu, phumani nize lapha!” Ngalokho uTjhedreke, uMitjhaka no-Abhedinigo baphuma ngekehleni yomlilo.

UDANYELA 6:16

Nje-ke ikosi yakhupha umyalo, uDanyela walethwa, waphoselwa ngemgodini wamabhubezi. Ikosi yathi kuye: “Kwanga uZimakho omlotjha mlibe, angakusindisa.”

UZEFANIYA 2:3

Funani uSomnini, nina noke bantu benarha enizithobileko, nina enilalela imiyalwayo. Yenzani okulungileko, nifune ukuthobeka; mhlamunye nizakuvikeleka ngelanga lelaka lakaSomnini.

UMALAKI 3:18

Nizakubona godu umehluko phakathi kwabalungileko nabakhohlakeleko naphakathi kwabalotjha uZimu nabangamlotjhiko.”

UMATEWU 24:22

Nakube amalanga lawo bekangakancitjhiswa, akakho obezakusinda, kodwana ngenca yalabo abakhethiweko, amalanga lawo azokuncitjhiswa.

UMATEWU 24:31

Yeke izakuthuma iingilozi zayo ngokulila okukhulu kwepalapala. Zona zizakubuthelela abakhethekileko bayo emagumbini womane wephasi, ukusuka ehlangothini elinye lomkayi bekube kukelinye.

UJWANISI 12:26

Nanyana ngubani oyincekwami kufuze angilandele; nalapho ngikhona nencekwami izakubakhona. UBaba uzamdumisa umuntu oyincekwami.”

UJWANISI 3:33

Kodwana loyo owamukela ubufakazi bakhe uqinisa bona uZimu uliqiniso.

KWEBEROMA 6:22

Kodwana gadesi njengombana sele nikhululiwe esonweni benaba makhoboka kaZimu nje, umvuzo eniwufunyanako kucwengiswa. Isiphetho salokho kuphila okungapheliko.

ISAMBULO 13:16

Godu sakatelela boke, okutjho omncani nomkhulu, onjingileko nochakileko, okhululekileko nolikhoboka bonyana babekwe iphawu esandleni sabo sangesidleni namkha epandla

ISAMBULO 13:17

ukuze kungabikhona ongathenga namkha athengise nakanganalo iphawu, okutjho ibizo lesibanda namkha isibalo sebizo laso.

ISAMBULO 14:1

Nje-ke ngaphakamisa amehlo, qala naso iMvana ijame entabeni iZiyoni; beyikanye neenkulungwana ezilikhulu namatjhumi amane nane zalabo ebebatlolwe ibizo layo nelakaYise eempandla zabo.

ISAMBULO 14:9

Kwalandela enye ingilozi yesithathu isitjho ngelizwi elikhulu ithi: “Nanyana ngubani olotjha isibandananomfanekiso waso, amukele iphawu epandla namkha esandleni sakhe,

ISAMBULO 19:2

ngombana ukugweba kwakhe kulungile bekumsulwa. Ugwebe ingwadla eyaziwako neyonakalise iphasi ngobungwadla bayo begodu iingazi zeenceku zakhe uzibuyiselele kiyo.”

ISAMBULO 20:4

Ngabona iinhlalo zobukhosi, labo ebebahlezi kizo banikelwa amandla wokugweba. Ngabona nemiphefumulo yalabo abaquntwe iinhloko ngebanga lobufakazi babo ngoJesu nangelizwi lakaZimu. Abazange balotjhe isibandana namkha umfanekiso waso; begodu abazange babekwe iphawu laso eempandla zabo namkha ezandleni zabo. Babuya baphila bebabusa noKrestu ikulungwana yeminyaka.

ISAMBULO 22:4

Zizakubona ubuso bakhe nebizo lakhe litlolwe eempandleni zazo.

ISAMBULO 6:6

Ngezwa okungathi lilizwi hlangana neembunjwa ezine eziphilako lisithi: “Isiqwebu sinye sekoroyi ngesipaparwana neenqwebu ezintathu zebhali ngesipaparwana, kodwana ungoni amafutha we-oliva newayini!”

ISAMBULO 7:1

Ngemva kwalokho ngabona iingilozi ezine zijame emagumbini womane wephasi. Bezibambe imimoya emine yephasi khona kungazukuba khona ummoya ovunguzako ephasinapha namkha elwandle nanyana uphephule umuthi.

ISAMBULO 7:2

Ngabona enye ingilozi ikhuphuka ngepumalanga iphethe iphawu lakaZimu ophilako. Yarhuwelela ngelizwi elikhulu iingilozi ezine ebezinikelwe amandla wokona iphasi nelwandle,

ISAMBULO 9:4

Sakhalinywa bona singarhayili utjani bephasi nanyana yini ehlaza, iye, nanyana ngiwuphi umuthi, kwaphela abantu labo abanganaphawu lakaZimu eempandla zabo.