ISAMBULO 7:12 - IsiNdebele 2012 Translation

¹² bathi: “Amen. “Idumo nephazimulo, ukuhlakanipha, ukuthokozwa nokuhlonitjhwa, iye, amandla neenkhwepha akube kuZimethu nini nanini! Amen.”

ISAMBULO 7:12 Iomraidhean Croise

UNERHEMIYA 12:46

Iye, umsebenzi wabavumi wokudumisa ngomvumo wokuthokoza uZimu, wasungula ekadeni ngeenkhathi zakaDavida no-Asafa.

UNERHEMIYA 12:8

AmaLevi bekungilawa: uJetjhuwa, uBhinuyi, uKhadimiyeli, uTjherebiya, uJuda noMataniya. UMataniya nabasebenzisani bakhe gade baphethe zomvumo wokudumisa.

AMARHUBO 100:4

Ngenani emasangwenakhe ngokuthokoza nesirhodlweni sakhe ngokudumisa; mthokozeni, nibabaze ibizo lakhe!

AMARHUBO 106:48

Akudunyiswe uSomnini uZimu ka-Israyeli kusukela nini nanini bekube siphelani! Abantu abatjho bathi: “Amen!” Haleluya!

AMARHUBO 107:22

Abanikele ngemihlabelo yokuthokoza, babike imisebenzakhe ngokuhlokoma.

AMARHUBO 116:17

Kuwe ngizakunikela umnikelo wokuthokoza, ngibize ibizo lakaSomnini.

AMARHUBO 147:7

Vumelani uSomnini ngokuthokoza, nikhalelele uZimethu ngeharibhana!

AMARHUBO 41:13

kodwana ngebanga lobuqotho bami ungiqinise, ungijamise phambi kwakho njalo.

AMARHUBO 50:14

Yenzani ukuthokoza kwenu kube mhlabelo kuZimu, niphethe iinthembiso zenu kongoPhezulu.

AMARHUBO 72:19

Alidunyiswe isiphelani ibizo lakhe eliphazimulako; kwanga iphazimulwakhe ingazala iphasi loke. Amen, iye, Amen.

AMARHUBO 89:52

eziphoqakwezi, iye, Somnini, izitha zakho eziphoqa amabhadu wozesiweko wakho.

AMARHUBO 95:2

Asitjhideleni phambi kwakhe ngokuthokoza, simhlokomalele ngeengoma!

U-ISAYA 51:3

Ngambala, uSomnini uzakuba nesirhawu ngeZiyoni nangawo woke amarubhayo: Uzakwenza amarhalawumbayo afane ne-Edeni, amabhudwayo abe njengesivande sakaSomnini. Ithabo nenjabulo kuzakubuzwa kiyo, kube nokuthokoza nokubhina.

UJOROMIYA 33:11

itjhada lokujabula nokuthaba, iphimbo lomkhwenyana nelomlobokazi kanye namaphimbo walabo abeza ngeengoma zokudumisa ethempelini lakaSomnini basithi, “ ‘Thokozani uSomnini uMninimandlawoke, ngombana uSomnini ulungile, ukwethembeka kwakhe kujame isiphelani. “ ‘Ngambala ngizakutjhugulula ubujamo benarha njengombana bebunjalo phambilini.’ Kutjho uSomnini.

UJOROMIYA 33:9

Idorobheli lizakuba ligugu kimi nethabo lami; iye idumo nephazimulo ezizweni zoke zephasi ezizakuzwa ngabo boke ubuhle engizabenzela abantu bami lapho. Zizakwesaba bezithuthumele ngabo boke ubuhle nepumelelo engizayenzela idorobheli.’

UJONA 2:9

Kodwana mina ngizokuletha umhlatjelo kuwe, ngikubabaze ngesihlabelelo sokudumisa. Engikufungeleko ngizakuphumelelisa, isindiso ivela kuSomnini.”

UMATEWU 6:13

Ungasingenisi ekulingweni, kodwana yewusitjhaphulule kokumbi ngombana umbuso ungowakho, amandla nephazimulo ngokungapheliko. Amen.’

KWEBEROMA 11:36

Ngambala zoke izinto zavela kuye, zavela ngaye begodu zingezakhe. Akube kuye idumo ngokungapheliko! Amen.

1 KWEBEKORINTE 14:16

Nakube udumisa uZimu ngommoyakho, angatjho njani loyo ozifunyana ahlangana nalabo abangazwisisiko ukuthi: “Amen” ekuthokozeni kwakho njengombana angazi bona uthini na?

2 KWEBEKORINTE 4:15

Iye, koke kungebanga lenu ukuze kuthi umusa wandise ukuthokoza, kilo idumo lakaZimu, njengombana ufikelela abantu ngobunengi.

KWEBEKOLOSE 2:7

nidzimelele benakhiwe kuye, niqinile ekukholweni njengombana nafundiswa, nivame ukuthokoza.

KWEBEKOLOSE 3:17

Koke enikwenzako, kungaba ngelizwi namkha ngezenzo, kwenzeni koke ebizweni leKosi uJesu, ngayo nithokoze uZimu uBaba.

UJUDA 1:25

kuye uZimu oyedwa, uMsindisethu ngoJesu Krestu iKosethu, akube kuye iphazimulo, amandla nobukhosi, kusukela ekuthomeni nagadesi ngokungapheliko! Amen.

ISAMBULO 1:18

ngingophilako! Bengifile, kodwana qala-ke sengiphila ngokungapheliko, begodu ngiphethe iinhluthulelo zokufa nezephasi labafileko.

ISAMBULO 19:4

Abaphathi abamatjhumi amabili nane neembunjwa ezine eziphilako zaguqa zalotjha uZimu onzinze esihlalweni sobukhosi zithi: “Amen! Haleluya!”