ISAMBULO 7:1 - IsiNdebele 2012 Translation

¹ Ngemva kwalokho ngabona iingilozi ezine zijame emagumbini womane wephasi. Bezibambe imimoya emine yephasi khona kungazukuba khona ummoya ovunguzako ephasinapha namkha elwandle nanyana uphephule umuthi.

ISAMBULO 7:1 Iomraidhean Croise

U-ISAYA 11:12

Uzakuphakamisela izizwe iphawu, abuthelele abahlakazekileko bakwa-Israyeli; abuthe abaphadlhaleleko bakwaJuda kusukela emagumbini womane wephasi.

U-ISAYA 27:3

Mina Somnini ngiyasitjheja, ngisisezela njalonjalo. Ngiselusa ubusuku nemini ukuze kungabikhona osilimazako.

U-ISAYA 27:8

Wena Zimu, walungisa icala nabo ngokudunga idorobho nangokubaqotjhela kude; iye, ngelanga lesiwuruwuru sepumalanga uSomnini wabaphephetha ngommoyakhe onamandla.

UJOROMIYA 49:36

Ngizokwehlisela imimoya emine phezu kwe-Elamu, kusukela emagumbini womane wephasi. Ngizobasabalalisa mahlangothi woke wemimoya leyo. Abaqotjhiweko be-Elamu bazakufunyanwa ezizweni zoke.

UHEZEKIYELI 37:9

Nje-ke uSomnini wathi kimi: “Phorofida emphefumulweni, iye, phorofida ndodana yomuntu, uthi emphefumulweni, ‘Nakhu okutjhiwo nguSomnini uSomandla: Wena mphefumulo, yewize ubuya emagumbini amane wephasi bese uphefumulela emizimbeni engaphiliko ukuze iphile.’ ”

UHEZEKIYELI 7:2

“Wena ndodana yomuntu, nakhu okutjhiwo nguSomnini uSomandla enarheni yakwa-Israyeli, “ ‘Kusiphetho! Mbala isiphetho sifikile emajikeni amane wenarha.

UDANYELA 11:4

Kuzakuthi isavelele njalo, umbuswayo uhlakazwe bewuhlukaniswe ngokwamagumbi amane wephasi. Angekhe wadlulela eenzukulwaneni zayo namkha ukhambe ngokwendlela yombuso ewubusako. Iye, umbuswayo uzakuhluthwa kiyo unikelwe abanye, ingasi iinzukulwana zayo.

UDANYELA 7:2

Nje-ke uDanyela wathi: “Qala ngabona embonwenami ebusuku imimoya emine yezulwini iphehla ilwandle elikhulu.

UDANYELA 8:8

Nje-ke ipongo leyo yaba namandla khulu. Kuthe lokha nayizizwa amandla, iphondo layo elikhulwelo lephuka. Esikhundleni salo kwamila iimpondo ezine eziveleleko ziqale emimoyeni emine yezulwini.

UJONA 1:4

USomnini wavusa ummoya omkhulu elwandle, kwaba nesiwuruwuru esinamandla; isithayamanzi safuna ukuhliphilika.

UZAKARIYA 6:1

Ngabuye ngaqala godu ngabona iinkarana ezine zepi zivela hlangana neentaba ezimbili – iintaba zedzila!

UZAKARIYA 6:5

Isithunywa sangiphendula sathi: “Le, mimoya emine yezulwini, ephumako negade ijame phambi kwakaSomnini, umniniphasi loke.

UMATEWU 24:31

Yeke izakuthuma iingilozi zayo ngokulila okukhulu kwepalapala. Zona zizakubuthelela abakhethekileko bayo emagumbini womane wephasi, ukusuka ehlangothini elinye lomkayi bekube kukelinye.

UMARKOSI 13:27

Izokuthumela iingilozi zayo beyibuthele ndawonye abakhethiweko bayo emajikeni womane wephasi, epelazwe nemaphelelweni womkayi.”

ISAMBULO 20:8

aphumele ukukhohlisa izizwe emagumbini amane wephasi, ezinguGogi noMagogi, azihlanganise kobana zizokulwa ipi; ubunengi bazo bunjengetjhwabatjhwaba yelwandle.

ISAMBULO 6:6

Ngezwa okungathi lilizwi hlangana neembunjwa ezine eziphilako lisithi: “Isiqwebu sinye sekoroyi ngesipaparwana neenqwebu ezintathu zebhali ngesipaparwana, kodwana ungoni amafutha we-oliva newayini!”

ISAMBULO 7:3

yathi kizo: “Ningaloni iphasi, ilwandle namkha imithi singakagibi iphawu eempandla zeenceku zakaZimethu.”

ISAMBULO 8:7

Ingilozi yokuthoma yavuthela iporompita yayo, kwaba khona isinanja nomlilo kuvangene neengazi, kwathululelwa phezu kwephasi. Ingcenye yesithathu yephasi yatjhiswa; godu nengcenye yesithathu yemithi nakho koke okubutjani kwatjha kwalotha.

ISAMBULO 9:14

lathi engilozini yesithandathu ebeyiphethe iporompita: “Akhe utjhaphulule iingilozi ezine ezikhungeke emlanjeni omkhulu iYufrathe!”

ISAMBULO 9:4

Sakhalinywa bona singarhayili utjani bephasi nanyana yini ehlaza, iye, nanyana ngiwuphi umuthi, kwaphela abantu labo abanganaphawu lakaZimu eempandla zabo.