ISAMBULO 6:5 - IsiNdebele 2012 Translation

⁵ Kuthe lokha iMvana nayinamulula iphawu lesithathu, ngezwa isibunjwa sesithathu esiphilako simemeza sithi: “Yewuze!” Nje-ke ngaqala, qala bekunenjomani enzima, umkhweli wayo aphethe iinlinganiso ezimbili esandleni sakhe.

ISAMBULO 6:5 Iomraidhean Croise

ISILILO 5:10

Isikhumba sethu sitjhisa njenge-ondo ngebanga lokurhwaya kwendlala.

UHEZEKIYELI 4:10

Ukudla okudlako kuzakuba budisi besiqunjwana sekhilogremu ngelanga. Uzakukudla iinkhathi ezijanyisiweko.

UHEZEKIYELI 4:16

Godu wathi kimi: “Ndodana yomuntu, ngizokwephula umphekgho wesikwa eJerusalema. Bazakudla izikwana ngokunconcosela nangokuminya namanzi bazawasela ngokutopiza nangokuzibamba.

ULEVITIKUSI 26:26

Ngizokwephula umphekgho wesikwa senu bese abafazi abalitjhumi bahlanganyele ekubhageleni imindenabo ipani eyodwa nge-ondweni yinye. Isikwa sakhona sihlukaniselwane ngokulinganisiweko. Nizakudla kodwana ningasuthi.

UZAKARIYA 6:2

Ikarana yokuthoma beyineenjomani ezinzotho, yesibili inezinzima,

UZAKARIYA 6:6

Ikarana yeenjomani ezinzima iqale ngenarheni yangetlhagwini, eneenjomani ezimhlophe iqale ngetjingalanga bese kuthi emabalabala iqale ngenarheni yangesewula.”

UMATEWU 24:7

Isizwe sizakuvukela isizwe nombuso uvukele umbuso. Kuzakuba khona indlala nokusikinyeka kwephasi eendaweni ezahlukahlukeneko.

ISAMBULO 5:5

Yeke omunye wabaphathi wathi kimi: “Ungalili! Qala, iNgwenyama yekoro yakwaJuda emurabhu kaDavida ihlulile kobana ikwazi ukunamulula umsongo namaphawu wawo alikhomba.”

ISAMBULO 5:9

Zavuma irhubo elitjha zathi: “Ufanele wena ukuthatha umsongo, unamulule amaphawu ngombana gade uhlatjiwe, ngeengazi zakho wahlengela uZimu abacwengileko abavela kenye nenye ikoro, ilimi, abantu nesizwe,

ISAMBULO 6:1

Nje-ke ngabona iMvana inamulula elinye lamaphawu alikhomba; ngezwa esinye seembunjwa ezine eziphilako sirhuwelela inga mdumo sithi: “Yewuze!”