ISAMBULO 6:2 - IsiNdebele 2012 Translation

² Ngithe nangiqalako ngabona injomani emhlophe, umkhweli wayo gade aphethe umsebe; nje-ke wanikelwa isihlohlo, waphuma angohlulako, wahlula.

ISAMBULO 6:2 Iomraidhean Croise

AMARHUBO 110:2

EZiyoni uSomnini uzakwelula intonga ekunikela amandla, ngokuthi: “Busa phakathi kwezitha zakho!”

AMARHUBO 76:7

Ngokukhalima kwakho, Zimu kaJakopo, kukhungatheka umkhweli nenjomani.

AMARHUBO 98:1

Irhubo. Vumani ingoma etja kuSomnini ngombana wenze iimangaliso. Isidla sakhe nengalwakhe ecwengileko kumlethele ukuhlula.

U-ISAYA 25:8

Uzakuqeda ukufa unomphela. USomandla onguSomnini uzokusula zoke iinyembezi kibo boke ubuso; asuse ihlazo ebantwini bakhe, kilo loke iphasi. Mbala, uSomnini ukhulumile.

UZAKARIYA 1:8

Kwathi ebusuku ngehlelwa mbono: Ngabona umuntu akhwele injomani ekofe. Gade ajame hlangana nemithi yemiritlili ngemrhobeni. Ngemva kwakhe kwakujame iinjomani ezinzotho, ezibomvu nezimhlophe.

UMATEWU 28:18

Yeke uJesu watjhidela kibo wathi: “Nginikelwe woke amandla ezulwini nephasini.

1 KWEBEKORINTE 15:25

ngombana kumele abuse bekufike lapha arabhalalisa khona zoke izitha zakhe ngaphasi kweenyawo zakhe.

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 11:18

Izizwe zithukuthele kodwana ilaka lakho lifikile, okusikhathi sokugweba labo abangasekho ukuze uvuze iinceku zakho okubaphorofidi; iye, kuvuzwe nabacwengileko bakho okungilabo abesaba ibizo lakho, abakhulu nabancani begodu kubhujiswe labo ababhubhisa iphasi.”

ISAMBULO 14:14

Ngithe nangiqalako ngabona ilifu elimhlophe kuhlezi kilo ofana neNdodana yoMuntu, anesihlohlo segolide ehloko aphethe nesegere ngesandla.

ISAMBULO 15:2

Ngabona lokho okwabonakala sengathi lilwandle lerhalasi livangene nomlilo nalabo ebebahlule isibandananomfanekiso waso kanye nesibalo sebizo laso. Bebajame eduze nelwandle lerhalasi baphethe amaharibha abawanikelwe nguZimu ezandleni zabo.

ISAMBULO 17:14

Azokulwa neMvana kodwana iMvana yona izawahlula ngombana iyiKosi yamakhosi noMbusi wababusi; nalabo abangakiyo ngababiziweko, abakhethiweko nabathembekileko.”

ISAMBULO 19:14

Amabutho wezulwini amlandela akhwele iinjomani ezimhlophe; embethe itjhila elidarhe okumhlophe nokunganamphambo.

ISAMBULO 3:21

Ohlulako ngizomnikela ilungelo lokuhlala nami esihlalweni sami sobukhosi, kuzakuba njengombana nami ngahlula bengahlala noBaba esihlalweni sakhe sobukhosi.

ISAMBULO 9:7

Godu isikhwenyani saqaleka njengeenjomani ezilungiselwe ipi. Eenhloko zaso besinalokho okufana neenhlohlo zegolide; ubuso baso bebufana nobabantu,