ISAMBULO 6:13 - IsiNdebele 2012 Translation

¹³ iinkwekwezi zesibhakabhaka zawela ephasini njengomuthi wamakhiwani nawuthintitha iinthelo zawo zebusika lokha nawusikinywa mumoya.

ISAMBULO 6:13 Iomraidhean Croise

UJOBHO 15:33

Iye, njengesidiribe esithintithwe iinthelo zingakavuthwa, nomuthi we-oliva orhulula amathuthumbo.

U-ISAYA 13:10

Iinkwekwezi zesibhakabhaka, ngitjho nezesiRuthwana nemithala yazo azizukukhupha umkhanywazo; ilanga lizakufiphala lisaphuma nenyezi ingavezi umkhanywayo.

U-ISAYA 33:9

Inarha iyalila begodu iyabundana; iLibhanoni iphela amandla begodu iyabuna, iTjharoni sese ifana nerhalawumba, iBhatjhani neKarameli ziwohloka amakari.

U-ISAYA 34:4

Woke umkhambathi womkayi uzakuncithika nesibhakabhaka sisongwe njengomsongo. Iye, woke umkhambathi wakhona uzakukokorana, njengekari elitjhwaba esidiribeni, namkha isithelo esikhuna emkhiwaneni.

U-ISAYA 7:2

Lokha indlu kaDavida nayitjelwako, kwathiwa, “i-Aramu iqheme no-Efrayimu”, u-Arhazi nabantu bakhe bahlengezela ngevalo kwanga mimithi yehlathi lokha nakunommoya.

UHEZEKIYELI 32:7

“ ‘Lokha nangikucimako ngizokugubuzesa amazulu, ngenze iinkwekwezi zawo zibe mnyama; ngisibekele ilanga ngamafu nenyanga ingasadarhi.

UDANYELA 4:14

Sarhuwelela sathi, ‘Quntula umuthi lowo bese uqoba iingala zawo, uhlube amakarawo, uhlakaze neenthelo zawo. Iimbandana azisuke emthunzinawo neenyoni zitlhwareke eengaleni zawo.

UDANYELA 8:10

Lasoloko likhula belafika emkhambathini womkayi, laphosa phasi ezinye zeendalwa ezilapho, okutjho iinkwekwezi, lagadanga phezu kwazo.

UJUWELI 2:31

Lokhu kuzakwenzeka ngebanga lokuza kwelanga lakaSomnini elikhulu nelesabekako; ilanga lizakuphenduka libe nzima nenyezi ibe ziingazi.”

UNARHUME 3:12

Woke amarholwakho afana nemithi yamakhiwani; amajonakho anjengamakhiwani avuthweko: lokha imithi nayisikinywako, amakhiwani awela emlonyeni wogomako.

UMATEWU 24:29

“Khonokho ngemva kweenhlupheko zemihleni leyo, “ilanga lizakufiphala, inyezi ingakhanyisi, iinkwekwezi zizakuwa emkayini, amandla wezulwini asikinywe.

UMARKOSI 13:25

Iinkwekwezi zizokukhithika emkayini, amandla asezulwini asikinywe.

ULUKASI 21:25

“Kuzokuba khona iimbonakaliso elangeni, enyezini neenkwekwezini. Ephasini, izizwe zizakuba sesizini begodu zikhene lokha ilwandle nalihlokomako begodu likhiphizela.

ISAMBULO 9:1

Ingilozi yesihlanu yavuthela iporompita, ngabona ikwekwezi ebeyikhithike ezulwini yawela ephasini; yona-ke yanikelwa isihluthulelo somgodi onganamkhawulo.