ISAMBULO 6:12 - IsiNdebele 2012 Translation

¹² Lokha iMvana nayinamulula iphawu lesithandathu, ngaqala, qala bekunokusikinyeka kwephasi okukhulu: Ilanga lafiphala laba nzima njengomsizi, inyanga yaba njengeengazi;

ISAMBULO 6:12 Iomraidhean Croise

U-ISAYA 24:23

Inyezi egcweleko izakudana, ilanga libe neenhloni ngombana uSomnini uMninimandlawoke uzakubusa, entabeni yeZiyoni neJerusalema, aveze iphazimulwakhe ebaphathini babantu bakhe.”

U-ISAYA 29:6

Uzakukhanjelwa nguSomnini uMninimandlawoke ngomdumo, ukusikinyeka kanye netjhada elikhulu; ngesivunguvungu nangesiwuruwuru kanye namalangabi womlilo oqothulako.

U-ISAYA 34:4

Woke umkhambathi womkayi uzakuncithika nesibhakabhaka sisongwe njengomsongo. Iye, woke umkhambathi wakhona uzakukokorana, njengekari elitjhwaba esidiribeni, namkha isithelo esikhuna emkhiwaneni.

U-ISAYA 50:3

Ngembathisa isibhakabhaka ngobumnyama, ngenze iinzilo zibe sigubuzeso saso.”

UJUWELI 2:10

Phambi kwabo kudengezela iphasi, isibhakabhaka sihlengezele. Ilanga nenyanga kufiphale, iinkwekwezi zingasakhanyi.

UJUWELI 3:15

Ilanga nenyezi zizakufiphala, iinkwekwezi zingasakhanyi.

U-AMOSI 1:1

La mamezwi waka-Amosi ogade angumelusi wezimvu eTekhowa. Wembulelwa iimphorofidezwi ngo-Israyeli eminyakeni emibili ngaphambi kokuhlengezela kwephasi, lokha u-Uziya asese yikosi yakwaJuda begodu noJerobhowamu umsa kaJowatjhi asese yikosi kwa-Israyeli.

U-AMOSI 8:9

USomnini uSomandla wathi: “Mhlokho ngizakwenza ilanga bona litjhinge emini, bese ephasini kuba mnyama, emini kwa bha.

UZAKARIYA 14:5

(Umrhoba weKhidroni onabela e-Atshali uzakuqintwa. Uzakuqintwa njengamhla uqintwa kuhlengezela kwephasi emihleni yabo-Uziya ikosi yakwaJuda.) Yeke uSomnini uZimakho uzakufika, kabacwengileko bakho wena Jerusalema.

UMATEWU 11:21

wathi: “Uzazizwa wena Rhorazini! Uzazizwa nawe Bhethe-Sayida! Nakube imikarisomraro eyenziwe kuwe le beyenziwe eTirosi neTsidoni, ngabe kade baphenduka ngokwembatha iinzilo bebazirhatjhe ngomlotha.

UMATEWU 24:29

“Khonokho ngemva kweenhlupheko zemihleni leyo, “ilanga lizakufiphala, inyezi ingakhanyisi, iinkwekwezi zizakuwa emkayini, amandla wezulwini asikinywe.

UMATEWU 24:7

Isizwe sizakuvukela isizwe nombuso uvukele umbuso. Kuzakuba khona indlala nokusikinyeka kwephasi eendaweni ezahlukahlukeneko.

UMATEWU 27:45

Kusukela ngesimbi yetjhumi nambili bekube ngesimbi yesithathu ubumnyama bembatha inarha yoke.

UMATEWU 27:54

Kwathi lokha umphathimabutho nalabo ebebanaye ebebaqaphe uJesu nababona ukusikinyeka kwephasi nakho koke okwenzakeleko, besaba bebathi: “Kwamambala bekayiNdodana kaZimu!”

UMATEWU 28:2

Khonokho kwaba khona ukusikinyeka kwephasi okukhulu ngombana kwehla ingilozi kaSomnini ivela ezulwini, yaya ethuneni yafese yageda ilitje yalisusa, yahlala phezu kwalo.

UMARKOSI 15:33

Kwathi ngesimbi yetjhumi nambili emini, ubumnyama bembatha iphasi loke bekwaba yisimbi yesithathu ngemva kwedina.

ISAMBULO 11:13

Khonokho kwaba khona ukusikinyeka kwephasi bekwadilika kwetjhumi komuzi. Kwafa abantu abaziinkulungwana ezilikhomba ekusikinyekeni lokho; inengi lesaba beladumisa uZimu wezulwini.

ISAMBULO 16:18

Kwabonakala imibani, ukuraramba, ukutletlebula kokuduma kwezulu nokusikinyeka okukhulu kwephasi okungazange khekube khona soloko kwaba khona abantu ephasini; mbala kwaba kusikinyeka okukhulu!

ISAMBULO 16:8

Ingilozi yesine yathululela isitja sayo elangeni; lavunyelwa bona litjhise abantu ngesivuthevuthe salo,

ISAMBULO 8:12

Ingilozi yesine yavuthela iporompita yayo, kwathi ingcenye yesithathu yelanga, ingcenye yesithathu yenyezi nengcenye yesithathu yeenkwekwezi, iye, koke kwengcenye yesithathu yomkhanyo wakhona kwafiphala; azange kusaba khona ukukhanya engcenyeni yesithathu yemini, ngokunjalo nobusuku.

ISAMBULO 8:5

Nje-ke ingilozi yathatha idengela yalizalisa ngomlilo we-aldarini, yawurhatjha ephasini; kwaba khona ukuduma nokuraramba, ukuphazima kombani nokusikinyeka kwephasi.