ISAMBULO 5:6 - IsiNdebele 2012 Translation

⁶ Nje-ke ngabona iMvana ijame kwanga ihlatjiwe, iphakathi kwesihlalo sobukhosi naphakathi kwezinye iimbunjwa eziphilako kanye nahlangana nabaphathi. Beyineempondo ezilikhomba namehlo alikhomba okumimoya elikhomba yakaZimu ethunyelwe kilo loke iphasi.

ISAMBULO 5:6 Iomraidhean Croise

2 IINKRONIKE 16:9

Ngombana amehlo kaSomnini athalaza ephasini loke ukuqinisa labo abanhliziyo zabo zinamathele kuye. Wena-ke wenze ubudlhadlha. Nje-ke ukusuka gadesi uzakuphila ngepi.”

UDANYELA 7:14

Waphiwa ukubusa, iphazimulo nombuso, ukuze boke abantu, amalimi nezizwe zimlotjhe. Umbuswakhe ngewanini nanini begodu angeze wadlula nobukhosi bakhe bubukhosi obungeze babhujiswa.

UDANYELA 8:3

Ngaphakamisa amehlo, qala nanto iqama lijame magegana nomsele. Belineempondo ezimbili ebeziphakamile kodwana elinye lilide kunelinye. Elide lelo bekungilo elimile muva.

UMIKHA 4:13

bese uthi: “Sikima ugadange, ndodakazi yeZiyoni ngombana ngizakuhlomela iimpondo zesimbi, ngikufake iinqatha zekoporo bese upitliza izizwe ezinengi. Ulethe kimi iinzuzo zazo ezizifumene ngobugirikijani, kimi mina Kosi yephasi loke.”

URHABAKHUKHU 3:4

Ukumanyazela kwakhe kunjengokuphuma kwelanga; imisubela iphazima esandleni sakhe. Lapha kufihlakele khona amandlakhe.

UZAKARIYA 3:9

Ngambala idwala engiliphathise uJotjhuwa, okulidwala elikhethekileko lifanekisa ukuba khona kwami, iye, ngizokuvula umthombalo bengirhurhule isono senarha le ngelanga linye tere.” Kutjho uSomnini uMninimandlawoke.

UZAKARIYA 4:10

“Ngubani odelela ilanga lezinto ezincani? Abantu bazakujabula lokha nababona uZerubhabheli aphethe isinqophisamakho. “Iimbani ezikhombezi, mamehlo kaSomnini athalaza ephasini loke.”

UNUMERI 7:39

ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

UNUMERI 7:57

ikunzana eyodwa, iqama elilodwa neqamanyana elilodwa elinomnyaka kwaba ngokomhlabelo wokutjhiswa.

ULUKASI 1:69

Usivusele uMsindisi onamandla ngekumbeni yencekwakhe uDavida,

UJWANISI 1:29

Ngomuso uJwanisi wabona uJesu asiza kuye, wathi: “Qalani nasiya iMvana kaZimu, esusa isono sephasi!

UJWANISI 1:36

waqala wabona uJesu asekhambeni wathi: “Qalani, naso iMvana kaZimu!”

IZENZO ZABAPOSTOLI 8:32

Indima yomtlolo egade ifundwa mphakulwa ngile: “Njengemvu esiwa ekuhlatjweni nanjengemvana ethulileko phambi komrhunayo, ngaleyondlela azange ivule umlomayo.

ISAMBULO 1:4

UJwanisi, kiwo amabandla alikhomba we-Asiya: Kini akube mumusa nokuthula okuvela kuye okhona nogade avele akhona nozako, nakiyo imimoya elikhomba ephambi kwesihlalo sakhe sobukhosi

ISAMBULO 12:11

Bona bamhlula ngeengazi zeMvana nangelizwi lobufakazi babo begodu akhange banconcosele ipilo yabo bekwaba sekufeni.

ISAMBULO 13:8

Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 14:1

Nje-ke ngaphakamisa amehlo, qala naso iMvana ijame entabeni iZiyoni; beyikanye neenkulungwana ezilikhulu namatjhumi amane nane zalabo ebebatlolwe ibizo layo nelakaYise eempandla zabo.

ISAMBULO 17:14

Azokulwa neMvana kodwana iMvana yona izawahlula ngombana iyiKosi yamakhosi noMbusi wababusi; nalabo abangakiyo ngababiziweko, abakhethiweko nabathembekileko.”

ISAMBULO 21:22

Azange ngalibona ithempeli hlangana nomuzi ngombana ithempeli lawo linguSomnini uZimu uMninimandlawoke neMvana.

ISAMBULO 21:23

Umuzi lo awudingi ilanga namkha inyezi bona kuyikhanyisele ngombana iphazimulo kaZimu imkhanyo wawo neMvana isibani sawo.

ISAMBULO 22:1

Ingilozi yangitjengisa umlambo wamanzi wokuphila, udarhe njengerhalasi, ugeleza uvela esihlalweni sobukhosi bakaZimu neMvana,

ISAMBULO 22:3

Angeze kusabakhona ilitho lamanikelela elizakufunyaneka lapho. Isihlalo sobukhosi sakaZimu neMvana sizokuba kiwo neenceku zakhe zizamlotjha.

ISAMBULO 4:8

Iimbunjwa ezine lezi bezineempiko ezisithandathu ngasinye, zembethwe mamehlo ngaphakathi nangaphandle. Bezingaqedi ukurhuba imini nobusuku zithi: “Ucwengile, ucwengile, ucwengile, uSomnini uZimu uMninimandlawoke, obekavele akhona, okhona nozako!”

ISAMBULO 5:11

Nje-ke ngaqala, ngezwa ilizwi leengilozi ezinengi zizombe isihlalo sobukhosi, iindalwa ezine eziphilako nabaphathi. Bekuziingidigidi neenkulungwana ngeenkulungwana,

ISAMBULO 5:12

zirhuba ngelizwi elikhulu zithi: “Ikufanele iMvana eyahlatjwako ukwamukela amandla nomnono, ukuhlakanipha nobukhosi, idumo, iphazimulo nokubatjazwa!”

ISAMBULO 5:13

Yeke ngezwa zoke iimbunjwa ezulwini nephasini, iye, nezingaphasi kwephasi nangelwandle, ngitjho nakho koke okukikho kukhalela kusithi: “Kiloyo ohlezi esihlalweni sobukhosi nakiyo iMvana akube lidumo, iphazimulo namandla ngokungapheliko nini nanini.”

ISAMBULO 5:14

Iimbunjwa ezine eziphilako zathi: “Amen,” nabaphathi bawa phasi, balotjha.

ISAMBULO 6:16

barhuwelela iintaba namadwala bathi: “Welani phezu kwethu nisisithe ebusweni balowo ohlezi esihlalweni sobukhosi nebukhalini beMvana!

1 USAMYELA 2:10

Abajamelene noSomnini bazakuphihlizwa. “USomnini uzabathuthumbisa ngombani asezulwini. uSomnini uzakugweba iphasi loke; anikele umzeswakhe amandla, aqinise ozesiweko wakhe.”