ISAMBULO 4:8 - IsiNdebele 2012 Translation

⁸ Iimbunjwa ezine lezi bezineempiko ezisithandathu ngasinye, zembethwe mamehlo ngaphakathi nangaphandle. Bezingaqedi ukurhuba imini nobusuku zithi: “Ucwengile, ucwengile, ucwengile, uSomnini uZimu uMninimandlawoke, obekavele akhona, okhona nozako!”

ISAMBULO 4:8 Iomraidhean Croise

UGENESISI 17:1

Kuthe u-Abramu naneminyaka ematjhumi alithoba nethoba, uSomnini wabonakala kuye wathi: “NginguZimu oSabekako, nawukhamba nami uzakuba msulwa.

AMARHUBO 91:1

Umuntu ohlezi ekusithekeni kongoPhezulu nokhosele emthunzini woSabekako,

U-EKSODUSI 15:11

Ngubani onjengawe Somnini phakathi kwabosingazimu? Ngubani onjengawe onobukhosi obucwengileko nemisebenzi ebabazekako ngokwenza imikarisomraro?

U-EKSODUSI 3:14

UZimu wathi kuMosi: “Nginguye enginguye. Nakhu ozakutjela ama-Israyeli, ‘UNginguye ungithume kini.’ ”

U-ISAYA 13:6

Rhahlawulani ngombana ilanga lakaSomnini litjhidele; likubhubhisa okuvela koSabekako.

U-ISAYA 62:1

Ngebanga leZiyoni angeze ngathula, ngebanga leJerusalema angeze ngavala phetjheya, kufikela lapha ukulunga kwayo kukhanya khona njengokusa nesindiswayo ibe njengesihlothi esivuthako.

UHEZEKIYELI 1:18

Umphetho wamavili bewumkhulu wesabeka begodu yomine imiphetho leyo beyigcwele amehlo mazombe.

UHEZEKIYELI 1:5

Phakathi komlilo bekunesibumbeko seemphili ezine. Umfanekiso wazo bewungalendlela: Zinesibumbeko somuntu.

UHEZEKIYELI 1:6

Esinye nesinye besinobuso obune neempiko ezine.

UHEZEKIYELI 10:12

Woke umzimba wamakerubhi, imihlanawo, izandla zawo neempiko zawo kanye namavili bekugcwele amehlo mazombe. Elinye nelinye belinevili lalo.

UJUWELI 1:15

Maye mhlokho! Ngambala ilanga lakaSomnini libandamele; liza ngokubhubhisa okukhulu kukaSomandla.

IZENZO ZABAPOSTOLI 20:31

Ngalokho qaphelani, nikhumbule bona iminyaka emithathu yoke ubusuku nemini akhange ngilise ukukhalimela omunye nomunye wenu ngeenyembezi.

2 KWEBEKORINTE 6:18

Mina ngizakuba nguYihlo, nina-ke nibe madodana namadodakazami. Kutjho uSomnini uMninimandla woke.”

1 KWEBETHESALONIKA 2:9

Ngiyathemba bona niyakhumbula bazalwana, ukutjhikatjhika kwethu kanye neenhlupheko zethu; sasebenza ubusuku nemini ukuze singabi mthwalo womuntu nasitjhumayela ivangeli lakaZimu kini.

1 UTHIMOTHI 4:16

Uzeluse wena kanye nefundiso yakho, uphikelele ezintwenezo ngombana ngokwenza lokho uzazisindisa wena nabakuzwako.

2 UTHIMOTHI 4:2

Tjhumayela ilizwi, ulungele ukulizwakalisa kusikhathi esifaneleko nanyana kungasiso: Sola, ukhalimele, ukhuthaze ngokubafundisa ngesineke esikhulu

AMAHEBHERU 13:8

UJesu Krestu unguye izolo, namhlanje nanini nanini.

ISAMBULO 1:4

UJwanisi, kiwo amabandla alikhomba we-Asiya: Kini akube mumusa nokuthula okuvela kuye okhona nogade avele akhona nozako, nakiyo imimoya elikhomba ephambi kwesihlalo sakhe sobukhosi

ISAMBULO 1:8

“Mina ngingu-Alfa no-Omega,” kutjho uSomnini uZimu, okhona nogade avele akhona nozako.

ISAMBULO 11:17

bathi: “Siyakuthokoza Somnini, Zimu Mninimandlawoke, wena okhona nogade uvele ukhona, iye, siyakuthokoza ngombana uthethe amandlakho amakhulu, uthomile uyabusa.

ISAMBULO 14:11

Intuthu yomlilo walabo abahlunguphaziweko yenyuka nini nanini. Ubusuku nemini akukho ukuphumula kilabo abalotjha isibandananomfanekiso waso, iye, komunye nomunye owamukela iphawu lebizo laso.”

ISAMBULO 14:3

Bebavuma ingoma etja phambi kwesihlalo sobukhosi naphambi kweembunjwa ezine eziphilako nabaphathi. Gade angekho obekangafunda ingoma leyo ngaphandle kwalabo abaziinkulungwana ezilikhulu namatjhumi amane nane ebebahlengwe ephasini.

ISAMBULO 15:3

Bavuma irhubo lakaMosi inceku kaZimu kanye nerhubo leMvana, basithi: “Mikhulu iyababazeka imisebenzakho, wena Somnini Zimu Mninimandla! Zilungile begodu ziliqiniso iindlela zakho, wena Kosi yezizwe zoke.

ISAMBULO 15:7

Nje-ke esinye seembunjwa ezine eziphilako sanikela iingilozi ezilikhomba izitja ezilikhomba zegolide zizele ubukhali bakaZimu ophila nini nanini.

ISAMBULO 16:14

Lokhu kumimoya yamadimoni agila iziga; begodu iya emakhosini wephasi loke ukuwabutha bona alwe ipi ngelanga elikhulu lakaZimu uMninimandlawoke.

ISAMBULO 16:7

Ngezwa i-aldari liphendula lithi: “Iye, Somnini Zimu Mninimandla, iingwebo zakho zilungile begodu ziliqiniso!”

ISAMBULO 19:15

Emlonyenakhe kuphuma isabula ebukhali, ngayo urhayila izizwe begodu uzazibusa ngentonga yesimbi. Uzakugadangela ubutlhodlhelo bobukhali nebelaka lakaZimu uMninimandlawoke.

ISAMBULO 19:4

Abaphathi abamatjhumi amabili nane neembunjwa ezine eziphilako zaguqa zalotjha uZimu onzinze esihlalweni sobukhosi zithi: “Amen! Haleluya!”

ISAMBULO 21:22

Azange ngalibona ithempeli hlangana nomuzi ngombana ithempeli lawo linguSomnini uZimu uMninimandlawoke neMvana.

ISAMBULO 3:7

“Kiyo ingilozi yebandla leFiladelfiya tlola uthi, Naka amezwi waloyo ocwengileko noqinisileko, loyo ophethe isihluthulelo sakaDavida, ovula kungavali muntu, avale kungavuli muntu, uthi:

ISAMBULO 4:4

Esihlalweni sobukhosi mazombe bekunezinye iinhlalo ezimatjhumi amabili nane, phezu kwazo kuhlezi abaphathi abamatjhumi amabili nane, bembethe izambatho ezimhlophe bathwele neehlohlo zegolide.

ISAMBULO 4:6

Godu phambi kwesihlalo sobukhosi bekunokuthileko okuqaleka inga lilwandle lerhalasi, kudarhe njengekristali. Esihlalweni sobukhosi mazombe nangemahlangothini woke waso kukhona iimbunjwa ezine eziphilako, zigcwele amehlo ngaphambili nangemuva.

ISAMBULO 4:9

Kwathi lokha iimbunjwa eziphilakwezi nazimdumisa, zimhlonipha begodu zimthokoza loyo ohlezi esihlalweni sobukhosi, iye, yena ophila nini nanini,

ISAMBULO 5:6

Nje-ke ngabona iMvana ijame kwanga ihlatjiwe, iphakathi kwesihlalo sobukhosi naphakathi kwezinye iimbunjwa eziphilako kanye nahlangana nabaphathi. Beyineempondo ezilikhomba namehlo alikhomba okumimoya elikhomba yakaZimu ethunyelwe kilo loke iphasi.

ISAMBULO 6:1

Nje-ke ngabona iMvana inamulula elinye lamaphawu alikhomba; ngezwa esinye seembunjwa ezine eziphilako sirhuwelela inga mdumo sithi: “Yewuze!”

ISAMBULO 6:6

Ngezwa okungathi lilizwi hlangana neembunjwa ezine eziphilako lisithi: “Isiqwebu sinye sekoroyi ngesipaparwana neenqwebu ezintathu zebhali ngesipaparwana, kodwana ungoni amafutha we-oliva newayini!”

ISAMBULO 7:11

Iingilozi zoke bezijame esihlalweni sobukhosi mazombe, godu kuzombe abaphathi neembunjwa ezine eziphilako. Boke labo bawa ngobuso bathi mbo phambi kwesihlalo sobukhosi balotjha uZimu,

ISAMBULO 7:15

Kungakho bajame phambi kwesihlalo sobukhosi sakaZimu, “bamlotjha imini nobusuku ngethempelini lakhe, iye, loyo ohlezi esihlalweni sobukhosi uyobafukamela.