ISAMBULO 3:9 - IsiNdebele 2012 Translation

⁹ Labo abalisinagogi lakaSathana, abathi bamaJuda khisibe abasiwo kodwana baleya amanga, ngizobenza beze bazokuguqa eenyaweni zakho bebalemuke bonyana ngikuthandile wena.

ISAMBULO 3:9 Iomraidhean Croise

U-ESTA 8:17

Eemfundeni zoke nemadorobheni woke lapha umthetho wekosi bewufike khona, bekukhona ukujabula nokuthaba emaJudeni, kulilanga lokugidinga nokuphumula kiwo. Yeke abantu abanengi ezizweni baphendukela ebuJudeni ngombana baba nokwesaba amaJuda.

U-EKSODUSI 11:8

Zoke iinkhulu zakhwezo zizakuza kimi zihlome iinhloko phasi zithi, ‘Khambani, wena nabo boke abantu abakulandelako!’ Ngemva kwalapho ngizakukhamba.” UMosi waphuma agcwele ipotjwana, wasukela uFaro.

U-ISAYA 43:4

Njengombana usese ligugu kimi begodu uhloniphekile emehlwenami, iye, njengombana mina ngikuthanda, ngizakwenana ngabantu godu nginikele ngezizwe esikhundleni sepilwakho.

U-ISAYA 45:14

Nakhu okutjhiwo nguSomnini: “Imikhiqizo yeGibhide nokurhwebiweko kweKutjhe nokwamaSeba amidlhomudlhomu kuzakuza kuwe kube ngekwakho, Israyeli. Izizwezi nazo zizakuba ngezakho: Zizakulandela zibotjhwe ngeenketani. Iye, zizakuza zikhothame phambi kwakho bezikuncenge zithi: ‘Ma-Israyeli, ngini nodwa eninoZimu, akakho omunye.’ ”

U-ISAYA 49:23

Amakhosi azakuba belusi babantwabakho, amakhosikazawo abe ziimbelesi zabo. Bazakukhothama phambi kwakho bawe ngobuso, bakhothe ithuli leenyawo zakho. Yeke, uzakwazi bonyana nginguSomnini, labo abaqalelela kimi angeze badaniswa.”

U-ISAYA 60:14

Isizukulwana sabakugandelelako sizakuza kuwe sikhokhoba, boke abakunyazako bazaguqa eenyaweni zakho, bakubize bona uyiZiyoni idorobho lakaSomnini, ongoCwengileko ka-Israyeli.

UJWANISI 17:23

Mina ngikibo, wena ukimi. Nje-ke bazakuba munye ngokupheleleko ukuze iphasi lazi bona ungithumile begodu ubathandile njengombana ungithandile mina.

ISAMBULO 2:9

Ngiyabazi ubudisi nobuchaka bakho kodwana khisibe unjingile; ngazi nehlamba yalabo abathi bamaJuda bangasiwo kodwana balisinagogi lakaSathana.

1 USAMYELA 2:36

Kuzakuthi woke osalako endlinakho amkhothamele, abawe isipaparwana sesiliva neentshutshurwana zesikwa athi, ‘Ngiyakurabhela, akhese ungizamele isikorojana sobuphristi ukuze ngikghone ukufumana uburotjhwana ngidle.’ ”