ISAMBULO 3:5 - IsiNdebele 2012 Translation

⁵ Ngokunjalo nohlulako uzokwembathiswa ezimhlophe, ibizo lakhe angekhe ngalesula encwadini yabaphilako; ngizolivuma phambi kwakaBaba naphambi kweengilozi zakhe.

ISAMBULO 3:5 Iomraidhean Croise

AMARHUBO 109:13

Iinzukulwana zakhe azijutjwe, iye, amabizwazo asulwe esizukulwaneni esilandelako!

AMARHUBO 69:28

Ngezelela icala ecaleni labo, ungababali emsenakho.

UMALAKI 3:17

USomnini uSomandla uthi: “Ngambala bazakuba ngebami mhlana ngenyula igugu lami. Ngizabarhawukela njengomuntu orhawukela indodanakhe emsebenzelako.

UMATEWU 10:32

“Ngiloyo naloyo ongivumako phambi kwabantu, nami ngizomvuma phambi koBaba osezulwini.

ULUKASI 10:20

Nokho ningathatjiswa kukobana imimoya emimbi inilalele, kodwana thokoziswani kukobana amabizwenu atloliwe ezulwini.”

ULUKASI 12:8

“Ngiyanitjela bona nanyana ngubani ongivuma phambi kwabantu, iNdodana yoMuntu nayo izamvuma phambi kweengilozi zakaZimu.

UDUTERONOMI 9:14

Yewungilise ngibarhayile, ngisule amabizwabo ngaphasi komthunzi welanga, wena ngikwenze isizwe esinamandla nesikhulu kunabo.”

KWEBEFILIPI 4:3

Iye, nawe ngiyakukhombela mnganami bona usize abomma laba ngombana batjhikatjhika nami emsebenzini wevangeli, bakanye noKlemente nabo boke abasebenzisana nami, labo amabizwabo angencwadini yokuphila.

UJUDA 1:24

Kiloyo onamandla wokunilonda bona ningawi, nokunijamisa phambi kwephazimulo yakhe ninganabala, ninokuthokoza okukhulu,

ISAMBULO 13:8

Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 19:8

Unikelwe bona embathe itjhila elidarhileko nelihlanzekileko.” Mbala, itjhila elidarhileko lizizenzo ezilungileko zabacwengileko.

ISAMBULO 2:11

“Onendlebe akezwe lokho uMoya akutjhoko emabandleni. “Ohlulako akasoze oniwa kukufa kwesibili.”

ISAMBULO 2:7

“Onendlebe akezwe lokho uMoya akutjhoko emabandleni. “Loyo owahlulako ngiyomnikela ilungelo lokobanyana adle emthini wokuphila osepharadesi lakaZimu.”

ISAMBULO 20:12

Ngabona abafileko, abakhulu nabancani, bajame phambi kwesihlalo sobukhosi neencwadi zavulwa. Godu kwavulwa nenye incwadi ekuyincwadi yokuphila. Abafileko bagwetjwa ukuya ngemisebenzi abayenzileko, kwaya njengombana kutloliwe eencwadini.

ISAMBULO 20:15

Loyo ibizo lakhe elingazange lifunyanwe encwadini yokuphila waphoswa ngelitsheni lomlilo.

ISAMBULO 21:27

Kodwana akukho okusilapheleko okuyongena kiwo okutjho owenza amanyala namkha othoma amanga, kwaphela abatlolwe encwadini yokuphila yeMvana.

ISAMBULO 22:19

nangabe kukhona ophungula emazwini wesiphorofido sencwadi le, uZimu uzakususa isabelo sakhe emthini wokuphila nemzini ocwengileko, ekuzizinto ezihlathululwe encwadini le.

ISAMBULO 3:12

Ohlulako ngizomenza isika ethempelini lakaZimami; angeze asasuka kilo. Ngizokutlola kuye ibizo lakaZimami nebizo lomuzi kaZimami, iJerusalema elitjha eliyokwehla livela kuZimami ezulwini. Iye, ngitlole phezu kwakhe nebizo lami elitjha.

ISAMBULO 3:4

Nokho kusesekhona abantu abambalwa eSardisi abangakasilaphazi izambatho zabo; bazokukhamba nami bembethe ezimhlophe ngombana bafanele.

ISAMBULO 6:11

Nje-ke omunye nomunye wanikelwa isambatho esimhlophe bekwathiwa akhe baphumule kwesikhatjhana bekuphelele isibalo seenceku abakanye nazo nesabazalwana ebebasazokubulawa njengabo.

1 USAMYELA 17:25

Ama-Israyeli atjelwa kwathiwa: “Niyayibona indoda ejokolako le, iphumele ukurhubutjha u-Israyeli. Umuntu ozokubulala umrhali lo ikosi izomnjingisa khulu. Begodu izamendisela indodakazayo kanti nomndeni kayise lomuntu loyo awuzukuhlawuliswa umthelo kwa-Israyeli.”