ISAMBULO 3:21 - IsiNdebele 2012 Translation

²¹ Ohlulako ngizomnikela ilungelo lokuhlala nami esihlalweni sami sobukhosi, kuzakuba njengombana nami ngahlula bengahlala noBaba esihlalweni sakhe sobukhosi.

ISAMBULO 3:21 Iomraidhean Croise

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 25:21

Ikosi leyo yaphendula yathi, ‘Wenze kuhle, sisebenzi sami esilungileko nesithembekileko! Wathembeka ezintweni ezincani, yeke ngizakubeka bona uphathe izinto ezinengi. Yewuze uzokuhlanganyela ithabo lekosakho!’

UMATEWU 28:18

Yeke uJesu watjhidela kibo wathi: “Nginikelwe woke amandla ezulwini nephasini.

ULUKASI 22:30

ukuze nigome benisele etafuleni lami embuswenami, nihlale eenhlalweni zobukhosi, nigwebe iinkoro ezilitjhumi nambili zakwa-Israyeli.”

UJWANISI 13:32

Nangabe uZimu uphazimulisiwe kiyo, khona uZimu uzakuphazimulisa iNdodana kuye, begodu lokho uzakwenza msinyana.

UJWANISI 16:33

Nginitjele izintwezi, khona nizakuba nokuthula kimi. Ephasinapha nizakuhlupheka, kodwana yibani nesibindi iphasi ngilahlulile!”

2 UTHIMOTHI 2:12

Nasinyamezelako sizakubusa naye, nangabe siyamphika naye uyosiphika.

ISAMBULO 1:6

wasenza saba mbuso, saba baphristi bokulotjha uZimu uYise; akube kuye iphazimulo nobukhosi nini nanini. Amen.

ISAMBULO 12:11

Bona bamhlula ngeengazi zeMvana nangelizwi lobufakazi babo begodu akhange banconcosele ipilo yabo bekwaba sekufeni.

ISAMBULO 17:14

Azokulwa neMvana kodwana iMvana yona izawahlula ngombana iyiKosi yamakhosi noMbusi wababusi; nalabo abangakiyo ngababiziweko, abakhethiweko nabathembekileko.”

ISAMBULO 2:7

“Onendlebe akezwe lokho uMoya akutjhoko emabandleni. “Loyo owahlulako ngiyomnikela ilungelo lokobanyana adle emthini wokuphila osepharadesi lakaZimu.”

ISAMBULO 20:4

Ngabona iinhlalo zobukhosi, labo ebebahlezi kizo banikelwa amandla wokugweba. Ngabona nemiphefumulo yalabo abaquntwe iinhloko ngebanga lobufakazi babo ngoJesu nangelizwi lakaZimu. Abazange balotjhe isibandana namkha umfanekiso waso; begodu abazange babekwe iphawu laso eempandla zabo namkha ezandleni zabo. Babuya baphila bebabusa noKrestu ikulungwana yeminyaka.

ISAMBULO 20:6

Babusisiwe begodu bacwengile labo abanesabelo ekuvukeni kokuthoma. Ukufa kwesibili akunamandla phezu kwalaba, kodwana bayokuba baphristi bakaZimu nebakaKrestu begodu bayokubusa naye iminyaka eyikulungwana.

ISAMBULO 5:10

wabenza umbuso, baba baphristi bokulotjha uZimethu, begodu bazakubusa ephasini.”

ISAMBULO 6:2

Ngithe nangiqalako ngabona injomani emhlophe, umkhweli wayo gade aphethe umsebe; nje-ke wanikelwa isihlohlo, waphuma angohlulako, wahlula.

ISAMBULO 7:17

ngombana iMvana ephakathi kwesihlalo sobukhosi izakuba ngumelusi wabo. Izabadosela emithonjeni yamanzi wokuphila, uZimu abasule zoke iinyembezi emehlweni wabo.”