ISAMBULO 3:10 - IsiNdebele 2012 Translation

¹⁰ Njengombana uwulondile umyalo wami wokunyamezela ngesineke, nami-ke ngizokuhlenga nakufika isikhathi sokulingwa esizokwehlela loke ilizwe kobana kuzizinywe abakhileko ephasini.

ISAMBULO 3:10 Iomraidhean Croise

U-ISAYA 24:17

Ukwesabeka, umgodi nesifu kuyakwehlela, wena sakhamuzi senarha!

UDANYELA 12:10

Abanengi bazakuhlungwa, bahlanjululwe bebacwengiswe, kodwana abakhohlakeleko bazakuragela phambili nobukhohlakali. Akakho wabakhohlakeleko ozakuzwisisa, kodwana abahlakaniphileko bona bazakuzwisisa.

UZAKARIYA 13:9

Isithathwesi ngizasidlulisa emlilweni; ngisicwengisise njengocwengisisa isiliva negolide. Sizakubiza ibizo lami, nje-ke ngizasiphendula, ngithi, ‘Bababantu bami,’ bese sona sithi, ‘USomnini nguZimethu.’ ”

UMATEWU 24:14

Nje-ke ivangeli lombusweli lizakutjhunyayelwa ephasini loke, kube bufakazi kizo zoke izizwe ngaphambi kobana kufike isiphetho.”

UMATEWU 26:41

Yelelani nithandaze ukuze ningaweli ekulingweni. Ummoya uyavuma, kodwana inyama ibuthakathaka.”

UMATEWU 6:13

Ungasingenisi ekulingweni, kodwana yewusitjhaphulule kokumbi ngombana umbuso ungowakho, amandla nephazimulo ngokungapheliko. Amen.’

UMARKOSI 14:9

Ngiqinisile ngiyanitjela bona kuphi nakuphi lapha kutjhunyayelwa khona ivangeli ephasini loke, lokho akwenzileko kuzakhulunywa ngakho kube sikhumbuzo ngaye.”

ULUKASI 2:1

Emihleni leyo umbusi omkhulu u-Arhostosi wakhupha isimemezelo bona kubalwe boke abantu ephasini loke leRoma.

UJWANISI 17:6

“Ngilazisile ibizo lakho kilabo ongiphe bona ephasini. Bebavele bangebakho wangipha bona; begodu balilondile ilizwi lakho.

KWEBEROMA 1:8

Kokuthoma, ngithokoza uZimami ngoJesu Krestu ngani noke ngombana ukukholwa kwenu kutjhunyayelwa ephasini loke.

1 KWEBEKORINTE 10:13

Akunasilingo esiniwisileko ngaphandle kwalokho okujayelekileko ebantwini. Nje-ke uZimu uthembekile; angeze avume bona nilingwe ngaphezu kwamandlenu. Kodwana nanilingwako, uzaninikela nendlela yokuphepha ukuze nijamelane naso.

KWEBE-EFESU 6:13

Nje-ke hlomani zoke iinhlabano zakaZimu ukuze kuthi nakufika ilanga lobumbi, nikghone ukudzimelela ningatjhidi bekuthi nasele nenze koke, nibonakale nisajamile.

2 UTHIMOTHI 2:12

Nasinyamezelako sizakubusa naye, nangabe siyamphika naye uyosiphika.

UJAKOPO 3:12

Bazalwana bami, kghani umuthi wamakhiwani uyathela iinthelo zama-oliva namkha isidiribe sithele amakhiwani na? Angeze kwenzeka bona umthombo onetswayi uveze amanzi amnandi.

1 UPITROSI 4:12

Bazalwana, ningarareki ngokulingwa okubuhlungu kangaka enikuzwako, kube sengathi nehlelwa ziziga.

2 UPITROSI 2:9

Ngalokho uSomnini uyakwazi ukusindisa labo abamesabako ekulingweni; kuthi abangakalungi ababekele ukuhlunguphazwa ngelanga lokugwetjwa,

ISAMBULO 1:9

Mina Jwanisi, umzalwana wenu nomhlanganyeli kanye nani ekuhluphekeni, embusweni nekubekezeleni; bengisesihlengeleni sePatmosi ngebanga lelizwi lakaZimu nobufakazi ngoKrestu.

ISAMBULO 11:10

Abantu bephasi bazakucanasa ngabo bebagidinge ngokuphana izipho. Lokho bazakwenza ngombana abaphorofidi ababilabo babe lihlupho ebantwini abahlala ephasini.

ISAMBULO 13:10

Nangabe kukhona ogade azakuthunjwa, akaye ekuthunjweni! Nangabe kukhona ogade azakubulawa ngesabula, uzakubulawa ngesabula! Lokhu kubiza ukubekezela nokukholwa kwabacwengileko.

ISAMBULO 13:14

Begodu ngeembonakaliso esaphiwa bona sizenze phambi kwesibanda sokuthoma, sakhohlisa abakhileko ephasini. Sabatjela bona babumbe isithombesibunjwa sesibanda ebegade sinengozi yesabula, kodwana nokho sabuye saphila.

ISAMBULO 13:8

Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 14:12

Lokhu kubiza ukunyamezela kwabacwengileko, iye, labo abalalela imiyalo kaZimu, banamathele ekukholweni kuJesu.

ISAMBULO 14:6

Nje-ke ngabona enye ingilozi iphapha phezulu esibangeni, iphethe ivangeli lesiphelani kobana ilitjhumayele kilabo abaphila ephasini. Iye, ezizweni zoke, eenkorweni, eenlimini nemindenini.

ISAMBULO 16:14

Lokhu kumimoya yamadimoni agila iziga; begodu iya emakhosini wephasi loke ukuwabutha bona alwe ipi ngelanga elikhulu lakaZimu uMninimandlawoke.

ISAMBULO 17:2

iye, leyo amakhosi wephasi agile nayo imikhuba yobungwadla, bekwathi ngewayini lobungwadla bayo kwadakwa abahlezi ephasini.”

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 2:10

Ungesabi lokho ozakuhlupheka ngakho. Yelela, uSathana usazokudlhunya abanye benu ngesikhungweni ukuze nizizinywe, nibe nobudisi amalanga alitjhumi. Thembeka bekube sekufeni, ngizakupha isihlohlo sokuphila.

ISAMBULO 3:8

Ngiyayazi imisebenzakho. Qala, ngibeke phambi kwakho umnyango ovulekileko nongekhe wavalwa mumuntu. Ngiyazi bonyana unamandla amancani, nokho amezwami uwalondile nebizo lami akhange uliphike.

ISAMBULO 6:10

Barhuwelela bathi: “Somnini Somandla, wena ocwengileko noqinisileko, kuzabe kube nini ngaphambi kobana ugwebe begodu usibuyiselele ngeengazi zethu na?”

ISAMBULO 8:13

Ngisaqalile njalo, ngezwa ikhozi liphapha hlangana nesibanga lilila ngelizwi elikhulu lithi: “Maye! Maye! Maye kibo abakhileko ephasini! Bazozizwa ngokuzwakala kwezinye zeempporompita ezisazokuvuthelwa ziingilozi ezintathu.”