ISAMBULO 22:6 - IsiNdebele 2012 Translation

⁶ Ingilozi yathi kimi: “Amezwi la athembekile aliqiniso ngombana uSomnini uZimu wemimoya yabaphorofidi, wathumela ingilozi yakhe bona izokutjengisa iinceku zakhe lokho okuzokwenzeka msinyana.”

ISAMBULO 22:6 Iomraidhean Croise

UGENESISI 41:32

Isizathu sokobana uFaro anikelwe ibhudango ngeendlela ezimbili kukobana indaba le uZimu uyiqinisekisile begodu uzayenza msinyazana.

UDANYELA 3:28

Yeke uNebukadinetsari wathi: “Akudunyiswe uZimu kaTjhedreke, uMitjhaka no-Abhedinigo othumele ingilozakhe, watjhaphulula iinceku zakhe ezethembe yena. Zaphayela umyalo wekosi eqadi bezadela imizimbazo kobana zingesabi namkha zilotjhe nanyana ngiwuphi uzinyana ngaphandle kwakaZimazo.

UDANYELA 6:22

UZimami uthumele ingilozakhe yavala imilomo yamabhubezi. Nje-ke akhange angilimaze ngombana ngifunyenwe ngimsulwa phambi kwakhe begodu naphambi kwakho kosi, akunalitho elimbi engilenzileko.”

UMATEWU 13:41

INdodana yoMuntu izakuthumela iingilozi zayo ukuyokubuthelela embusweni wayo yoke into ebanga isono nabo boke abenza ubukhohlakali.

ULUKASI 1:70

njengombana akhuluma ekadeni ngomlomo wabaphorofidi bakhe abacwengileko

ULUKASI 16:16

“Umthetho nemitlolo yabaphorofidi kwamenyezelwa kufikela ngesikhathi sakaJwanisi. Soloko kwangesikhatheso, kutjhunyayelwa iindaba ezimnandi zombuso kaZimu, yeke, woke umuntu ufuhlezela ukungena endimeni leyo.

IZENZO ZABAPOSTOLI 12:11

Yeke uPitrosi sele asangulukile wathi: “Kwanje ngiyazi bona ngambala uZimu uthumele ingilozakhe kobana ingisindise emandleni kaHerode nakizo zoke izinto amaJuda agade alindele bona zizokwenzeka.”

IZENZO ZABAPOSTOLI 3:18

Lokhu kuyindlela uZimu azalise ngayo lokho akumemezela ngaphambilini ngabo boke abaphorofidi bakhe bona uKrestu wakhe uzakuhlupheka.

KWEBEROMA 1:2

Ivangeli lelo walethembisa ngaphambilini ngabaphorofidi bakhe emitlolweni ecwengileko.

1 KWEBEKORINTE 14:32

Imimoya yabaphorofidi ithobela abaphorofidi

1 KWEBEKORINTE 7:29

Engikutjhoko bazalwana kukobana isikhathi sifitjhani. Ukusuka gadesi, labo abanabafazi kumele baphile inga abanabafazi;

2 KWEBETHESALONIKA 1:7

aphumuze abahlunguphaziweko kanye nathi. Lokho uyokwenza mhlana iKosi uJesu Krestu yembulwa, ivela ezulwini, ikanye neengilozi zayo ezinamandla,

AMAHEBHERU 12:9

Ngaphezu kwalokho, sibe nabobaba bephaseli abasikhalimeleko sabahlonipha; alo, kufuze sizithobe kangangani-ke kuBaba wemiphefumulwethu bona siphile na?

2 UPITROSI 1:21

ngombana asikho isiphorofido esakhe seza ngentando yomuntu; kodwana abantu bakhuluma okungekwakaZimu, basunduzwa nguMoya oCwengileko.

2 UPITROSI 3:2

iye, kobana nikhumbule amezwi akhulunywe baphorofidi abacwengileko nemiyalo yeKosi noMsindisi ngabapostoli benu.

ISAMBULO 1:1

Isambulo sakaKrestu asinikelwa nguZimu bonyana abonise iinceku zakhe okufanele kwenzeke msinyana. Lokho wakwenza ngokuthumela ingilozi ukuyobonisa inceku yakhe uJwanisi,

ISAMBULO 18:20

Thabani ngokubhubha kwawo, nina mazulu, nani abacwengileko, abapostoli nabaphorofidi ngombana uZimu uwugwebile wanibuyiselela ngawo.”

ISAMBULO 19:9

Nje-ke ingilozi yathi kimi: “Tlola uthi babusisiwe labo abamenyelwe ebukhazini beMvana.” Begodu yangezelela ngokuthi: “La mamezwi wakaZimu aqinisileko.”

ISAMBULO 21:5

Loyo osesihlalweni sobukhosi wathi: “Qala, ngenza koke kube kutjha!” Wathi godu: “Kutlole lokhu ngombana amezwi la athembekile begodu aliqiniso.”

ISAMBULO 21:9

Enye yeengilozi ezilikhomba eziphethe izitja ezilikhomba ezizele iinhlupheko ezilikhomba zokuphela, yeza kimi yafese yathi: “Yiza ngikutjengise umlobokazi, umkaMvana.”

ISAMBULO 22:1

Ingilozi yangitjengisa umlambo wamanzi wokuphila, udarhe njengerhalasi, ugeleza uvela esihlalweni sobukhosi bakaZimu neMvana,

ISAMBULO 22:16

“Ngimi mina Jesu engithumele ingilozi yami kini kobana izokufakaza ngezintwezi emabandleni. Ngimurabhu nomlibo kaDavida, ikhwezi lokusa elinyamazelako.”

ISAMBULO 22:7

“Yelelani, ngiyeza msinyana! Ubusisiwe loyo obulunga amezwi wesiphorofido sencwadi le.”

ISAMBULO 4:1

Ngemva kwalokhu, ngaqala ngabona ezulwini umnyango uvulekile. Ilizwi lokuthoma engalizwako likhuluma nami belinjengeporompita, lisithi: “Akhese unyukele lapha ngizokutjengisa bona kuzokwenzekani emva kwalokhu!”