ISAMBULO 22:5 - IsiNdebele 2012 Translation

⁵ Angeze kusabakhona ubusuku, abasadingi ukukhanya kwesibani nanyana kwelanga ngombana uZimu uSomnini uzokuba kukhanya kwabo, bazakubusa naye nini nanini.

ISAMBULO 22:5 Iomraidhean Croise

AMARHUBO 36:9

Bayaqabuleka endlinakho, ubakholisa ngamanzi womlambo ohlobileko

AMARHUBO 84:11

Kwamambala, ilanga ngesirhodlweni sakho lihle kunamalanga ayikulungwana kenye indawo. Kungcono ngibe sembunjwaneni wendlu kaZimami, kunokuhlala ematendeni weenkhohlakali

U-ISAYA 24:23

Inyezi egcweleko izakudana, ilanga libe neenhloni ngombana uSomnini uMninimandlawoke uzakubusa, entabeni yeZiyoni neJerusalema, aveze iphazimulwakhe ebaphathini babantu bakhe.”

U-ISAYA 30:26

Ukukhanya kwenyezi kuzakufana nokwelanga. Ukukhanya kwelanga kubuyelelwe kalikhomba njengokukhanya kwamalanga alikhomba, mhlana uSomnini abopha amanceba wabantu bakhe, alaphe amaduma avezwe kubetha kwakhe.

UDANYELA 7:18

Kodwana abacwengileko bongoPhezulu, bazakwamukeliswa umbuso bebawuthathe isiphelani kube nini nanini.’

UDANYELA 7:27

Nje-ke umbuso nobukhosi, ubukhulu bemibuso engaphasi kwezulu buzakunikelwa abantu abacwengileko bongoPhezulu. Umbuswabo uzakuba ngowesiphelani, yoke imibuso izabalotjha beyibathobele.’

UZAKARIYA 14:7

Ngesikhatheso, esaziwa nguSomnini, kuzakuba semini kwaphela, kungabi nemini nobusuku. Lokha nakuhlwako, kuzasoloko kunomkhanyo.

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 25:34

Yeke iKosi izakuthi kilabo abangesidleni sayo, ‘Yizani nina enibusiswe nguBaba! Thathani ilifa lenu okumbuso olungiselelwe nina kusukela ekudalweni kwephasi.

UMATEWU 25:46

Yeke bazakukhamba baye ekuhlunguphazweni okungapheliko, kodwana abalungileko bazakuya ekuphileni okungapheliko.”

KWEBEROMA 5:17

Nakube, ngebanga lesiphambeko somuntu oyedwa, ukufa kwabusa ngaye oyedwa loyo, bazokuba namandla kangangani-ke labo abazakwamukela umusa omkhulu kanye nesipho somusa sokulunga phezu kwepilo ngomuntu oyedwa, onguJesu Krestu.

2 UTHIMOTHI 2:12

Nasinyamezelako sizakubusa naye, nangabe siyamphika naye uyosiphika.

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 18:23

Angekhe kusakhanya isibani kuwe; itjhada lokusina kwedwendwe angekhe lisezwakala kuwe; abarhwebi bakho bebaziinkhulu zephasi, begodu ngobuloyi bakho walutha zoke izizwe.

ISAMBULO 20:4

Ngabona iinhlalo zobukhosi, labo ebebahlezi kizo banikelwa amandla wokugweba. Ngabona nemiphefumulo yalabo abaquntwe iinhloko ngebanga lobufakazi babo ngoJesu nangelizwi lakaZimu. Abazange balotjhe isibandana namkha umfanekiso waso; begodu abazange babekwe iphawu laso eempandla zabo namkha ezandleni zabo. Babuya baphila bebabusa noKrestu ikulungwana yeminyaka.

ISAMBULO 20:6

Babusisiwe begodu bacwengile labo abanesabelo ekuvukeni kokuthoma. Ukufa kwesibili akunamandla phezu kwalaba, kodwana bayokuba baphristi bakaZimu nebakaKrestu begodu bayokubusa naye iminyaka eyikulungwana.

ISAMBULO 21:11

Bewunephazimulo kaZimu nokukhanya okunjengobuphaziphazi obuligugu njengelitje elihle khulu ijasiperi elidarhe njengomabula.

ISAMBULO 3:21

Ohlulako ngizomnikela ilungelo lokuhlala nami esihlalweni sami sobukhosi, kuzakuba njengombana nami ngahlula bengahlala noBaba esihlalweni sakhe sobukhosi.