ISAMBULO 22:17 - IsiNdebele 2012 Translation

¹⁷ UMoya nomlobokazi bathi: “Yiza!” Nozwako akatjho athi: “Yiza!” Omunye nomunye owomileko akeze; nanyana ngubani othandako akathathe amanzi wokuphila ngesihle.

ISAMBULO 22:17 Iomraidhean Croise

AMARHUBO 34:8

Abesaba uSomnini, baphahlwa yingilozi mazombe, ibenyule.

U-ISAYA 12:3

Nizakukha amanzi ngokuthaba emthonjeni wesindiso.

U-ISAYA 2:3

Nabantu abanengi bazakuza bathi: “Nambani sikhuphukeleni entabeni kaSomnini, ethempelini lakaZimu kaJakopo ukuze asifundise iindlela zakhe kobana sikhambe ngemizilakhe.” Mbala, umthetho uzakuvela eZiyoni nelizwi lakaSomnini eJerusalema.

U-ISAYA 2:5

Yewize wena kumba kaJakopo, namba sikhambe ekukhanyeni kwakaSomnini.

UJOROMIYA 50:5

Bazakubuza indlela eya eZiyoni baphendukele nganeno bathi, ‘Yizani sizihlanganiseni noSomnini ngesivumelwano sanini nanini esingeze sakhohlweka.’

UHEZEKIYELI 47:1

Umuntu loyo wangibuyisela ebungenweni bethempeli. Qala, amanzi avinyilika ngaphasi kombunjwana wethempeli, agelezela ngepumalanga njengombana ithempeli beliqale ngepumalanga. Amanzi gade ehlela phasi avela ngesewula yethempeli, ngesewula ye-aldari.

UMIKHA 4:2

Izizwe zoke zizakuhlangana zithi: “Nambani sikhambeni, senyukeleni entabeni kaSomnini, ekumbeni kaZimu wakaJakopo. USomnini uzasifundisa imithetho yakhe; ukuze sikhambe ngeendlela zakhe.” Ngambala kuzakubethwa umthetho eZiyoni, kuphume ilizwi lakaSomnini eJerusalema.

UJWANISI 1:37

Kwathi bona abafundi ababili bamuzwe atjho njalo, balandela uJesu.

UJWANISI 4:10

UJesu waphendula wathi: “Ingathana bewazi isipho sakaZimu, nokobana ngubani othi kuwe, ‘Ngiseza’ bewuzambawa, yena ubazakupha amanzi wokuphila.”

UJWANISI 4:11

Umfazi wathi kuye: “Mnimzana! Awunanto yokukha, begodu umthombo lo uyatjhinga. Uzawafumanaphi amanzi wokuphila lawo na?

UJWANISI 4:14

kodwana ngiloyo naloyo osela amanzi engizamupha wona angekhe abe asoma godu. Amanzi engizamupha wona azakuphenduka isiyalu ngaphakathi kwakhe simondle ngamanzi wokuphila okungapheliko.”

UJWANISI 4:29

“Yizani nizokubona umuntu ongitjele koke engakhe ngakwenza. Angaba nguKrestu na?”

UJWANISI 7:37

Ngelanga lamaphelelo neliqakathekileko lomnyanya, uJesu wasikima wathi ngelizwi elikhulu: “Loyo owomileko akeze kimi azokusela.

KWEBEROMA 3:24

Kodwana kwanjesi sele balungisiswa ngomusakhe njengesipho ngokuhlengwa okukuKrestu Jesu,

1 KWEBEKORINTE 2:12

Asikamukeli ummoya wephasi kodwana samukele uMoya obuya kuZimu ukuze sizwisise lokho uZimu asiphe khona ngesihle.

ISAMBULO 14:13

Ngezwa ilizwi libuya ezulwini lisithi: “Tlola uthi: Babusisiwe labo abafako bafela kuSomnini kusukela gadesi.” UMoya ocwengileko uthi: “Iye, bazakuphumula ekukhandlekeni kwabo ngombana imisebenzi yabo izabalandela.”

ISAMBULO 2:7

“Onendlebe akezwe lokho uMoya akutjhoko emabandleni. “Loyo owahlulako ngiyomnikela ilungelo lokobanyana adle emthini wokuphila osepharadesi lakaZimu.”

ISAMBULO 21:2

Ngabona umuzi ocwengileko, iJerusalema elitjha, lehla livela kuZimu ezulwini, lilungiswe njengomlobokazi aqobotjhelele umyeni wakhe.

ISAMBULO 21:6

Nje-ke wathi kimi: “Sekwenziwe! Mina ngingu-Alfa no-Omega, ukuthoma nokuphela. Owomileko ngizamseza amanzi ngesihle emthonjeni wamanzi wokuphila.

ISAMBULO 21:9

Enye yeengilozi ezilikhomba eziphethe izitja ezilikhomba ezizele iinhlupheko ezilikhomba zokuphela, yeza kimi yafese yathi: “Yiza ngikutjengise umlobokazi, umkaMvana.”

ISAMBULO 22:1

Ingilozi yangitjengisa umlambo wamanzi wokuphila, udarhe njengerhalasi, ugeleza uvela esihlalweni sobukhosi bakaZimu neMvana,

ISAMBULO 22:16

“Ngimi mina Jesu engithumele ingilozi yami kini kobana izokufakaza ngezintwezi emabandleni. Ngimurabhu nomlibo kaDavida, ikhwezi lokusa elinyamazelako.”

ISAMBULO 7:17

ngombana iMvana ephakathi kwesihlalo sobukhosi izakuba ngumelusi wabo. Izabadosela emithonjeni yamanzi wokuphila, uZimu abasule zoke iinyembezi emehlweni wabo.”