ISAMBULO 22:11 - IsiNdebele 2012 Translation

¹¹ Loyo owenza okukhohlakeleko akahlale enza okukhohlakeleko; kuthi osilapheleko ahlale angosilapheleko; kodwana olungileko akahlale enza ukulunga nocwengileko ahlale acwengile.”

ISAMBULO 22:11 Iomraidhean Croise

UJOBHO 17:9

‘Olungileko unamathela endlelenakhe, nonezandla ezihlanzekileko uyandlondlobala.’

AMARHUBO 81:12

Nje-ke uSomnini wathi: “Abantu bami akhange balalele ilizwi lami, u-Israyeli azange anginake.

IZAGA 14:32

Ophambeneko uwiswa bukhohlakali bakhe, kodwana olungileko uphephela ebuqothweni bakhe.

IZAGA 4:18

Umzila wabalungileko ufana nomkhanyo welanga: Ukusukela ekuphumeni kwalo, umkhanyo lo ukhanya ukuya ngokuya bekube semini.

UMTJHUMAYELI 11:3

Amafu nazele amanzi, athululela izulu ephasini. Nakube umuthi uzokuwela ngesewula nanyana ngetlhagwini, lapha uzokuwela ngakhona, uzokulalela ngapho.

UHEZEKIYELI 3:27

Kodwana nangikhuluma nawe ngizakuvula umlomakho bese uthi kibo, ‘Nakhu okutjhiwo nguSomnini uSomandla’. Akuthi loyo ozwako, ezwe; kuthi loyo ongafuni ukwuzwa, ahlale angezwa ngombana bayindlu ehlubukako.”

UDANYELA 12:10

Abanengi bazakuhlungwa, bahlanjululwe bebacwengiswe, kodwana abakhohlakeleko bazakuragela phambili nobukhohlakali. Akakho wabakhohlakeleko ozakuzwisisa, kodwana abahlakaniphileko bona bazakuzwisisa.

UMATEWU 15:14

Baliseni, babahlahli abaphopheleko. Nakube isiphofu sirhola esinye isiphofu, zizokuwela ngemgodini zombili njalo.”

UMATEWU 21:19

Wabona umuthi wamakhiwani eqadi kwendlela, waya kiwo, kodwana azange afumane ilitho ngaphandle kwamakari. Yeke wathi emthini lowo: “Inga ungahlala ungasatheli!” Khonokho umuthi wamakhiwani woma.

UMATEWU 25:10

Kwathi nasesendleleni yokuyokuthenga amafutha lawo, umyeni wafika. Amatlawu ebegade azilungiselele angena naye ngemnyanyeni womtjhado. Umnyango wavalwa.

UMATEWU 5:45

ukuze nibe bantwana bakaYihlo osezulwini ngombana wenza ilanga lakhe liphumele abambi nabalungileko, anise nezulu kabalungileko nabakhohlakeleko.

UMATEWU 5:6

Babusisiwe abalambele bomele ukulunga ngombana bazakusuthiswa.

UJWANISI 8:21

Godu uJesu wathi kibo: “Ngizakukhamba, nina nizangifuna kodwana nizakufela ezonweni zenu. Angekhe naya lapha ngiyako.”

KWEBE-EFESU 5:27

begodu waliletha kuye lilibandla elinephazimulo, elinganachaphazi, ukutjhwabana namkha umphambo wananyana yini kodwana licwengile begodu limsulwa.

KWEBEKOLOSE 1:22

nokho sele abuyisene nani ngomzimba kaKrestu wenyama, ngokufa kwakhe ukuze aniveze nicwengile, nimsulwa begodu ningasoleki phambi kwakhe.

2 UTHIMOTHI 3:13

Kodwana iinkhohlakali nabakhohlisi bazakuragela phambili ebumbini, badukisa nabo badukiswa.

UJUDA 1:24

Kiloyo onamandla wokunilonda bona ningawi, nokunijamisa phambi kwephazimulo yakhe ninganabala, ninokuthokoza okukhulu,

ISAMBULO 16:21

Isinanja esineengidija ezinobudisi obungaba makhilogremu amatjhumi amane nahlanu, sawulukela phezu kwabantu sehla ezulwini. Abantu bahlambalaza uZimu ngebanga lobuhlungu besinanja ngombana besesabeka kokufa.

ISAMBULO 22:3

Angeze kusabakhona ilitho lamanikelela elizakufunyaneka lapho. Isihlalo sobukhosi sakaZimu neMvana sizokuba kiwo neenceku zakhe zizamlotjha.