ISAMBULO 21:3 - IsiNdebele 2012 Translation

³ Ngezwa ilizwi elikhulu livela esihlalweni sobukhosi lithi: “Qala indlu kaZimu seyihlangana nabantu. Uyokuhlala nabo njengoZimu wabo bona babe sisizwe sakhe, iye, uZimu ngokwakhe uzakuba nabo abe nguZimu wabo.

ISAMBULO 21:3 Iomraidhean Croise

1 AMAKHOSI 8:27

“Kodwana nithi uZimu angahlala ephasinapha na? Ngitjho namazulu, ukufika nezulwini eliphezulu khulu, angeze akghona ukumumumatha. Alo, ithempeli engilakhilekweli beliyini-ke lona!

2 IINKRONIKE 6:18

“Kodwana ngithi uZimu angahlala ephasinapha nabantu na? Ngitjho namazulu, ukufika nezulwini eliphezulu khulu, angeze akghona ukumumumatha. Alo, beliyini-ke ithempeli engilakhilekweli!

U-EKSODUSI 25:8

“Ngenzelani indawo ecwengileko ukuze ngihlale phakathi kwama-Israyeli.

U-EKSODUSI 29:45

Ngizakuhlala hlangana nama-Israyeli, ngibe nguZimawo.

U-ISAYA 12:6

Hlokomani, nililizele nina zakhamuzi zeZiyoni, ngombana mkhulu hlangana nani oCwengileko wakwa-Israyeli.”

UJOROMIYA 31:33

“Mbala, nasi isivumelwano engizosenza nekumba ka-Israyeli ngemva kwesikhatheso: Ngizakubeka umthethwami emikhumbulwenabo bese ngiwutlola eenhliziyweni zabo. Ngizakuba nguZimabo, bona babe babantu bami.” Kutjho uSomnini.

UJOROMIYA 32:38

Bazakuba babantu bami nami ngibe nguZimabo.

UHEZEKIYELI 37:27

Indawami yokuhlala izakuba kibo, ngibe nguZimabo bona babe babantu bami.

UHEZEKIYELI 43:7

lathi: “Ndodana yomuntu, le-ke yindawo yesihlalo sami sobukhosi nesinabelo seenyawo zami. Ngikho lapha, lapho ngizakuhlala khona hlangana nama-Israyeli mlibe. Indlu ka-Israyeli, iye, yona nekosayo angeze beyisasilaphaza ibizo lami elicwengileko ngobungwadla bayo nangamatje wesikhumbuzo wamakhosayo lokha nahlongakalako.

UHEZEKIYELI 48:35

“Ibanga mahlangothi woke wedorobho lizakuba makhilomitha alithoba. “Ibizo ledorobho ukusukela ngesikhatheso lizakubizwa ngokuthi: USomnini ulapho.”

UZAKARIYA 13:9

Isithathwesi ngizasidlulisa emlilweni; ngisicwengisise njengocwengisisa isiliva negolide. Sizakubiza ibizo lami, nje-ke ngizasiphendula, ngithi, ‘Bababantu bami,’ bese sona sithi, ‘USomnini nguZimethu.’ ”

UZAKARIYA 8:8

ngibabuyise bona bazokuhlala eJerusalema. Bazakuba babantu bami, mina ngibe nguZimabo ngeqiniso nangokulunga.”

UNUMERI 9:16

Bekunjalo-ke ngaso soke isikhathi: Emini belembeswa lilifu, kuthi ebusuku ilifelo libonakale linjengekehla yomlilo.

UJWANISI 1:14

ULizwi waba yinyama, wakha phakathi kwethu azele umusa neqiniso. Sabona iphazimulwakhe, iphazimulo ayamukela kuYise njengeNdodanakhe eyodwa tere.

UJWANISI 14:23

UJesu wamphendula wathi: “Loyo ongithandako uzakuhlonipha ifundiswami. UBaba uzamthanda, begodu sizakuza kuye sihlale naye.

2 KWEBEKORINTE 6:16

Linasivumelwano bani ithempeli lakaZimu nabosingazimu na? Thina silithempeli lakaZimu ophilako, njengombana uZimu wathi: “Ngizokuhlala ngaphakathi kwabo bengikhambe hlangana nabo, ngibe nguZimabo, bona babe babantu bami.”

2 KWEBEKORINTE 6:18

Mina ngizakuba nguYihlo, nina-ke nibe madodana namadodakazami. Kutjho uSomnini uMninimandla woke.”

1 KWEBETHESALONIKA 3:11

Sengathi uZimethu nonguBaba kanye neKosethu uJesu ngokwakhe, anganqophisa indlelethu yokuza kini.

AMAHEBHERU 11:16

Kunalokho bebakhanukela iphasi elingcono, okutjho lezulwini. Yeke uZimu akananhloni ukubizwa bona unguyisabo ngombana ubalungisele umuzi.

AMAHEBHERU 8:10

Nasi isivumelwano engizosenza nendlu ka-Israyeli ngemva kwesikhatheso. Kutjho uSomnini. Ngizakubeka umthethwami emikhumbulwenabo ngiwutlole eenhliziyweni zabo. Ngizakuba nguZimabo, bona babe babantu bami.

AMAHEBHERU 8:2

usikhonzi endaweni ecwengileko netendeni lamambala elajanyiswa nguSomnini ingasi mumuntu.

ISAMBULO 10:4

Lokha nakuzwakala imidumo elikhomba nami besele ngizilungiselele ukutlola, kodwana ngezwa ilizwi livela ezulwini lisithi: “Kugibe ngephawu lokho okukhulunywe midumo elikhomba, ungakutloli.”

ISAMBULO 10:8

Nje-ke ilizwi engalizwako likhuluma lisezulwini labuye lakhuluma nami godu lathi: “Khamba uyokuthatha umsongo ovulekileko esandleni sengilozi etlakalajele phezu kwelwandle nehlabathini.”

ISAMBULO 12:10

Yeke ngezwa ilizwi elikhulu ezulwini lisithi: “Nje-ke kufike isindiso, amandla nombuso kaZimethu; igunya lingelakaKrestu ngombana ummangaleli wabazalwana bethu wehliselwe phasi; iye, loyo obamangalela phambi kwakaZimu ubusuku nemini.

ISAMBULO 21:7

Loyo oyokuhlula uzakudla ilifa lezintwezo begodu mina ngizakuba nguZimakhe yena abe mntwanami.

ISAMBULO 22:3

Angeze kusabakhona ilitho lamanikelela elizakufunyaneka lapho. Isihlalo sobukhosi sakaZimu neMvana sizokuba kiwo neenceku zakhe zizamlotjha.

ISAMBULO 7:15

Kungakho bajame phambi kwesihlalo sobukhosi sakaZimu, “bamlotjha imini nobusuku ngethempelini lakhe, iye, loyo ohlezi esihlalweni sobukhosi uyobafukamela.