ISAMBULO 21:22 - IsiNdebele 2012 Translation

²² Azange ngalibona ithempeli hlangana nomuzi ngombana ithempeli lawo linguSomnini uZimu uMninimandlawoke neMvana.

ISAMBULO 21:22 Iomraidhean Croise

1 AMAKHOSI 8:27

“Kodwana nithi uZimu angahlala ephasinapha na? Ngitjho namazulu, ukufika nezulwini eliphezulu khulu, angeze akghona ukumumumatha. Alo, ithempeli engilakhilekweli beliyini-ke lona!

2 IINKRONIKE 2:6

Akakho ongakghona ukumakhela indawo yokuhlala ngombana amazulu ngitjho nezulu elingaphezu kwamazulu angeze anela kilo. Yeke angeze ngakghona ukumakhela indawo yokuhlala, engifuna ukukwenza yindawo yokutjhisa imihlabelo phambi kwakhe.

2 IINKRONIKE 6:18

“Kodwana ngithi uZimu angahlala ephasinapha nabantu na? Ngitjho namazulu, ukufika nezulwini eliphezulu khulu, angeze akghona ukumumumatha. Alo, beliyini-ke ithempeli engilakhilekweli!

U-ISAYA 66:1

Nakhu okutjhiwo nguSomnini: “Izulu sihlalo sami sobukhosi, iphasi lisinabelo seenyawo zami. Alo, yikumba bani-ke enizangakhela yona, indawami yokuphumula ibe yini?

UMATEWU 24:2

Wathi kibo: “Niyazibona zoke izintwezi na? Ngiqinisile ngiyanitjela bona akunalitje nalinye lapha elizakusala liphezu kwelinye, elinye nelinye lawo lizokugirika.”

UJWANISI 10:30

Mina noBaba simunye.”

UJWANISI 13:32

Nangabe uZimu uphazimulisiwe kiyo, khona uZimu uzakuphazimulisa iNdodana kuye, begodu lokho uzakwenza msinyana.

UJWANISI 4:21

UJesu wathi kuye: “Yewungikholwe mfazi, isikhathi siyeza lapha uBaba angekhe athandazwa entabeni le namkha eJerusalema.

UJWANISI 4:23

Kodwana isikhathi siyeza, begodu sebesifikile, lapha abathandazako bazakuthandaza uBaba ngommoya nangeqiniso ngombana uBaba uthanda abamlotjha njalo.

KWEBEKOLOSE 1:19

Yeke kwamthabisa uZimu bona ubuyena obupheleleko bakhe buhlale ngaphakathi kwakhe

KWEBEKOLOSE 2:9

ekuhlala kuye emzimbenakhe koke ukuphelela kwakaZimu.

ISAMBULO 1:8

“Mina ngingu-Alfa no-Omega,” kutjho uSomnini uZimu, okhona nogade avele akhona nozako.

ISAMBULO 11:17

bathi: “Siyakuthokoza Somnini, Zimu Mninimandlawoke, wena okhona nogade uvele ukhona, iye, siyakuthokoza ngombana uthethe amandlakho amakhulu, uthomile uyabusa.

ISAMBULO 14:4

Laba, ngilabo abangazange bazisilaphaze ngabesifazi ngombana bebasesemsulwa njengamancele. Ngibo-ke abalandela iMvana nanyana kukuphi lapha iya khona. Bebahlengwe ebantwini bafana neenthelo zokuthoma ezisilumo kuZimu nakiyo iMvana

ISAMBULO 15:3

Bavuma irhubo lakaMosi inceku kaZimu kanye nerhubo leMvana, basithi: “Mikhulu iyababazeka imisebenzakho, wena Somnini Zimu Mninimandla! Zilungile begodu ziliqiniso iindlela zakho, wena Kosi yezizwe zoke.

ISAMBULO 16:14

Lokhu kumimoya yamadimoni agila iziga; begodu iya emakhosini wephasi loke ukuwabutha bona alwe ipi ngelanga elikhulu lakaZimu uMninimandlawoke.

ISAMBULO 16:7

Ngezwa i-aldari liphendula lithi: “Iye, Somnini Zimu Mninimandla, iingwebo zakho zilungile begodu ziliqiniso!”

ISAMBULO 19:15

Emlonyenakhe kuphuma isabula ebukhali, ngayo urhayila izizwe begodu uzazibusa ngentonga yesimbi. Uzakugadangela ubutlhodlhelo bobukhali nebelaka lakaZimu uMninimandlawoke.

ISAMBULO 4:8

Iimbunjwa ezine lezi bezineempiko ezisithandathu ngasinye, zembethwe mamehlo ngaphakathi nangaphandle. Bezingaqedi ukurhuba imini nobusuku zithi: “Ucwengile, ucwengile, ucwengile, uSomnini uZimu uMninimandlawoke, obekavele akhona, okhona nozako!”

ISAMBULO 5:6

Nje-ke ngabona iMvana ijame kwanga ihlatjiwe, iphakathi kwesihlalo sobukhosi naphakathi kwezinye iimbunjwa eziphilako kanye nahlangana nabaphathi. Beyineempondo ezilikhomba namehlo alikhomba okumimoya elikhomba yakaZimu ethunyelwe kilo loke iphasi.

ISAMBULO 7:15

Kungakho bajame phambi kwesihlalo sobukhosi sakaZimu, “bamlotjha imini nobusuku ngethempelini lakhe, iye, loyo ohlezi esihlalweni sobukhosi uyobafukamela.

ISAMBULO 7:17

ngombana iMvana ephakathi kwesihlalo sobukhosi izakuba ngumelusi wabo. Izabadosela emithonjeni yamanzi wokuphila, uZimu abasule zoke iinyembezi emehlweni wabo.”