ISAMBULO 21:2 - IsiNdebele 2012 Translation

² Ngabona umuzi ocwengileko, iJerusalema elitjha, lehla livela kuZimu ezulwini, lilungiswe njengomlobokazi aqobotjhelele umyeni wakhe.

ISAMBULO 21:2 Iomraidhean Croise

AMARHUBO 87:3

Kukhulunywa ngezinto ezidumisekako ngawe, muzi kaZimu.

U-ISAYA 1:21

Maye, idorobho ebelithembekile selibe yingwadla! Beligcwele ubulungiswa nokulunga bekungaphakathi kwalo, kodwana kwanjesi, ligcwele ababulali!

U-ISAYA 52:1

Vuka, vuka wena Ziyoni, zembathise amandla. Yembatha izambatho zakho zakanokutjho, wena Jerusalema, dorobho elicwengileko ngombana abatjhili nabangahlambulukiko angeze basangena kuwe godu.

U-ISAYA 54:5

Mbala, okuthetheko ungumbumbi wakho, ibizo lakhe nguSomnini uMninimandlawoke; umhlengakho ungoCwengileko ka-Israyeli, ubizwa bona nguZimu wephasi loke.

U-ISAYA 61:10

Ngithokoza khulu kwamambala ngoSomnini, umphefumulwami ujekezela kuZimami ngombana ungembathise iingubo zesindiso, wangigubuzesa ngesambatho sokulunga, njengomyeni lokha nathwala ingwani ehloko nanjengomlobokazi nazihlobise ngobuphaziphazi bakhe.

U-ISAYA 62:4

Angeze bewusabizwa “ngolahliwe” namkha inarhakho ithiwe “ingudududu”. Kodwana sele uzakubizwa “othandiweko wami”, inarhakho ithiwe “ngeyendileko” ngombana uSomnini uzakukareka ngawe nenarhakho izakuba nomphathi.

UJOROMIYA 31:23

Nakhu okutjhiwo nguSomnini uMninimandlawoke, uZimu wakwa-Israyeli: “Godu bazakusebenzisa amezwi la enarheni yakwaJuda nemadorobheni wakhona lokha nangitjhugulula ubujamo babo: “ ‘USomnini akubusise, wena buhlalo bokulunga; iye, wena mbundu ocwengileko!’

UJWANISI 3:29

Onomlobokazi umyeni; kodwana umngani womkhwenyani ojama amlalele, uyathaba nakezwa ilizwi lomkhwenyani. Yeke ithabo lami seliphelele.

2 KWEBEKORINTE 11:2

Nginetjhisakalo ngani, iye, nginetjhisakalo kaZimu ngombana nganendisa endodeni eyodwa, enguKrestu ukuze nginethule kuye nilitlawu lakotlawu.

AMAHEBHERU 11:10

ngombana bekalindele umuzi oneensekelo, umakhi nomenzi wawo kunguZimu.

AMAHEBHERU 11:16

Kunalokho bebakhanukela iphasi elingcono, okutjho lezulwini. Yeke uZimu akananhloni ukubizwa bona unguyisabo ngombana ubalungisele umuzi.

AMAHEBHERU 12:22

Kodwana nina nize entabeni yeZiyoni nemzini wakaZimu ophilako, iJerusalema lezulwini nemgidini wewoma leengilozi,

AMAHEBHERU 13:14

Lokho kungombana lapha asinawo umuzi ojame ngokungapheliko, kodwana siqale umuzi ozako.

ISAMBULO 1:1

Isambulo sakaKrestu asinikelwa nguZimu bonyana abonise iinceku zakhe okufanele kwenzeke msinyana. Lokho wakwenza ngokuthumela ingilozi ukuyobonisa inceku yakhe uJwanisi,

ISAMBULO 1:4

UJwanisi, kiwo amabandla alikhomba we-Asiya: Kini akube mumusa nokuthula okuvela kuye okhona nogade avele akhona nozako, nakiyo imimoya elikhomba ephambi kwesihlalo sakhe sobukhosi

ISAMBULO 1:9

Mina Jwanisi, umzalwana wenu nomhlanganyeli kanye nani ekuhluphekeni, embusweni nekubekezeleni; bengisesihlengeleni sePatmosi ngebanga lelizwi lakaZimu nobufakazi ngoKrestu.

ISAMBULO 11:2

kodwana ungayilinganisi ikundla engaphandle kwethempeli, ilise ngombana inikelwe izizwe begodu zizokugadanga emzini ocwengileko iinyanga ezimatjhumi amane nambili.

ISAMBULO 21:10

KuMoya yangithwala yangisa entabeni ekulu nephakamileko, yangitjengisa umuzi ocwengileko okutjho iJerusalema, wehlela phasi uvela ezulwini kuZimu.

ISAMBULO 21:9

Enye yeengilozi ezilikhomba eziphethe izitja ezilikhomba ezizele iinhlupheko ezilikhomba zokuphela, yeza kimi yafese yathi: “Yiza ngikutjengise umlobokazi, umkaMvana.”

ISAMBULO 22:17

UMoya nomlobokazi bathi: “Yiza!” Nozwako akatjho athi: “Yiza!” Omunye nomunye owomileko akeze; nanyana ngubani othandako akathathe amanzi wokuphila ngesihle.

ISAMBULO 22:19

nangabe kukhona ophungula emazwini wesiphorofido sencwadi le, uZimu uzakususa isabelo sakhe emthini wokuphila nemzini ocwengileko, ekuzizinto ezihlathululwe encwadini le.

ISAMBULO 3:12

Ohlulako ngizomenza isika ethempelini lakaZimami; angeze asasuka kilo. Ngizokutlola kuye ibizo lakaZimami nebizo lomuzi kaZimami, iJerusalema elitjha eliyokwehla livela kuZimami ezulwini. Iye, ngitlole phezu kwakhe nebizo lami elitjha.