ISAMBULO 20:9 - IsiNdebele 2012 Translation

⁹ Zaphuma zarhwanta zidabula iphasi zazombeleza indawo yabacwengileko kanye nomuzi othandekako. Kodwana kwehla umlilo ezulwini wabaqothula.

ISAMBULO 20:9 Iomraidhean Croise

UGENESISI 19:24

Nje-ke uSomnini wanisa isibabuli esivuthako phezu kwedorobho leSodoma neGomora. Umlilo lowo bewehla uvela ezulwini.

2 AMAKHOSI 6:15

Inceku yomuntu kaZimu yavuka ekuseni yaphumela ngaphandle. Qala nanto ibutho lizombeleze idorobho ngeenjomani nangeenkarana. Inceku yathi ku-Elitjha: “Maye kosami! Kazi sizokwenzani-ke nakunje?”

UJOBHO 38:18

Uyalemuka bonyana kwenzakalani phezu kwephasi na? Yitjho nakube unelwazi ngawo woke!

AMARHUBO 106:18

Hlangana nejimelo kwaqubuka nomlilo; iinkhohlakalezo zadliwa malangabi.

AMARHUBO 87:2

USomnini uthanda amasango weZiyoni ukwedlula zoke iindawo zokuhlala zakaJakopo.

AMARHUBO 97:3

Phambi kwakhe kukhamba umlilo oqothula amanabakhe mazombe.

U-ISAYA 30:33

ngombana iziko lalungiselelwa kade; iye, lahlelelwa ikosawo. USomnini wenza umgodi weziko watjhinga begodu waba banzi. Kunamalahle avuthako neenkuni ezinengi, nje-ke ukuphefumula kwakaSomnini sele kuvuthela njengomlandelande wesibabuli.

U-ISAYA 37:36

Ingilozi kaSomnini yaphuma yasahlela ekampeni yama-Asiriya abantu abaziinkulungwana ezilikhulu namatjhumi abunane nahlanu. Kwathi abantu nabavukako ekuseni ngakusasa, iindumbu bezilele ubujadajada!

UHEZEKIYELI 38:16

Kwamambala uzakurhwanta ujamelene nabantu bami u-Israyeli, iye, njengelifu elembese inarha. Esikhathini esizako ngizakwenza uqalane nenarhami ukuze izizwe zingazi lokha nangizibonakalisa ngani phambi kwazo bona mina ngicwengile’.

UHEZEKIYELI 38:22

“IGogi ngizayigweba ngezifo nangokuthuluka kweengazi. Ngizakunisela izulu eliwulukako, isinanja esikhulu, umlilo nesibabuli phezu kwayo, phezu kwebutho layo naphezu kwezizwe ezinengi ezikanye nayo.

UHEZEKIYELI 38:9

Wena uzakurhwanta, uze njengesiwuruwuru, ube njengelifu elembese inarha; iye, wena nebutho lakho loke nezizwe ezinengi kanye nawe.’

UHEZEKIYELI 39:6

Ngizokuthumela umlilo phezu kweMagogi naphezu kwalabo abahlezi baphepha eenarheni eziseligwini. Yeke bazakwazi bonyana nginguSomnini.

UMIKHA 2:13

Begodu bathi: “Loyo oliVulandlela uzabarhola. Bazakufahla baphume esangweni; batjhaphuluke. Ikosabo izabakhomba indlela, ibe yihlokwabo.”

URHABAKHUKHU 1:6

Iye, ngizakuvusa amaBhabheli, abantu abamarhamaru nabanganasisa, abatjharhatha iphasi loke, bakhambe bahluthula izindlu okungasi ngezabo.

UNUMERI 11:1

Abantu bakwa-Israyeli bakhola uSomnini ngokumbalabalela ngobudisi abanabo. Kwathi lokha uSomnini nabezwako wavutha khulu ngelaka lakhe. Nje-ke kwaqubuka umlilo kaSomnini hlangana nabantwabo watjhisa amahlangothi wekampa.

UNUMERI 16:35

Kwehla umlilo uvela kuSomnini, waqothula amakhulu amabili namatjhumi amahlanu wabantu abagade banikela itjhwalo.

ULUKASI 17:29

Kodwana ngelanga uLothi asuka ngalo eSodoma, kwehla umlilo nesibabuli ezulwini, kwabaqothula boke.

ULUKASI 19:43

Uzakufikelwa malanga lapho izitha zakho zizakwakhela khona isiqabo, zikuzombeleze bezikuvimbezele mahlangothi woke.

ULUKASI 21:20

“Lokha nanibona iJerusalema iragelelwe mabutho, nizakwazi bona ukubhujiswa kwayo sekutjhidele.

ULUKASI 9:54

Kwathi lokha abafundi bakhe, uJakopo noJwanisi, nababona lokhu bathi kuye: “Kosi, ufuna bona sibize umlilo ezulwini wehle ubaqothule na?”

UDUTERONOMI 23:14

ngombana uSomnini uZimenu ukhamba phakathi kwenu ekampeni kobana anisindise abe anikele izitha zenu phambi kwenu. Ngalokho ikampenu kumele ihlanzeke ukuze uSomnini angakhambi abona ameswe wenu bese uyanifulathela.

2 KWEBETHESALONIKA 1:8

isiza ngomlilo wamalangabi. Izokuhlunguphaza labo abangamaziko uZimu nalabo abangalaleli ivangeli leKosethu uJesu.

AMAHEBHERU 13:13

Ngalokho asiye kuye ngaphandle komuzi, sifese sithwale ihlazo alinyamezelelako!

ISAMBULO 11:5

Nakukhona ofuna ukubakhubaza, kuphuma umlilo emilonyeni yabo iqothule amanaba wabo; ngileyo-ke indlela ekuthi loyo olinga ukubalimaza ekufuze abulawe ngayo.

ISAMBULO 13:13

Sagila iimbonakaliso ezikulu sabe senza nomlilo ophuma ezulwini, wehlele ephasini phambi kwabantu baqalile.