ISAMBULO 20:4 - IsiNdebele 2012 Translation

⁴ Ngabona iinhlalo zobukhosi, labo ebebahlezi kizo banikelwa amandla wokugweba. Ngabona nemiphefumulo yalabo abaquntwe iinhloko ngebanga lobufakazi babo ngoJesu nangelizwi lakaZimu. Abazange balotjhe isibandana namkha umfanekiso waso; begodu abazange babekwe iphawu laso eempandla zabo namkha ezandleni zabo. Babuya baphila bebabusa noKrestu ikulungwana yeminyaka.

ISAMBULO 20:4 Iomraidhean Croise

UDANYELA 2:44

Khona emalangeni wamakhosi lawo, uZimu wezulwini uzakujamisa umbuso ongasoze wapheliswa namkha udluliselwe kabanye abantu. Uzakutshidlha bewuphelise yoke imibuso eminye, kodwana wona uzakujama nini nanini.

UDANYELA 7:18

Kodwana abacwengileko bongoPhezulu, bazakwamukeliswa umbuso bebawuthathe isiphelani kube nini nanini.’

UDANYELA 7:22

bekwaba kulapha kufika khona oMdala weminyaka, wamela abacwengileko bongoPhezulu, bekwafika isikhathi lapha abacwengileko bamukela khona umbuso.

UDANYELA 7:27

Nje-ke umbuso nobukhosi, ubukhulu bemibuso engaphasi kwezulu buzakunikelwa abantu abacwengileko bongoPhezulu. Umbuswabo uzakuba ngowesiphelani, yoke imibuso izabalotjha beyibathobele.’

UDANYELA 7:9

“Ngathi ngisaqalile njalo, “kwabekwa iinhlalo zobukhosi; kwathi oMdala weminyaka wahlala esihlalweni sakhe. Izambatho zakhe bezimhlophe njengeliqhwa neenhluthu zakhe zinjengoboya obucwebileko. Isihlalo sakhe sirubha amalangabi, amavili waso amlilo ovuthako.

UMALAKI 4:5

Qala ngizakuthumela umphorofidi u-Elija ngaphambi kokuza kwelanga elikhulu nelesabekako lakaSomnini.

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 24:10

Ngesikhatheso abanengi bazakuhlubuka ekukholweni bese bayakhaphelana bebazondane.

UMARKOSI 6:16

Kodwana kwathi lokha uHerode nezwa lokho, wathi: “Baba-ke! UJwanisi yena lo engamqunta ihloko, uvukileko kabafileko!”

UMARKOSI 6:27

Yeke yayala khonokho umbulali kobana eze nehloko kaJwanisi. Umuntu loyo wakhamba-ke, wafese waqunta uJwanisi ihloko angesikhungweni,

UMARKOSI 9:11

Bakanye bambuza bathi: “Kubayini abafundisi bomthetho bathi kufuze kuze u-Eliya qangi na?”

ULUKASI 1:17

Yeke izakukhamba phambi kweKosi ngommoya nangamandla ka-Eliya kobana itjhugululele iinhliziyo zaboyise ebantwaneni, kuthi abangalaleliko batjhugulukele ekuhlakanipheni kwabalungileko. Godu izakwenza bona isizwe silungele iKosi.”

ULUKASI 14:14

khona-ke uzakubusiswa. Nanyana bangekhe bakuvuze, uzakuvuzwa ekuvusweni kwabalungileko.”

ULUKASI 22:30

ukuze nigome benisele etafuleni lami embuswenami, nihlale eenhlalweni zobukhosi, nigwebe iinkoro ezilitjhumi nambili zakwa-Israyeli.”

UJWANISI 14:19

Kungakabi sikhathi eside, iphasi angekhe lisangibona, kodwana nina nizangibona ngombana mina ngiyaphila nani niyokuphila.

KWEBEROMA 11:15

Nakube ukulahlwa kwabo kukubuyisana kwabantu bephasi noZimu, kuzokuba yini-ke ukwamukelwa kwabo na? Kghani kuzakuba kuphila kwabafileko na?

KWEBEROMA 8:17

Nje-ke nakube sibantwana, kutjho bona siziindlalifa, iye, iindlalifa zakaZimu begodu siziindlalifa kanye noKrestu nakube ngambala sihlanganyela eenhluphekweni zakhe ukuze sihlanganyele naye ephazimulwenakhe.

2 UTHIMOTHI 2:12

Nasinyamezelako sizakubusa naye, nangabe siyamphika naye uyosiphika.

ISAMBULO 1:2

owafakaza ngelizwi lakaZimu nangoJesu Krestu nangakho koke akubonileko.

ISAMBULO 1:9

Mina Jwanisi, umzalwana wenu nomhlanganyeli kanye nani ekuhluphekeni, embusweni nekubekezeleni; bengisesihlengeleni sePatmosi ngebanga lelizwi lakaZimu nobufakazi ngoKrestu.

ISAMBULO 11:11

Kodwana ngemva kwamalanga amathathu nesiquntu kwangena kibo ummoya ophilisako uvela kuZimu, nje-ke basikima bajama ngeenyawo, kwathi labo abababonako bafikelwa kukwesaba.

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 11:3

Ngizokunikela abofakazi bami ababili amandla wokuphorofida amalanga ayikulungwana enamakhulu amabili namatjhumi asithandathu.”

ISAMBULO 11:7

Kuzakuthi lokha nasele baqede ubufakazi babo, isibandana siphume ngemgodini onganamkhawulo silwe nabo, sibahlule besibabulale.

ISAMBULO 12:11

Bona bamhlula ngeengazi zeMvana nangelizwi lobufakazi babo begodu akhange banconcosele ipilo yabo bekwaba sekufeni.

ISAMBULO 14:11

Intuthu yomlilo walabo abahlunguphaziweko yenyuka nini nanini. Ubusuku nemini akukho ukuphumula kilabo abalotjha isibandananomfanekiso waso, iye, komunye nomunye owamukela iphawu lebizo laso.”

ISAMBULO 15:2

Ngabona lokho okwabonakala sengathi lilwandle lerhalasi livangene nomlilo nalabo ebebahlule isibandananomfanekiso waso kanye nesibalo sebizo laso. Bebajame eduze nelwandle lerhalasi baphethe amaharibha abawanikelwe nguZimu ezandleni zabo.

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 2:26

“Loyo owahlulako, enze imisebenzami bekube sekupheleni, ngiyomupha ilungelo lokubusa izizwe.

ISAMBULO 20:6

Babusisiwe begodu bacwengile labo abanesabelo ekuvukeni kokuthoma. Ukufa kwesibili akunamandla phezu kwalaba, kodwana bayokuba baphristi bakaZimu nebakaKrestu begodu bayokubusa naye iminyaka eyikulungwana.

ISAMBULO 22:5

Angeze kusabakhona ubusuku, abasadingi ukukhanya kwesibani nanyana kwelanga ngombana uZimu uSomnini uzokuba kukhanya kwabo, bazakubusa naye nini nanini.

ISAMBULO 3:21

Ohlulako ngizomnikela ilungelo lokuhlala nami esihlalweni sami sobukhosi, kuzakuba njengombana nami ngahlula bengahlala noBaba esihlalweni sakhe sobukhosi.

ISAMBULO 4:4

Esihlalweni sobukhosi mazombe bekunezinye iinhlalo ezimatjhumi amabili nane, phezu kwazo kuhlezi abaphathi abamatjhumi amabili nane, bembethe izambatho ezimhlophe bathwele neehlohlo zegolide.

ISAMBULO 6:9

Lokha iMvana nayinamulula iphawu lesihlanu, ngabona ngaphasi kwe-aldari imiphefumulo yalabo egade babulewe ngebanga lelizwi lakaZimu nangebanga lobufakazi ababe nabo.

ISAMBULO 7:3

yathi kizo: “Ningaloni iphasi, ilwandle namkha imithi singakagibi iphawu eempandla zeenceku zakaZimethu.”