ISAMBULO 20:12 - IsiNdebele 2012 Translation

¹² Ngabona abafileko, abakhulu nabancani, bajame phambi kwesihlalo sobukhosi neencwadi zavulwa. Godu kwavulwa nenye incwadi ekuyincwadi yokuphila. Abafileko bagwetjwa ukuya ngemisebenzi abayenzileko, kwaya njengombana kutloliwe eencwadini.

ISAMBULO 20:12 Iomraidhean Croise

AMARHUBO 28:4

Bavuze njengokwemisebenzabo, iye, njengobumbi bezenzo zabo; bakhokhele njengokomphumela wezandla zabo, ubabuyisele umvuzwabo, obafaneleko.

AMARHUBO 62:12

UZimu ukhulume kanye, ngezwa kabili: Amandla angawakaZimu.

AMARHUBO 69:28

Ngezelela icala ecaleni labo, ungababali emsenakho.

IZAGA 24:12

ngombana nawuthi, “Qala akhange sazi litho ngalokhu”, nje-ke ohlola iinhliziyo, nguye ozakwazi iqiniso; iye, owelusa ipilwakho, nguye olaziko, uzakubuyiselela umuntu ngalokho akwenzileko.

IZAGA 24:29

Ungathi: “Ngizamenza angenze sona; ngizazibuyiselela ngalokho angenze khona.”

UMTJHUMAYELI 12:14

ngombana uZimu uzokugweba yoke imisebenzi, ngitjho nakho koke okufihlakeleko, nanyana kukuhle, nanyana kukumbi.

UJOROMIYA 17:10

“Mina Somnini ngihlolisisa ihliziyo ngizizinye iziso, kobana ngivuze umuntu ngokweendlela zakhe, iye, ukuya ngokwemisebenzakhe.”

UJOROMIYA 32:19

iye, umkhulu ekwelulekeni begodu unamandla ngokwezenzo. Amehlwakho abona zoke iindlela zabantu, uvuza omunye nomunye ngokuziphatha kwakhe nanjengokwemisebenzakhe.

UDANYELA 7:10

Kwehla amalangabi avela phambi kwakhe; bekaphahlwe ziinkulungwana ngeenkulungwana, iye, amatjhumitjhumi weenkulungwana bekajame phambi kwakhe. Abagwebi bahlala ebandla, kwavulwa iincwadi.

UMATEWU 11:22

Ngiqinisile ngiyanitjela bona ngomhla wokuphela uZimu uzokuba nesirhawu esikhulu ebantwini beTirosi neTsidoni kunani!

UMATEWU 16:27

Ngambala iNdodana yoMuntu izokuza ngephazimulo kaYise neengilozi zayo, yeke izakuvuza omunye nomunye umuntu ngokwemisebenzakhe.

ULUKASI 10:20

Nokho ningathatjiswa kukobana imimoya emimbi inilalele, kodwana thokoziswani kukobana amabizwenu atloliwe ezulwini.”

IZENZO ZABAPOSTOLI 24:15

Nginalo ithemba kuZimu, iye, ithemba nabo abalamukelako lokobana kuzakuba khona ukuvuka kwabafileko kwabo boke abalungileko nabangakalungi.

KWEBEROMA 2:6

Uzakuvuza omunye nomunye ngokwemisebenzakhe:

1 KWEBEKORINTE 4:5

Ngalokho-ke ningagwebi ilitho kungakafiki isikhathi, lindani bekufike iKosi. Yona izokuveza emkhanyweni koke okufihlwe ebumnyameni beyembule neenhloso zeenhliziyo zabantu. Ngesikhatheso uZimu uzokwamukelisa omunye nomunye ukuthokozwa okumfaneleko.

2 KWEBEKORINTE 5:10

Ngitjho ngombana soke sifanelwe kuvela phambi kwesihlalo sokugweba sakaKrestu ukuze ngiloyo naloyo amukeliswe umvuzo walokho akwenzileko nasesengemzimbenapha, kungaba ngokuhle namkha okumbi.

KWEBEFILIPI 4:3

Iye, nawe ngiyakukhombela mnganami bona usize abomma laba ngombana batjhikatjhika nami emsebenzini wevangeli, bakanye noKlemente nabo boke abasebenzisana nami, labo amabizwabo angencwadini yokuphila.

ISAMBULO 11:18

Izizwe zithukuthele kodwana ilaka lakho lifikile, okusikhathi sokugweba labo abangasekho ukuze uvuze iinceku zakho okubaphorofidi; iye, kuvuzwe nabacwengileko bakho okungilabo abesaba ibizo lakho, abakhulu nabancani begodu kubhujiswe labo ababhubhisa iphasi.”

ISAMBULO 13:8

Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 19:5

Kwezwakala ilizwi livela esihlalweni sobukhosi lisithi: “Dumisani uZimethu noke nina nceku zakhe, iye, noke nina enimesabako, abancani nabakhulu!”

ISAMBULO 2:23

Ngizobabhubhisa abantwana bakhe; amabandla woke azakwazi bona nginguloyo ohlola iziso neenhliziyo begodu ngizokuvuza omunye nomunye wenu ngokwemisebenzakhe.

ISAMBULO 20:11

Ngabona isihlalo sobukhosi esikhulu nesimhlophe naloyo ohlezi kiso. Iphasi nesibhakabhaka kwabaleka phambi kwakhe, kwanyamalala.

ISAMBULO 20:13

Ilwandle lakhupha boke abafileko ebebakilo. Ukufa nendawo yabafileko kwakhupha abafileko ebebahlezi kikho; boke bagwetjwa ukuya ngokwemisebenzi abayenzileko.

ISAMBULO 20:15

Loyo ibizo lakhe elingazange lifunyanwe encwadini yokuphila waphoswa ngelitsheni lomlilo.

ISAMBULO 21:27

Kodwana akukho okusilapheleko okuyongena kiwo okutjho owenza amanyala namkha othoma amanga, kwaphela abatlolwe encwadini yokuphila yeMvana.

ISAMBULO 22:12

“Yelela, ngiyeza msinyana; ngiphethe umvuzo kobana ngikhokhele loyo naloyo ngokwemisebenzi yakhe.

ISAMBULO 3:5

Ngokunjalo nohlulako uzokwembathiswa ezimhlophe, ibizo lakhe angekhe ngalesula encwadini yabaphilako; ngizolivuma phambi kwakaBaba naphambi kweengilozi zakhe.