ISAMBULO 2:26 - IsiNdebele 2012 Translation

²⁶ “Loyo owahlulako, enze imisebenzami bekube sekupheleni, ngiyomupha ilungelo lokubusa izizwe.

ISAMBULO 2:26 Iomraidhean Croise

AMARHUBO 2:8

Bawa kimi, ngikunikele bezizwe babe lilifa lakho, nemikhawulo yephasi ibe sisabelo sakho.

AMARHUBO 2:9

Uzabaphihliza ngentonga yesimbi, ubaphahlaze njengomjeka.’ ”

AMARHUBO 49:14

Injalo indlela yabazethembako nalabo abathokozele amezwabo ngemva kokufa kwabo.

UDANYELA 7:18

Kodwana abacwengileko bongoPhezulu, bazakwamukeliswa umbuso bebawuthathe isiphelani kube nini nanini.’

UDANYELA 7:22

bekwaba kulapha kufika khona oMdala weminyaka, wamela abacwengileko bongoPhezulu, bekwafika isikhathi lapha abacwengileko bamukela khona umbuso.

UDANYELA 7:27

Nje-ke umbuso nobukhosi, ubukhulu bemibuso engaphasi kwezulu buzakunikelwa abantu abacwengileko bongoPhezulu. Umbuswabo uzakuba ngowesiphelani, yoke imibuso izabalotjha beyibathobele.’

UMATEWU 10:22

Boke bazanizonda ngebanga lebizo lami, kodwana loyo obambelela bekube sekupheleni, uzakusindiswa.

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 24:13

Kodwana loyo ozokubambelela bekube sekupheleni uzokusindiswa.

UJWANISI 6:29

UJesu wabaphendula wathi: “Umsebenzi kaZimu kukobana nikholwe kiloyo amthumileko.”

KWEBEROMA 2:7

Labo abaphikelele njalo ukwenza okulungileko, barhuluphele iphazimulo nedumo nokungabhubhi; uzobapha ukuphila okungapheliko.

KWEBEROMA 8:37

Kodwana kikho koke lokho singaphezu kwabahluli ngaye owasithandako.

1 KWEBETHESALONIKA 3:5

Ngalokho-ke, kuthe nasele ngingasakghoni, ngathumela bona ngizwe ngokukholwa kwenu; bengesaba bona mhlambe umlingi unilingile nokobana umsebenzethu sele uphenduke ilize.

AMAHEBHERU 3:6

UKrestu njengeNdodana bekathembekile endlini kaZimu. Thina-ke siyindlu yakhe nangabe sihlala njalo sibambelele ethembeni esizibuka ngalo.

UJAKOPO 2:20

Wena siyila ndina, ufuna ukutjengiswa bona ukukholwa ngaphandle kwemisebenzi kulilize na?

1 UJWANISI 2:19

Baphuma kithi, kodwana bekungasibo bethu; ngombana nakube bekungabethu bebazokuhlala nathi. Kodwana ngokuphuma kwabo kithi kutjengisa tjhatjhalazi bonyana akakho namunye wabo ogade kungowethu.

1 UJWANISI 3:23

Nje-ke naku umyalo: Kufuze sikholwe ebizweni leNdodanakhe uJesu Krestu begodu sithandane njengombana asiyala.

1 UJWANISI 5:5

Ngubani ongahlula iphasi nakungasi ngiloyo okholwa bona uJesu uyiNdodana kaZimu na?

ISAMBULO 2:11

“Onendlebe akezwe lokho uMoya akutjhoko emabandleni. “Ohlulako akasoze oniwa kukufa kwesibili.”

ISAMBULO 2:17

“Onendlebe akezwe lokho uMoya akutjhoko emabandleni. “Ohlulako ngizomupha imana ethukusiweko; ngimnikele ilitje elimhlophe ekutlolwe kilo ibizo elitjha elingaziwa mumuntu ngaphandle kwaloyo olamukelako.”

ISAMBULO 2:7

“Onendlebe akezwe lokho uMoya akutjhoko emabandleni. “Loyo owahlulako ngiyomnikela ilungelo lokobanyana adle emthini wokuphila osepharadesi lakaZimu.”

ISAMBULO 20:4

Ngabona iinhlalo zobukhosi, labo ebebahlezi kizo banikelwa amandla wokugweba. Ngabona nemiphefumulo yalabo abaquntwe iinhloko ngebanga lobufakazi babo ngoJesu nangelizwi lakaZimu. Abazange balotjhe isibandana namkha umfanekiso waso; begodu abazange babekwe iphawu laso eempandla zabo namkha ezandleni zabo. Babuya baphila bebabusa noKrestu ikulungwana yeminyaka.

ISAMBULO 21:7

Loyo oyokuhlula uzakudla ilifa lezintwezo begodu mina ngizakuba nguZimakhe yena abe mntwanami.

ISAMBULO 22:5

Angeze kusabakhona ubusuku, abasadingi ukukhanya kwesibani nanyana kwelanga ngombana uZimu uSomnini uzokuba kukhanya kwabo, bazakubusa naye nini nanini.

ISAMBULO 3:12

Ohlulako ngizomenza isika ethempelini lakaZimami; angeze asasuka kilo. Ngizokutlola kuye ibizo lakaZimami nebizo lomuzi kaZimami, iJerusalema elitjha eliyokwehla livela kuZimami ezulwini. Iye, ngitlole phezu kwakhe nebizo lami elitjha.

ISAMBULO 3:21

Ohlulako ngizomnikela ilungelo lokuhlala nami esihlalweni sami sobukhosi, kuzakuba njengombana nami ngahlula bengahlala noBaba esihlalweni sakhe sobukhosi.

ISAMBULO 3:5

Ngokunjalo nohlulako uzokwembathiswa ezimhlophe, ibizo lakhe angekhe ngalesula encwadini yabaphilako; ngizolivuma phambi kwakaBaba naphambi kweengilozi zakhe.