ISAMBULO 2:20 - IsiNdebele 2012 Translation

²⁰ Kodwana indabami ngawe kukobana unyamezelela umfazi okuthiwa nguJezebheli, ozibiza athi umphorofidi bona afundise iinsebenzi zami bona zenze ubufebe nokudla okuhlatjelwe iinthombe.

ISAMBULO 2:20 Iomraidhean Croise

1 AMAKHOSI 16:31

Wabona inga akukaneli ukudlhemadlhema eendleleni zokona kwakaJerobhowamu umsa kaNebathi, watjhada no-Izebeli indodakazi ka-Ethi-Bhali ikosi yamaTsidoni, bewakhamba alotjha uBhali wamkhothamela.

1 AMAKHOSI 17:13

U-Eliya wathi kuye: “Ungesabi. Khamba uye ekhaya ufese wenze njengombana utjhwile. Kodwana uthome ngokwenzela mina iqebelengwanyana ngalokho onakho ukulethe kimapha bese-ke uzenzela wena nomsanyanakho

1 AMAKHOSI 17:4

Uzakusela emlanjanenapho begodu ngilayele amagubulu bonyana akondle.”

2 AMAKHOSI 9:22

Lokha uJehoramu nakabona uJehu wabuza wathi: “Uze ngokuthula na, Jehu?” UJehu waphendula wathi: “Kungaba njani nokuthula nangabe ubungwadla nobuloyi bakanyoko u-Izebeli busarhagele kangaka?”

2 AMAKHOSI 9:7

Ufanele ubhubhise indlu ka-Arhabi ikosakho begodu ngizozibuyiselela ngeengazi zeenceku zami abaphorofidi nezazo zoke iinceku zami ezathululwa ngu-Izebeli.

U-EKSODUSI 34:15

Ningenzi isivumelwano nabahlali benarha le ngombana bazakuthi lokha nabadlhemadlhema ngemva kwabosingazimu babo babahlabele bese bayanimema bona nigome imihlabelwabo.

UHEZEKIYELI 13:17

“Nje-ke wena ndodana yomuntu, beka ubuso bakho emadodakazini wabantu bekhenu, aphorofida ngokwemicabangwawo; iye, phorofida ngokujamelana nawo.

IZENZO ZABAPOSTOLI 15:20

Endaweni yalokhu, asibatloleleni incwadi sibatjele bona batjhide emanyaleni weenthombe, batjhide ebungwadleni, bangadli isilwana esikghanyiweko kanye nobubende

IZENZO ZABAPOSTOLI 15:29

Tjhidani ekudleni okuhlatjelwe iinthombe, ekudleni ububende nokukghanyiweko, nitjhide nebungwadleni. Naningenzi izintwenzi, nizabe nenza kuhle. Salani kuhle.

1 KWEBEKORINTE 10:28

Kodwana nangabe omunye uthi kini: “Lokhu kuhlatjelwe abosingazimu,” ningabe nisakugoma ngebanga laloyo otjho njalo nangebanga lakanembeza,

ISAMBULO 2:14

Kodwana kukhona okungangiphathi kuhle ngawe: Kukhona abathileko hlangana nani ababambelele eemfundisweni zakaBhalamu, owafundisa uBhalaki bona abeke isikhubekiso phambi kwabakwa-Israyeli, kobana badle okuhlatjelwe iinthombe nokuziphatha ngobufebe.

ISAMBULO 2:4

Kodwana nginalokhu ngawe: Ulilahlile ithando lakho lokuthoma.