ISAMBULO 2:19 - IsiNdebele 2012 Translation

¹⁹ Ngiyayazi imisebenzakho, ithando nokukholwa kwakho, ukulotjha nokunyamezela kwakho nokuthi imisebenzakho idlula yokuthoma.

ISAMBULO 2:19 Iomraidhean Croise

UJOBHO 17:9

‘Olungileko unamathela endlelenakhe, nonezandla ezihlanzekileko uyandlondlobala.’

AMARHUBO 92:14

Bona batjalwe ngendlini kaSomnini, bahluma esirhodlweni sakaZimethu.

IZAGA 4:18

Umzila wabalungileko ufana nomkhanyo welanga: Ukusukela ekuphumeni kwalo, umkhanyo lo ukhanya ukuya ngokuya bekube semini.

ULUKASI 1:23

Kwathi bona kuphele isikhathi somsebenzakhe ngethempelini, wabuyela ekhaya.

UJWANISI 15:2

Ususa kimi yoke ipande engatheliko, kuthi leyo naleyo ipande ethelako ayihlunge khona izakuthela khulu.

KWEBEKOLOSE 3:14

Ngaphezu kwakho koke lokhu, zembathiseni ngethando lona elibopha koke ndawonye kuzwane.

1 KWEBETHESALONIKA 3:6

Kodwana uThimothi uqeda ukufika ubuya kini, usilethele iindaba ezimnandi mayelana nokukholwa kwenu kanye nethando lenu. Godu usitjele bona nihlala nisikhumbula ngokuhle begodu nihlulukela ukusibona njengombana nathi sihlulukela ukunibona.

2 KWEBETHESALONIKA 1:3

Bazalwana, sifanele sihlale simthokoza uZimu ngaso soke isikhathi ngani. Iye, kufanele senze njalo ngombana ukukholwa kwenu kuya kusanda nokuthandana kwenu noke kuyakhula.

1 UTHIMOTHI 1:5

Ihloso yomyalo lo lithando elivela ehliziyweni emhlophe nesazelweni esimsulwa kanye nekukholweni okungazenzisiko.

1 UPITROSI 4:8

Kikho koke lokhu, thandanani ngombana ithando lisibekela izono ezinengi.

2 UPITROSI 1:7

ekumesabeni uZimu ningezelele ukuzwana, ekuzwaneni ithando.

2 UPITROSI 3:18

Kodwana khulani emseni nelwazini leKosethu noMsindisi uJesu Krestu. Idumo alibe kuye gadesi bekube ngokungapheliko. Amen.

ISAMBULO 2:13

Ngiyakwazi lapho uhlala khona, iye, lapha uSathana ajamise khona isihlalo sakhe sobukhosi. Nokho ubambelele ebizweni lami begodu azange uphike ukukholwa kimi ngitjho nemihleni ka-Antiphasi, ufakazi wami othembekileko, owabulawelwa hlangana nani lapha uSathana aphila khona.

ISAMBULO 2:9

Ngiyabazi ubudisi nobuchaka bakho kodwana khisibe unjingile; ngazi nehlamba yalabo abathi bamaJuda bangasiwo kodwana balisinagogi lakaSathana.