ISAMBULO 2:14 - IsiNdebele 2012 Translation

¹⁴ Kodwana kukhona okungangiphathi kuhle ngawe: Kukhona abathileko hlangana nani ababambelele eemfundisweni zakaBhalamu, owafundisa uBhalaki bona abeke isikhubekiso phambi kwabakwa-Israyeli, kobana badle okuhlatjelwe iinthombe nokuziphatha ngobufebe.

ISAMBULO 2:14 Iomraidhean Croise

U-ISAYA 57:14

USomnini wathi: “Lelezani, lelezani, nilungise indlela! Susani iinliyo endleleni yabantu bami.”

UJOROMIYA 6:21

Ngalokho nakhu okutjhiwo nguSomnini: “Qalani, sele ngizokubeka iinliyo phambi kwabantwaba, iye, phambi kwaboyise nabantwana ngokufanako, woke umphakathi uzakubhubha.”

UHEZEKIYELI 3:20

Godu nakube olungileko ujika ekulungeni kwakhe enze okumbi bese ngibeka isiliyo phambi kwakhe, yena uzakufa. Ngebanga lokobana ungakhange umyelelise, mbala uzakufa ngenca yezono zakhe nezenzo zokulunga azenzileko angeze zisakhunjulwa; kodwana iingazi zakhe ngizazibiza esandleni sakho.

UHEZEKIYELI 44:12

Ngebanga lokobana asebenzela abantu phambi kwamanyalabo okubosingazimu bese abanga isikhubekiso secala endlini ka-Israyeli, ngalokho-ke ngaphakamisa isandla sami ngokujamelana nawo ukuze athwale icala lawo.’ Kutjho uSomnini uSomandla.

UNUMERI 24:14

Iye, ngiyagoduka-ke nje, ngiya ekhethu. Yizapha ngikulemukise bona abantwaba bazokwenzani ebantwini bakho ngomuso.”

UNUMERI 31:16

Yelelani la, laba ngibo abahlohlozelwa nguBhiliyamu bona babe sisifu kuma-Israyeli ukuze one ngokungathembeki kuSomnini endabeni yePewori. Ngalokho isifo sehlela emkhambathini kaSomnini.

UNUMERI 31:8

Labulala namakhosi amahlanu wakwaMidiyani okungu-Evi, uRekhemu, uTsuri, uRhuri noReba. Godu abulala noBhiliyamu umsa kaBhewori ngesabula.

UMATEWU 18:7

“Maye kilo iphasi ngebanga leenkhubekiso! Iinkhubekiso zizakulokhu zivela, kodwana maye emuntwini eziza ngaye!

IZENZO ZABAPOSTOLI 15:29

Tjhidani ekudleni okuhlatjelwe iinthombe, ekudleni ububende nokukghanyiweko, nitjhide nebungwadleni. Naningenzi izintwenzi, nizabe nenza kuhle. Salani kuhle.

IZENZO ZABAPOSTOLI 21:25

“Nakungabatjhili esele bamakholwa, sibathumele incwadi nesimiso sethu sokobana abatjhide kokuhlatjelwe abosingazimu, ebubendeni, kokukghanyiweko nebufebeni.”

KWEBEROMA 11:9

NoDavida uthi: “Itafula labo alibe sisifu nesirarejo, iye, isiqabo nesikhubekiso kibo!

KWEBEROMA 14:13

Nje-ke asiliseni ukugwebana, kodwana endaweni yalokho tjhugululani imikhumbulwenu, ningabeki isiqabo namkha isisitho endleleni yomfowenu.

KWEBEROMA 14:21

Kuhle ukuzigoba ungagomi inyama, ungaseli iwayini namkha ungenzi nanyana yini ezokubangela bona umzalwana wakho akhubeke.

KWEBEROMA 9:32

Ngebanga lani na? Ngebanga lokobana angazange akutjhabatjhekele ngokukholwa kodwana kwaba inga kungokwezenzo zawo. Akhutjwa elitjeni elisikhubekiso,

1 KWEBEKORINTE 1:23

nanyana kunjalo thina sitjhumayela uKrestu abethelwe esiphambanweni; okusiqabo emaJudeni nobudlhadlha kabatjhili,

1 KWEBEKORINTE 7:2

kodwana ngebanga lobufebe esele bandile, kuhle bona leyo naleyo ndoda ibe nomfazi wayo, nomfazi abe nendoda yakhe.

AMAHEBHERU 13:4

Ukuthathana akuhlonitjhwe ngibo boke, umseme ungasilaphazwa ngombana iinhlobongi neengwadla uZimu uzozigweba.

UJOTJHUWA 24:9

Yeke uBhalaki umsa kaTsiphori ikosi yakwaMowabi wavuka walwa no-Israyeli. Wathumela ilizwi wamema uBhiliyamu umsa kaBhewori kobana aninikelele.

1 UPITROSI 2:8

begodu “Lililitje elibakhubako, iye, ilitje elibawisako.” Bayakhubeka ngombana akhange balalele ilizwi njengombana bebajanyiselwe ukwenza.

2 UPITROSI 2:15

Batjhiye indlela enqophileko badurha, balandela indlela kaBhiliyamu umsa kaBhewori owathanda umvuzo wekohlakalo.

UJUDA 1:11

Maye kibo, ngombana bakhamba endleleni kaKayini; bagijimela ekudukeni kwakaBhalami ngenca yomvuzo begodu babhubha ekuhlubukeni kwakaKora.

ISAMBULO 2:20

Kodwana indabami ngawe kukobana unyamezelela umfazi okuthiwa nguJezebheli, ozibiza athi umphorofidi bona afundise iinsebenzi zami bona zenze ubufebe nokudla okuhlatjelwe iinthombe.

ISAMBULO 2:4

Kodwana nginalokhu ngawe: Ulilahlile ithando lakho lokuthoma.

ISAMBULO 21:8

Kodwana amatjhatjha, abangakholwako, abasilapheleko, ababulali, iinhlobongi, abenza imilingo, abalotjha abosingazimu nabo boke abaleya amanga isabelo sabo sizakuba selitsheni elivuthako lomlilo nesibabuli, okukukufa kwesibili.”

ISAMBULO 22:15

Ngaphandle kunezinja, abaloyi, iinhlobongi, ababulali, abalotjha iinthombe nabo boke abathanda nabenza ikohliso.