ISAMBULO 19:7 - IsiNdebele 2012 Translation

⁷ Asithokoze sithabe, siphakamise idumo lakhe ngombana ubukhazi beMvana sebufikile, umlobokazi wayo selazilungisile.

ISAMBULO 19:7 Iomraidhean Croise

AMARHUBO 107:42

Abaqotho bayakubona lokho bajabule; kodwana zoke iinkhohlakali zivala umlomo.

AMARHUBO 48:11

Njengebizo lakho Zimu, kunjalo ukudunyiswa kwakho: Kufikelela emikhawulweni yephasi. Isandla sakho sokudla sigcwele ukulunga!

AMARHUBO 9:14

Yiba nomusa kimi, Somnini! Yelela isizi lami engilibangelwe ngabangizondako! Nguwe ongihlenga emasangweni wokufa,

IZAGA 29:2

Abalungileko nabandako, abantu bayathaba; kodwana nakubusa isikhohlakali, abantu bayabubula.

INGOMA YEENGOMA 3:11

Phumani nina ntombi zeZiyoni, nibone ikosi uSolomoni ithwele isihlohlo, iye, isihlohlo eyasethweswa ngunina, mhlana ithathako, iye, mhlana ihliziywayo yeneme.

U-ISAYA 52:1

Vuka, vuka wena Ziyoni, zembathise amandla. Yembatha izambatho zakho zakanokutjho, wena Jerusalema, dorobho elicwengileko ngombana abatjhili nabangahlambulukiko angeze basangena kuwe godu.

U-ISAYA 62:5

Njengesokana nalithatha intombi, ngokunjalo amadodanakho azakuba baphathi bakho, njengomyeni nathabele umlobokazakhe, ngokunjalo uZimakho uzakuthaba ngawe.

U-ISAYA 66:10

Jekezelani neJerusalema, nilithabele noke nina enilithandako, lithokoziseni khulu noke nina enilila nalo,

U-ISAYA 66:14

Nizakubona nehliziywenu ithokoze amathambenu ahlume njengotjani.” Kuzakwaziwa bonyana isandla sakaSomnini sineenceku zakhe nokobana itukuthelwakhe ijamelene nezitha zakhe.

UZAKARIYA 9:9

Jekezela khulu wena ndodakazi yeZiyoni! Rhuwelela wena ndodakazi yeJerusalema! Qala, ikosakho iza kuwe, ilungile begodu iyahlula. Ithobekile begodu ikhwele udumbana, udumbana wamambala.

UMATEWU 1:20

Kwathi asakhumbula lokho, ingilozi kaSomnini yazibonakalisa kuye ebhudangweni yathi: “Josefa, sizukulwana sakaDavida, ungesabi ukuthatha uMariya abe mkakho ngombana lokho akubambileko kubuya kuMoya oCwengileko.

UMATEWU 22:2

“Umbuso wezulu ufana nekosi eyalungiselela indodanayo umnyanya womtjhado.

ULUKASI 12:36

njengamadoda alindele ikosawo kobana ibuye emnyanyeni womtjhado ukuze kuthi nayifikako, ikokoda, ayivulele umnyango msinyazana.

UJWANISI 3:29

Onomlobokazi umyeni; kodwana umngani womkhwenyani ojama amlalele, uyathaba nakezwa ilizwi lomkhwenyani. Yeke ithabo lami seliphelele.

2 KWEBEKORINTE 11:2

Nginetjhisakalo ngani, iye, nginetjhisakalo kaZimu ngombana nganendisa endodeni eyodwa, enguKrestu ukuze nginethule kuye nilitlawu lakotlawu.

KWEBE-EFESU 5:23

ngombana indoda iyihloko yomfazi, njengombana uKrestu ayihloko yebandla elimzimba wakhe begodu yena aMsindisi walo.

KWEBE-EFESU 5:32

Yifihlakalo ekulu le, kodwana ngikhuluma ngoKrestu nebandla.

UDUTERONOMI 32:43

Nina zizwe, thokozisani abantu bakaSomnini ngombana uzokubuyiselela iingazi zeenceku zakhe. Lokha nazibuyiselela ezitheni zakhe uzabe enzela abantu bakhe nenarhakhe itethelelo.

KWEBEFILIPI 3:3

Ngithi esisokileko, iye, thina esilotjha ngoMoya kaZimu. Sizikhakhazisa ngoKrestu Jesu, asinathemba enyameni,

ISAMBULO 11:13

Khonokho kwaba khona ukusikinyeka kwephasi bekwadilika kwetjhumi komuzi. Kwafa abantu abaziinkulungwana ezilikhomba ekusikinyekeni lokho; inengi lesaba beladumisa uZimu wezulwini.

ISAMBULO 19:9

Nje-ke ingilozi yathi kimi: “Tlola uthi babusisiwe labo abamenyelwe ebukhazini beMvana.” Begodu yangezelela ngokuthi: “La mamezwi wakaZimu aqinisileko.”

ISAMBULO 21:2

Ngabona umuzi ocwengileko, iJerusalema elitjha, lehla livela kuZimu ezulwini, lilungiswe njengomlobokazi aqobotjhelele umyeni wakhe.

ISAMBULO 21:9

Enye yeengilozi ezilikhomba eziphethe izitja ezilikhomba ezizele iinhlupheko ezilikhomba zokuphela, yeza kimi yafese yathi: “Yiza ngikutjengise umlobokazi, umkaMvana.”

1 USAMYELA 2:1

UHana wathandaza wathi: “Ihliziywami iyathaba kuSomnini, kuSomnini amandlami makhulu khulu. Ngihleka amanabami, iye, ngithatjiswa lisizo lakho.