ISAMBULO 19:6 - IsiNdebele 2012 Translation

⁶ Ngezwa godu ekungathi lilizwi lesiqubuthu esikhulu elihlokoma njengokurhuba kwamanzi amanengi nomdumo omkhulu wokuraramba lirhuwelela lisithi: “Haleluya! USomnini uZimethu, uMninimandlawoke uyabusa.

ISAMBULO 19:6 Iomraidhean Croise

UJOBHO 40:9

Unengalo enjengeyakaZimu na? Ungaduma ngephimbo elinjengelakhe na?

AMARHUBO 47:2

Wahlani izandla, noke nina zizwe! Hlokomelani uZimu ngamezwi wokuthaba.

AMARHUBO 47:7

Dumisani uZimu, dumisani! Iye, dumisani iKosethu, dumisani!

AMARHUBO 77:18

Amafu athulula amanzi, umphezulu wararamba, kwabenya imibanakho phasi phezulu.

AMARHUBO 93:1

USomnini uyabusa, wembethe iphazimulo; uvunule bewazithekeleza amandla! Ngalokho wanzinzisa iphasi, nje-ke angeze lanyakaziswa.

AMARHUBO 97:1

USomnini uyabusa; iphasi alijabule, iye, zoke iinarha ezingaphetjheya zithabe!

AMARHUBO 97:12

Thakasani kuSomnini nina abalungileko, nithokoze ibizo lakhe elicwengileko!

AMARHUBO 99:1

USomnini uyabusa, izizwe azithuthumele. Uhlezi phezu kwamakerubhi, iphasi alidengezele.

U-ISAYA 52:7

Maye zithandeka kangangani eentabeni iinyawo zaloyo oletha iindaba ezimnandi; omemezela ukuthula, iye, oletha iindaba ezimnandi, ngokumemezela isindiso, athi eZiyoni: “UZimakho uyabusa!”

UJOROMIYA 51:48

Yeke izulu nephasi nakho koke okukikho kuzakuhlokoma ngeBhabheli. Ngambala abarhayili balithelekela bavela ngetlhagwini.” Kutjho uSomnini.

UHEZEKIYELI 1:24

Lokha nazikhambako ngezwa itjhada leempiko elifana namanzi amanengi, iye, njengomdumo woSabekako nanjengomkhosi webutho. Nazijamako zehlisa iimpiko zazo.

UHEZEKIYELI 43:2

Qala, bekunephazimulo kaZimu wakwa-Israyeli ivela ngepumalanga. Ilizwi lakhe belinjengokuzwakala kwamanzi amanengi, inarha gade idarhile ngokukhanya kwephazimulwakhe.

UMATEWU 6:13

Ungasingenisi ekulingweni, kodwana yewusitjhaphulule kokumbi ngombana umbuso ungowakho, amandla nephazimulo ngokungapheliko. Amen.’

ISAMBULO 1:15

iinyawo zakhe ziphazima njengedzila etsengiswe ngemlilweni; ilizwi lakhe libhodla njengamanzi amanengi.

ISAMBULO 1:8

“Mina ngingu-Alfa no-Omega,” kutjho uSomnini uZimu, okhona nogade avele akhona nozako.

ISAMBULO 12:10

Yeke ngezwa ilizwi elikhulu ezulwini lisithi: “Nje-ke kufike isindiso, amandla nombuso kaZimethu; igunya lingelakaKrestu ngombana ummangaleli wabazalwana bethu wehliselwe phasi; iye, loyo obamangalela phambi kwakaZimu ubusuku nemini.

ISAMBULO 14:2

Ngezwa ilizwi livela ezulwini lihlokoma njengamanzi amanengi, lizwakala njengokuraramba kokuduma kwezulu okwesabekako. Ilizwi engalizwako lalinjengelababethi ababetha amaharibha.

ISAMBULO 19:1

Emva kwalokhu ngezwa ekungathi lilizwi lesiqubuthu esikhulu elihlokomako ezulwini lisithi: “Haleluya! Isindiso, iphazimulo namandla ngekwakaZimethu

ISAMBULO 19:4

Abaphathi abamatjhumi amabili nane neembunjwa ezine eziphilako zaguqa zalotjha uZimu onzinze esihlalweni sobukhosi zithi: “Amen! Haleluya!”

ISAMBULO 21:22

Azange ngalibona ithempeli hlangana nomuzi ngombana ithempeli lawo linguSomnini uZimu uMninimandlawoke neMvana.

ISAMBULO 4:5

Khona esihlalweni sobukhosi lapho kwabaneka imibani, kwezwakala umdumo neensaba zokuraramba. Phambi kwesihlalo sobukhosi leso kwavutha iimbani ezilikhomba ezimimoya elikhomba yakaZimu.

ISAMBULO 6:1

Nje-ke ngabona iMvana inamulula elinye lamaphawu alikhomba; ngezwa esinye seembunjwa ezine eziphilako sirhuwelela inga mdumo sithi: “Yewuze!”

ISAMBULO 8:5

Nje-ke ingilozi yathatha idengela yalizalisa ngomlilo we-aldarini, yawurhatjha ephasini; kwaba khona ukuduma nokuraramba, ukuphazima kombani nokusikinyeka kwephasi.