ISAMBULO 19:2 - IsiNdebele 2012 Translation

² ngombana ukugweba kwakhe kulungile bekumsulwa. Ugwebe ingwadla eyaziwako neyonakalise iphasi ngobungwadla bayo begodu iingazi zeenceku zakhe uzibuyiselele kiyo.”

ISAMBULO 19:2 Iomraidhean Croise

2 AMAKHOSI 9:7

Ufanele ubhubhise indlu ka-Arhabi ikosakho begodu ngizozibuyiselela ngeengazi zeenceku zami abaphorofidi nezazo zoke iinceku zami ezathululwa ngu-Izebeli.

AMARHUBO 19:9

Ifundiso kaSomnini ilungile, yenamisa ihliziyo. Imiyalo kaSomnini imsulwa, ikhanyisa amehlo.

U-ISAYA 25:1

Somnini, wena unguZimami, ngizakuphakamisa, ngidumise ibizo lakho ngombana wenze imikarisomraro, waphumelelisa amahlelo atlanywa ekadeni ngokwethembeka nangeqiniso:

UDANYELA 7:26

Kodwana abagwebi bazakuhlala ebandla bagwebe: Umbuswayo uzakususwa uthathwe, uqothulwe bewubhujiswe bekube sekupheleni.

UDUTERONOMI 32:35

Ukubuyiselela nokuhlomulisa kungokwami, ngesikhathi sakhona iinyawo zabo zizakutjhelela. Ngambala ilanga labo lehlekelele selitjhidele, iye, ilangelo libarhabile.”

UDUTERONOMI 32:4

Ulidwala, umsebenzakhe uphelele, iye, zoke iindlela zakhe zilungile. UnguZimu wokwethembeka, uZimu onganasiphambeko, umsulwa begodu uneqiniso.

UDUTERONOMI 32:43

Nina zizwe, thokozisani abantu bakaSomnini ngombana uzokubuyiselela iingazi zeenceku zakhe. Lokha nazibuyiselela ezitheni zakhe uzabe enzela abantu bakhe nenarhakhe itethelelo.

ISAMBULO 15:3

Bavuma irhubo lakaMosi inceku kaZimu kanye nerhubo leMvana, basithi: “Mikhulu iyababazeka imisebenzakho, wena Somnini Zimu Mninimandla! Zilungile begodu ziliqiniso iindlela zakho, wena Kosi yezizwe zoke.

ISAMBULO 18:20

Thabani ngokubhubha kwawo, nina mazulu, nani abacwengileko, abapostoli nabaphorofidi ngombana uZimu uwugwebile wanibuyiselela ngawo.”

ISAMBULO 18:3

Ngebanga lokobana zoke izizwe zisele iwayini elihlanyisako lobungwadla balo, amakhosi wephasi ahlobonge nalo, nabarhwebi bephasi banjingile ngomnotho wokutamasa kwalo.”

ISAMBULO 6:10

Barhuwelela bathi: “Somnini Somandla, wena ocwengileko noqinisileko, kuzabe kube nini ngaphambi kobana ugwebe begodu usibuyiselele ngeengazi zethu na?”