ISAMBULO 18:3 - IsiNdebele 2012 Translation

³ Ngebanga lokobana zoke izizwe zisele iwayini elihlanyisako lobungwadla balo, amakhosi wephasi ahlobonge nalo, nabarhwebi bephasi banjingile ngomnotho wokutamasa kwalo.”

ISAMBULO 18:3 Iomraidhean Croise

U-ISAYA 47:15

Mbala, banjengamawunguwungu kuwe abosomlingo bakho ebewusoloko ubaphikelele kusukela ebutjheni bakho. Omunye nomunye wabo uyona kakwenzako; akakho namunye ongakusindisa.”

UJOROMIYA 51:34

“UNebukadiretsari ikosi yeBhabheli ungirhiribidele wangiminyelela ngoma kere, wangifuthela phasi njengomjeka onganalitho. Ungiginye njengenyoka, wazalisa isisu sakhe ngomhlosi wami, wagcina ngokungikhafula.

UJOROMIYA 51:7

IBhabheli beliyikapho yegolide esandleni sakaSomnini, ladakisa loke iphasi. Izizwe zasela iwayinalo, nje-ke, ziyadlharuma.

ISILILO 4:5

Labo abakhe bagoma iinkhanakhana bagelagela eendledlaneni batlhaphile. Iye, labo ebebembatha ezibubende gadesi baphendla ezaleni.

UNARHUME 3:4

Koke lokhu kungebanga lobungwadla bengwadla, enejamo elilulubezako, umtjhotjhozeli wobuloyi, okhaphela izizwe ukuze azuze, akhaphele abantu ngobuloyi bakhe.

ULUKASI 7:25

Kanti beniyokubonani na? Umuntu owembethe izambatho zakanokutjho? Awa, abantu abembatha izambatho ezibizako bebahlale emnonweni bafunyanwa ngeengodlweni!

1 UTHIMOTHI 5:11

Kodwana abahlolokazi abasesebatjha ungabatlolisi erhelweni ngombana nasele iinkanuko zemizimba yabo ziba ngaphezu kokuzinikela kwabo kuKrestu, bazokufuna ukwenda.

ISAMBULO 14:8

Nje-ke enye ingilozi yesibili yalandela yathi: “Liwile, liwile iBhabheli elikhulu! Ngilo elenza bona zoke izizwe zisele iwayini lelaka lobungwadla balo!”

ISAMBULO 17:2

iye, leyo amakhosi wephasi agile nayo imikhuba yobungwadla, bekwathi ngewayini lobungwadla bayo kwadakwa abahlezi ephasini.”

ISAMBULO 18:19

Bazirhatjha ngethuli eenhloko zabo badazuluka balila bathi: “Maye! Maye kiwo umuzi omkhulu, okwathi boke ebebanemikhombi elwandle, banotha ngebanga lobunjinga bawo! Nge-awara linye sephenduke waba lirubhi.

ISAMBULO 18:23

Angekhe kusakhanya isibani kuwe; itjhada lokusina kwedwendwe angekhe lisezwakala kuwe; abarhwebi bakho bebaziinkhulu zephasi, begodu ngobuloyi bakho walutha zoke izizwe.

ISAMBULO 18:7

Njengokuzidumisa nokutamasa kwalo, linikeleni isilinganiso sehlupheko nesizi elingako ngombana lizitjela ehliziywenalo lithi, ‘Ngihlezi njengendlovukazi, angisuye umhlolokazi, begodu nesizi angekhe ngalibona!’

ISAMBULO 18:9

Amakhosi wephasi agade ahlobonga nalo begodu aphila nalo ngokutamasa, ayokulilela apongoloze ngalo lokha nakabona ukwenyuka kwentuthu yokutjha kwalo.