ISAMBULO 18:23 - IsiNdebele 2012 Translation

²³ Angekhe kusakhanya isibani kuwe; itjhada lokusina kwedwendwe angekhe lisezwakala kuwe; abarhwebi bakho bebaziinkhulu zephasi, begodu ngobuloyi bakho walutha zoke izizwe.

ISAMBULO 18:23 Iomraidhean Croise

2 AMAKHOSI 9:22

Lokha uJehoramu nakabona uJehu wabuza wathi: “Uze ngokuthula na, Jehu?” UJehu waphendula wathi: “Kungaba njani nokuthula nangabe ubungwadla nobuloyi bakanyoko u-Izebeli busarhagele kangaka?”

UJOBHO 21:17

kukangaki isibani sazo sicinywa na? Kukangaki zehlelwa yihlekelele ezifaneleko? Ingabe uZimu uyazabela ukubhujiswa etukuthelwenakhe na?

IZAGA 24:20

ngombana alikho ilingomuso kowenza okumbi nesibani seenkhohlakali siyacima.

U-ISAYA 23:8

Ngubani ohlele lokhu ngokujamelana neTirosi na? Idorobheli belimthwesi weenhlohlo, abarhwebi balo bekumakhosana nabathengisi balo bebabahlonitjhwa ephasini.

U-ISAYA 47:9

Kodwana izintwezi zizokwehlela zombili ngesikhatjhana, ngalanga linye. Iye, ukuloba abantwana nokuba mhlolokazi kuzakwehlela phezu kwakho ngamandla, phezu kobana unobuloyikazi obunengi namalumbo anamandla.

UJOROMIYA 16:9

Ngambala nakhu okutjhiwo nguSomnini, uMninimandlawoke, uZimu wakwa-Israyeli, ‘Emihlenenu, iye phambi kwenu, ngizakuphelisa amatjhada wethabo nokujabula kanye namaphimbo wabakhwenyana newabomalukazana endaweni le.’

UJOROMIYA 25:10

“Ngizakususa phakathi kwabo itjhada lokujabula nokujekezela, ilizwi lomkhwenyana nephimbo lomlobokazi, itjhada lamatje wokugaya kanye nomkhanyo wesibani.

UJOROMIYA 7:34

Ngizakuphelisa itjhada lokujabula nokuthaba, nephimbo lomlobokazi nomkhwenyana emadorobheni wakwaJuda neendledlaneni zeJerusalema ngombana inarha izabe inganamuntu.”

UNARHUME 3:4

Koke lokhu kungebanga lobungwadla bengwadla, enejamo elilulubezako, umtjhotjhozeli wobuloyi, okhaphela izizwe ukuze azuze, akhaphele abantu ngobuloyi bakhe.

IZENZO ZABAPOSTOLI 8:11

Bamnamathela ngombana gade sele abarare isikhathi eside ngemilingo yakhe.

ISAMBULO 12:9

Ngalokho waphoswa phasi unomrhaso omkhulu, inyoka endala ekuthiwa nguMtjoli noSathana, umkhohlisi wephasi loke; iye, waphoselwa ephasini neengilozi zakhe zalahlwa naye.

ISAMBULO 17:2

iye, leyo amakhosi wephasi agile nayo imikhuba yobungwadla, bekwathi ngewayini lobungwadla bayo kwadakwa abahlezi ephasini.”

ISAMBULO 17:5

Epandla yakhe bekunebizo elitlolwe ifihlo ethi: “Bhabheli elikulu, nina weengwadla namanyala wephasi.”

ISAMBULO 18:22

Umkenenezo wombethi weharibha nabakhaleli, wabavuthela iimfudu neempalapala, awusoze usazwakala kuwe nososino wananyana ngiliphi irhwebo, akasoze asafunyanwa kuwe; ngitjho itjhada elibangwa lilitje lokusila angekhe libuye godu lizwakale ngaphakathi kwakho.

ISAMBULO 18:3

Ngebanga lokobana zoke izizwe zisele iwayini elihlanyisako lobungwadla balo, amakhosi wephasi ahlobonge nalo, nabarhwebi bephasi banjingile ngomnotho wokutamasa kwalo.”

ISAMBULO 18:9

Amakhosi wephasi agade ahlobonga nalo begodu aphila nalo ngokutamasa, ayokulilela apongoloze ngalo lokha nakabona ukwenyuka kwentuthu yokutjha kwalo.

ISAMBULO 21:8

Kodwana amatjhatjha, abangakholwako, abasilapheleko, ababulali, iinhlobongi, abenza imilingo, abalotjha abosingazimu nabo boke abaleya amanga isabelo sabo sizakuba selitsheni elivuthako lomlilo nesibabuli, okukukufa kwesibili.”

ISAMBULO 22:15

Ngaphandle kunezinja, abaloyi, iinhlobongi, ababulali, abalotjha iinthombe nabo boke abathanda nabenza ikohliso.

ISAMBULO 22:5

Angeze kusabakhona ubusuku, abasadingi ukukhanya kwesibani nanyana kwelanga ngombana uZimu uSomnini uzokuba kukhanya kwabo, bazakubusa naye nini nanini.

ISAMBULO 6:15

Amakhosi wephasi, ababusi, iinkhulu, iinjinga neemphathimandla, omunye nomunye, olikhoboka nokhululekileko, bazifihla emarharheni naphakathi kwamadwala weentaba;

ISAMBULO 9:21

Begodu azange baphenduke ekubulaleni, ebuloyini, ekungwadleni nekwebeni kwabo.