ISAMBULO 18:2 - IsiNdebele 2012 Translation

² Yarhuwelela ngelizwi elikhulu yathi: “Liwile! Liwile iBhabheli elikhulu! Seliyindawo yokuhlala amadimoni, isikhungo sayo yoke imimoya esilapheleko, isikhungo seenyoni zoke ezisilapheleko, isikhungo sazo zoke iinbadana ezisilapheleko nezizondekileko.

ISAMBULO 18:2 Iomraidhean Croise

U-ISAYA 14:23

“Ngizayenza ibe sitete nendawo yokuhlala abogubudu. Ngizayithanyela ngomthanyelo orhayilako.” Watjho njalo uSomnini uMninimandlawoke.

UJOROMIYA 25:30

“Ngalokho wena Joromiya, uzakuphorofida kibo woke amezwi lawo begodu uthi kibo, “ ‘USomnini uzakubhodla asekuphakameni, akhulume ngelizwi lakhe asendawenakhe ecwengileko, uzakubhodla khulu ngokujamelana nomzakhe; arhuwelele njengalabo abagadanga amadiribe, ngokujamelana nabo boke abahlali bephasini,

UJOROMIYA 51:37

IBhabheli lizakuba siqorho samatje, idzaba leempungutjha, ibhudu nento yokurarekelwa, indawo engahlalwa mumuntu.

UJOROMIYA 51:8

IBhabheli lizakuwa msinyana belephuke. Lilileleni, lifunyaneleni intatha yobuhlungu balo, mhlamunye lingaphola.”

UJUWELI 3:16

USomnini uzakubhodla aseZiyoni, athuthumbise ngombani aseJerusalema; izulu nephasi zizakuthuthumela. Nokho uSomnini uzakuba lirholo labantu bakhe, abe siphephelo sabantu bakwa-Israyeli.

UZEFANIYA 2:14

Imihlambi yeembandana izakulala phasi khonapho, iye, imifunda ngemifunda. Ebusuku iinrhulurhulu zizakulinda eentlhorini zeensika. Ukulila kwazo kuzakuzwakala eentunjeni zemithangala. Amagubulu azakurhwarhwaza emibunjwaneni yeminyango ngombana uSomnini ubhuruze imisedari yedorobho.

ISAMBULO 1:15

iinyawo zakhe ziphazima njengedzila etsengiswe ngemlilweni; ilizwi lakhe libhodla njengamanzi amanengi.

ISAMBULO 10:3

Yarhuwelela ngelizwi elikhulu elizwakala njengokubhodla kwebhubezi. Kuthe nayirhuwelelako, kwezwakala imidumo elikhomba.

ISAMBULO 11:8

Iindumbu zabo ziyokurabhalala eendleleni zomuzi omkhulu obizwa ngokwesiphorofido bona yiSodoma neGibhide, lapha godu neKosi yabo yabethelwa khona.

ISAMBULO 14:15

Kwavela enye ingilozi ngethempelini irhuwelela loyo ohlezi phezu kwelifu isithi: “Khupha isegere yakho uvune ngombana isikhathi sokuvuna sifikile nesivuno sephasi sesivuthiwe.”

ISAMBULO 14:8

Nje-ke enye ingilozi yesibili yalandela yathi: “Liwile, liwile iBhabheli elikhulu! Ngilo elenza bona zoke izizwe zisele iwayini lelaka lobungwadla balo!”

ISAMBULO 16:13

Ngabona imimoya emithathu esilapheleko efana neenrhwarhwa iphuma ngemlonyeni wakanomrhaso nangemlonyeni wesibanda godu nangemlonyeni womphorofidi wamanga.

ISAMBULO 16:19

Umuzi omkhulu waphadlhuka iingcenye ezintathu nemizi yezizwe yawa. UZimu wakhumbula iBhabheli elikhulu, walinikela iwayini lelaka lobukhali bakhe.

ISAMBULO 17:18

“Umfazi ombonileko umumuzi omkhulu obusa ngaphezu kwamakhosi wephasi.”

ISAMBULO 17:5

Epandla yakhe bekunebizo elitlolwe ifihlo ethi: “Bhabheli elikulu, nina weengwadla namanyala wephasi.”

ISAMBULO 18:10

Azakujama buqamamana ngokwesaba ukuhlunguphazwa kwalo athi: “Maye, maye kuwe, muzi omkhulu, Bhabheli muzi onamandla! Ukugwetjhwa kwakho kukufikele nge-awara linye.”

ISAMBULO 18:21

Yeke ingilozi enamandla yadobha ilitje elinjengelokusila yaliphosa ngelwandle, yathi: “Ngiyo-ke le indlela iBhabheli, umuzi omkhulu eliyokuphoswa ngayo phasi, lingabe lisabonwa godu.

ISAMBULO 5:2

Ngabese ngibona ingilozi enamandla imemezela ngelizwi elikhulu ithi: “Ngubani ofanele ukunamulula amaphawu alikhomba abe avule umsongo na?”