ISAMBULO 18:15 - IsiNdebele 2012 Translation

¹⁵ Abarhwebi abathengisa ipahla leyo bebazuza umnotho kilo, bazakujamela buqamamana ngokwesaba ukuhlunguphazwa kwalo, bazakulila barhahlawule,

ISAMBULO 18:15 Iomraidhean Croise

UHEZEKIYELI 27:31

Baguda ihloko ngebanga lakho, bembathe izambatho zesililo. Balila ngawe ngomphefumulo olisizi nangesililo esimunyu.

UZAKARIYA 11:5

Abathengi bazo bazihlaba bebangazizwela umlandu. Labo abazithengisako bathi, ‘Akathokozwe uSomnini, uthi nginjingile na!’ Nabelusi bazo abe abanasirhawu nazo.

UMARKOSI 11:17

Wabafundisa wathi kibo: “Angithi kutloliwe kwathiwa, ‘Indlwami izakubizwa bona yindlu yokuthandaza yezizwe zoke.’? Kodwana nina niyenze irharha labahlanguli.”

IZENZO ZABAPOSTOLI 16:19

Kuthe bona abaninilo babone bona ithuba lokwenza imali ngalo alisekho, babamba uPowula noSilasi babadosela etatawini kobana baqalane nabomthetho.

ISAMBULO 18:12

ipahla yegolide, isiliva, ubuphaziphazi namatje aligugu, amatjhila amahle, abubende, asilika natlerebede, iinhlobohlobo zekhuni elinamakha, zoke iimpahla zezinyo lendlovu, iimpahla zesigodo esibizako, ikoporo, isimbi namamabula,

ISAMBULO 18:13

isinamoni, ezinye iinungo, itjhwalo, iimonyo, iwayini, namafutha we-oliva, ipuphu yekoroyi nokuziintoro, iinkomo nezimvu, iinjomani neenkarana, amakhoboka namaphilo wabantu.

ISAMBULO 18:14

“Isithelo ogade usikhanukela sisukile kuwe. Woke umnotho wakho nobuphaziphazi bakho, kuphelile kuwe. Angekhe kusafunyanwa.”

ISAMBULO 18:19

Bazirhatjha ngethuli eenhloko zabo badazuluka balila bathi: “Maye! Maye kiwo umuzi omkhulu, okwathi boke ebebanemikhombi elwandle, banotha ngebanga lobunjinga bawo! Nge-awara linye sephenduke waba lirubhi.

ISAMBULO 18:3

Ngebanga lokobana zoke izizwe zisele iwayini elihlanyisako lobungwadla balo, amakhosi wephasi ahlobonge nalo, nabarhwebi bephasi banjingile ngomnotho wokutamasa kwalo.”