ISAMBULO 15:5 - IsiNdebele 2012 Translation

⁵ Ngemva kwalokho ngaqala, ngabona ithempeli elilitende lobufakazi ezulwini livulekile.

ISAMBULO 15:5 Iomraidhean Croise

U-EKSODUSI 25:21

Ufake ubufakazi besivumelwano engizakunikela bona ngaphakathi komfaji bese uvala umfaji ngesisibekelo.

U-EKSODUSI 38:21

Ngomyalo kaMosi amaLevi atlola isibalo seentlabagelo ezasetjenziswa mayelana nethaberinakeli okutjho itende lapha bekufakwe khona ubufakazi. AmaLevi lawo gade arholwa ngu-Itamara umsa ka-Aroni umphristi omkhulu.

UNUMERI 1:50

Kodwana beka amaLevi bona aphathe ithaberinakeli lobufakazi, ipahlalo kanye nakho koke kwalo. Wona kufuze athwale ithaberinakeli nepahlalo yoke begodu aleluse. Akakhe amatendawo magegana nalo.

UNUMERI 1:53

amaLevi wona akahlome amatendawo magegana nethaberinakeli lobufakazi ukuze ilaka lami lingavutheli emkhambathini wama-Israyeli. MaLevi azakulawula ethaberinakelini lobufakazi.”

UMATEWU 27:51

Khonokho irharideni lethempeli latlebhuka phakathi, ukuthoma phezulu ukuya phasi. Iphasi lasikinyeka, kwaphadlhuka amadwala.

AMAHEBHERU 8:5

Bona balotjha endaweni emfanekiso nesithunzi salokho okusezulwini. Kungakho uMosi ngesikhathi azakwakha itende lesivumelwano, wayalwa kwathiwa: “Qinisekisa bonyana wenza koke lokhu ngomfanekiso owakhonjiswa wona entabeni.”

ISAMBULO 11:19

Ithempeli lakaZimu ezulwini lavuleka petle, kwabonakala i-aldari lesivumelwano lingethempelinapho; begodu bekukhona ukubaneka kwemibani, ukuraramba, ukutletlebula kokuduma kwezulu, ukusikinyeka kwephasi kanye namagidija wesinanja.

ISAMBULO 13:6

Savula umlomo waso sakhuluma iinhlamba kuZimu, sithuka ibizo nethaberinakeli lakhe kanye nalabo abahlala ezulwini.