ISAMBULO 15:3 - IsiNdebele 2012 Translation

³ Bavuma irhubo lakaMosi inceku kaZimu kanye nerhubo leMvana, basithi: “Mikhulu iyababazeka imisebenzakho, wena Somnini Zimu Mninimandla! Zilungile begodu ziliqiniso iindlela zakho, wena Kosi yezizwe zoke.

ISAMBULO 15:3 Iomraidhean Croise

UGENESISI 17:1

Kuthe u-Abramu naneminyaka ematjhumi alithoba nethoba, uSomnini wabonakala kuye wathi: “NginguZimu oSabekako, nawukhamba nami uzakuba msulwa.

1 IINKRONIKE 6:49

Kodwana u-Aroni neenzukulwana zakhe bebaqalene nomsebenzi we-aldari lokutjhisa imihlabelo kanye ne-aldari lokutjhisa itjhwalo. Godu gade baqalene nomsebenzi wendawo ecwenge khulu nokwenzela u-Israyeli itethelelo kuZimu ngokuya ngendlela uMosi inceku kaZimu agade ayale ngayo.

2 IINKRONIKE 24:6

Ngebangelo ikosi yabiza uJehoyada umphristi omkhulu yathi kuye: “Kungebanga lani ungazange ugandelele amaLevi bonyana alethe kwaJuda neJerusalema umnikelo owasungulwa nguMosi inceku kaSomnini nowanikelwa yihlangano yakwa-Israyeli ethaberinakelini lakaSomnini na?”

UNERHEMIYA 9:14

Wabazisa iSabatha lakho elicwengileko, wabayala ngemiyalo, ngeemiso nangomthetho ngencekwakho uMosi.

UJOBHO 36:24

“Khumbula ukudumisa imisebenzakhe, abantu ababhina ngayo.

UJOBHO 5:9

Nguye ongumenzi wokukhulu nokungahlathululekiko okuzizinto ezimkariso nezinganasibalo:

AMARHUBO 100:5

Mbala, uSomnini ulungile, ukwethembeka kwakhe kujame isiphelani nobuqotho bakhe iinzukulwana ngeenzukulwana.

AMARHUBO 105:5

Khumbulani iimangaliso zakhe azenzileko, imikarisomraro nemithetho ayikhulumileko,

AMARHUBO 111:2

Mikhulu imisebenzi kaSomnini, iphenywa ngibo boke abayijabulelako.

AMARHUBO 111:7

Imisebenzi yezandla zakhe ithembekile begodu ilungile; yoke ifundiswakhe iliqiniso.

AMARHUBO 139:14

Ngiyakudumisa ngesimangaliso esesabekako sokuba khona kwami! Iye, imisebenzakho iyamangalisa; lokho ngikwazi kuhle khulu!

AMARHUBO 145:17

USomnini ulungile eendleleni zakhe zoke, unesisa kikho koke akwenzako.

AMARHUBO 145:6

Abantu bazakumemezela amandla wokwesabeka kwakho; nami ngizakufakaza ubukhulu bakho.

AMARHUBO 18:30

Ngesizo lakho ngingathelekela ibutho, ngoZimami ngingeqa umthangala wedorobho.

AMARHUBO 78:12

Wenza iimangaliso phambi kwaboyisemkhulu enarheni yeGibhide, emmangweni weTsowana.

AMARHUBO 92:5

Ngambala, ungithokozisile ngomsebenzakho, Somnini, ngezenzo zezandla zakho ngizakuhlokoma.

AMARHUBO 99:4

Somnini onamandla, mthandi wobulungiswa, wena wabeka ukuhleleka, wenza ubulungiswa nokulunga kwaJakopo.

U-ISAYA 33:22

Mbala, Somnini umugwebethu; uSomnini umubusethu; uSomnini uyikosethu; yena uzasisindisa.

U-ISAYA 45:21

Yenisibikele, nibeke iinqiniseko; iye, hlanganisani iinhloko nithathe isiqunto: Ngubani kanti owabika lokho phambilini? Ngubani owakumemezela kade na? Akusimi lo, mina Somnini na? Kambe akakho omunye uZimu ngaphandle kwami; iye, uZimu olungileko nosindisako. Mbala, akakho omunye ngaphandle kwami.

UDANYELA 6:20

Kuthe nasele itjhidele emgodini lapha uDanyela agade akhona, yarhuwelela ngelizwi lokutlhuwa yathi kuDanyela: “Danyela, nceku kaZimu ophilako! Ingabe uZimakho omlotjha mlibe ukusindisile emabhubezini na?”

UDANYELA 9:11

U-Israyeli woke uphambukile emthethwenakho waphendukela eqadi, wala ukulalela ilizwi lakho. Nje-ke, amanikelela nesifungo esitlolwe emthethweni kaMosi inceku kaZimu, kwehliselwe phezu kwethu ngebanga lokobana sonile kuwe.

UHOSIYA 14:9

Ohlakaniphileko uzayihlatha ikulumo le, onengqondo uzakulemuka; ngombana iindlela zakaSomnini zinqophile. Abalungileko bakhamba kizo, kodwana abaphika ikani ziyabarareja.

UMIKHA 7:20

Uzakuba ngoqinisileko kuJakopo nothembekileko ku-Abrahamu, njengombana wafunga kibobaba ekadeni.

UZEFANIYA 3:5

Nanyana uSomnini olungileko angaphakathi kwedorobheli; kunganabumbi abenzako, ngamasa angahluleki, abonakalisa ukulunga kwakhe imihla ngemihla; kodwana khonapho iinkhohlakali abe azinanhloni.

UZAKARIYA 9:9

Jekezela khulu wena ndodakazi yeZiyoni! Rhuwelela wena ndodakazi yeJerusalema! Qala, ikosakho iza kuwe, ilungile begodu iyahlula. Ithobekile begodu ikhwele udumbana, udumbana wamambala.

UJWANISI 1:17

Umthetho weza ngoMosi, kodwana umusa neqiniso kweza ngoJesu Krestu.

UDUTERONOMI 31:30

UMosi wakhuluma amezwi wengoma le eendlebeni zomkhambathi woke wama-Israyeli, bekwafika ekugcineni.

UDUTERONOMI 32:3

Ngambala ngizakumemezela ibizo lakaSomnini; nje-ke, dumisani ubukhulu bakaZimethu!

UDUTERONOMI 34:5

Yeke uMosi inceku kaSomnini wahlongakalela lapho enarheni yakwaMowabi ukuya ngelizwi lakaSomnini.

1 UTHIMOTHI 1:17

Kiyo iKosi yesiphelani, engasoze yafa, engabonwako, enguZimu yedwa, akube lidumo nephazimulo nini nanini. Amen.

AMAHEBHERU 3:5

UMosi bekathembeke njengenceku kiyo yoke indlu yakaZimu bekube bufakazi balokho ebekuzakukhulunywa ngakho esikhathini esizako.

UJOTJHUWA 22:5

Tjhejani bonyana nigcina kuhle umyalo nomthetho uMosi inceku kaSomnini aniyale ngawo kobana nikhathalele uSomnini uZimenu. Nikhambe kizo zoke iindlela zakhe nigcine imiyalwakhe bese nikakarela kuye nimlotjhe ngeenhliziyo ezipheleleko nangemiphefumulwenu yoke.”

ISAMBULO 1:8

“Mina ngingu-Alfa no-Omega,” kutjho uSomnini uZimu, okhona nogade avele akhona nozako.

ISAMBULO 11:17

bathi: “Siyakuthokoza Somnini, Zimu Mninimandlawoke, wena okhona nogade uvele ukhona, iye, siyakuthokoza ngombana uthethe amandlakho amakhulu, uthomile uyabusa.

ISAMBULO 14:3

Bebavuma ingoma etja phambi kwesihlalo sobukhosi naphambi kweembunjwa ezine eziphilako nabaphathi. Gade angekho obekangafunda ingoma leyo ngaphandle kwalabo abaziinkulungwana ezilikhulu namatjhumi amane nane ebebahlengwe ephasini.

ISAMBULO 14:8

Nje-ke enye ingilozi yesibili yalandela yathi: “Liwile, liwile iBhabheli elikhulu! Ngilo elenza bona zoke izizwe zisele iwayini lelaka lobungwadla balo!”

ISAMBULO 17:14

Azokulwa neMvana kodwana iMvana yona izawahlula ngombana iyiKosi yamakhosi noMbusi wababusi; nalabo abangakiyo ngababiziweko, abakhethiweko nabathembekileko.”

ISAMBULO 19:16

Esambathweni sakhe nenyonga yakhe kutlolwe ngokugobhodlhwa ibizo elithi: “IKosi yamakhosi noMbusi wababusi.”

ISAMBULO 19:2

ngombana ukugweba kwakhe kulungile bekumsulwa. Ugwebe ingwadla eyaziwako neyonakalise iphasi ngobungwadla bayo begodu iingazi zeenceku zakhe uzibuyiselele kiyo.”

ISAMBULO 4:8

Iimbunjwa ezine lezi bezineempiko ezisithandathu ngasinye, zembethwe mamehlo ngaphakathi nangaphandle. Bezingaqedi ukurhuba imini nobusuku zithi: “Ucwengile, ucwengile, ucwengile, uSomnini uZimu uMninimandlawoke, obekavele akhona, okhona nozako!”