ISAMBULO 15:2 - IsiNdebele 2012 Translation

² Ngabona lokho okwabonakala sengathi lilwandle lerhalasi livangene nomlilo nalabo ebebahlule isibandananomfanekiso waso kanye nesibalo sebizo laso. Bebajame eduze nelwandle lerhalasi baphethe amaharibha abawanikelwe nguZimu ezandleni zabo.

ISAMBULO 15:2 Iomraidhean Croise

UMATEWU 3:11

Nginibhabhadisa ngamanzi malungana nokuphenduka, kodwana emva kwami kuzokuza onamandla khulu kunami, engingasililitho bonyana ngingathinta amapatlagwanakhe. Yena-ke uzonibhabhadisa ngoMoya oCwengileko nangomlilo.

1 UPITROSI 1:7

ukuze kuthi iqiniso lokukholwa kwenu okuligugu kunegolide elibhubhako, nakuzizinywa ngomlilo, kuveze idumo, iphazimulo nokuhlonitjhwa lokha uJesu nakembulwako.

1 UPITROSI 4:12

Bazalwana, ningarareki ngokulingwa okubuhlungu kangaka enikuzwako, kube sengathi nehlelwa ziziga.

ISAMBULO 12:11

Bona bamhlula ngeengazi zeMvana nangelizwi lobufakazi babo begodu akhange banconcosele ipilo yabo bekwaba sekufeni.

ISAMBULO 13:1

Ngabona isibandana senyuka siphuma elwandle, sineempondo ezilitjhumi neenhloko ezilikhomba. Phezu kweempondo zaso lezo bekuneenhlohlo ezilitjhumi kuthi phezu kweenhloko kube namagama weenhlamba.

ISAMBULO 13:14

Begodu ngeembonakaliso esaphiwa bona sizenze phambi kwesibanda sokuthoma, sakhohlisa abakhileko ephasini. Sabatjela bona babumbe isithombesibunjwa sesibanda ebegade sinengozi yesabula, kodwana nokho sabuye saphila.

ISAMBULO 13:17

ukuze kungabikhona ongathenga namkha athengise nakanganalo iphawu, okutjho ibizo lesibanda namkha isibalo sebizo laso.

ISAMBULO 21:18

Umthangala wakhiwe ngejasiperi, khisibe umuzi wakhiwe ngegolidembala, udarhe njengerhalasi.

ISAMBULO 4:6

Godu phambi kwesihlalo sobukhosi bekunokuthileko okuqaleka inga lilwandle lerhalasi, kudarhe njengekristali. Esihlalweni sobukhosi mazombe nangemahlangothini woke waso kukhona iimbunjwa ezine eziphilako, zigcwele amehlo ngaphambili nangemuva.

ISAMBULO 5:8

Kuthe bona iwuthathe, iimbunjwa ezine eziphilako nabaphathi abamatjhumi amabili nane baguqa phambi kweMvana, omunye nomunye aphethe iharibha nezitja zegolide zizele itjhwalo, okumithandazo yabacwengileko.