ISAMBULO 14:3 - IsiNdebele 2012 Translation

³ Bebavuma ingoma etja phambi kwesihlalo sobukhosi naphambi kweembunjwa ezine eziphilako nabaphathi. Gade angekho obekangafunda ingoma leyo ngaphandle kwalabo abaziinkulungwana ezilikhulu namatjhumi amane nane ebebahlengwe ephasini.

ISAMBULO 14:3 Iomraidhean Croise

AMARHUBO 144:9

Ngizakuvuma ingoma etja kuwe Zimu; ngikubethele iharibha leenara ezilitjhumi!

AMARHUBO 149:1

Haleluya! Vumani ingoma etja kuSomnini, idumo lakhe ehlanganweni yabathembekileko.

AMARHUBO 25:14

USomnini wenza isikhozi nabamesabako, azise isivumelwano sakhe kibo.

AMARHUBO 33:3

Mrhubeleni ingoma etja, niyibethe kuhle ngeenara, nihlokome!

AMARHUBO 40:3

Wangikhupha ngemgodini wokufa, iye, edakeni elimodzako; wajamisa iinyawo zami edwaleni, wangikhambisa endaweni eqinileko.

AMARHUBO 96:1

Vumani ingoma etja kuSomnini; iphasi loke alivumele uSomnini!

AMARHUBO 98:1

Irhubo. Vumani ingoma etja kuSomnini ngombana wenze iimangaliso. Isidla sakhe nengalwakhe ecwengileko kumlethele ukuhlula.

U-ISAYA 42:10

Vumani ingoma etja kuSomnini neembongo zakhe kusuka epelazwe, nina enithaya elwandle nakwezalo, nina nhlengele nani enihlala lapho.

1 KWEBEKORINTE 1:18

Umlayezo wesiphambano ubudlhadlha kilabo ababhubhako, kodwana kithi esisindiswako umamandla kaZimu.

1 KWEBEKORINTE 2:14

Umuntu onganaMoya akamukeli izinto ezivela kuMoya kaZimu ngombana zibudlhadlha kuye. Angeze azizwisise ngombana zizwisiswa ngokukaMoya.

ISAMBULO 14:1

Nje-ke ngaphakamisa amehlo, qala naso iMvana ijame entabeni iZiyoni; beyikanye neenkulungwana ezilikhulu namatjhumi amane nane zalabo ebebatlolwe ibizo layo nelakaYise eempandla zabo.

ISAMBULO 15:3

Bavuma irhubo lakaMosi inceku kaZimu kanye nerhubo leMvana, basithi: “Mikhulu iyababazeka imisebenzakho, wena Somnini Zimu Mninimandla! Zilungile begodu ziliqiniso iindlela zakho, wena Kosi yezizwe zoke.

ISAMBULO 2:17

“Onendlebe akezwe lokho uMoya akutjhoko emabandleni. “Ohlulako ngizomupha imana ethukusiweko; ngimnikele ilitje elimhlophe ekutlolwe kilo ibizo elitjha elingaziwa mumuntu ngaphandle kwaloyo olamukelako.”

ISAMBULO 5:9

Zavuma irhubo elitjha zathi: “Ufanele wena ukuthatha umsongo, unamulule amaphawu ngombana gade uhlatjiwe, ngeengazi zakho wahlengela uZimu abacwengileko abavela kenye nenye ikoro, ilimi, abantu nesizwe,

ISAMBULO 7:4

Godu ngezwa isibalo salabo abagitjwa ngephawu, bebaziinkulungwana ezilikhulu namatjhumi amane nane bagitjwe ekorweni enye nenye yabantu bakwa-Israyeli: