ISAMBULO 14:2 - IsiNdebele 2012 Translation

² Ngezwa ilizwi livela ezulwini lihlokoma njengamanzi amanengi, lizwakala njengokuraramba kokuduma kwezulu okwesabekako. Ilizwi engalizwako lalinjengelababethi ababetha amaharibha.

ISAMBULO 14:2 Iomraidhean Croise

2 USAMYELA 6:5

UDavida nendlu yoke yakwa-Israyeli bebathabile phambi kwakaSomnini, bancinza imihlobohlobo yamaharibha eyenziwe ngesigodo somsayipurusi, balilisa abosotjherere, amafahlawana neewahlo.

2 IINKRONIKE 20:28

Angena eJerusalema aya ethempelini lakaSomnini abetha imihlobohlobo yamaharibha kanye neemporompita.

AMARHUBO 147:7

Vumelani uSomnini ngokuthokoza, nikhalelele uZimethu ngeharibhana!

AMARHUBO 149:3

Abadumise ibizo lakaZimabo ngokugida, bamlilisele abosotjherere namaharibhana.

AMARHUBO 33:2

Dumisani uSomnini ngeharibhana, nimbethele iharibha leenara ezilitjhumi!

AMARHUBO 43:4

ukuze ngiye e-aldarini lakaZimu, iye, kuZimu wokuhlokoma kwami. Nje-ke ngizakudumisa ngeharibha, wena Zimu onguZimami.

AMARHUBO 57:8

Zimu, ihliziywami inzinzile, iye, ihliziywami inzinzile; ngizakuvuma, ngidumise.

AMARHUBO 92:3

ukumemezela ukwethembeka kwakho ekuseni nobuqotho bakho ebusuku,

AMARHUBO 93:4

Kodwana ngaphezu kwetjhada lamanzi amanengi, iye, itjhada lamadlambi welwandle anamandla, kunoSomnini phezulu onamandla.

AMARHUBO 98:5

Rhubelani uSomnini ngeharibhana, iye, ngeharibha nomvumo.

U-EKSODUSI 19:16

Ngokusa kwelanga lesithathu kwaba nemidumo nemibani, kwaqubuka ilifu elinzima entabeni. Kwaba netjhada elikhulu elizwakala njengelepalapala. Boke abantu egade basekampeni bathuthumela.

U-EKSODUSI 20:18

Boke abantu bezwa imidumo netjhada lepalapala begodu babona imibani nentuthu ethunya entabeni. Kwathi nababona lokho besaba, bathuthumela. Nje-ke bajamela kujana,

U-ISAYA 17:13

Iye, izizwe zihlokoma njengokuhlokoma kwamanzi amanengi, kodwana uZimu uzazikhalima zibaleke ziye kude, zibe njengomungu ophetjhulwa mumoya eentabeni nekhula elomileko eligedwa siwuruwuru.

UHEZEKIYELI 43:2

Qala, bekunephazimulo kaZimu wakwa-Israyeli ivela ngepumalanga. Ilizwi lakhe belinjengokuzwakala kwamanzi amanengi, inarha gade idarhile ngokukhanya kwephazimulwakhe.

UZAKARIYA 9:14

USomnini uzakuvela ngehla kwabo, umsubela wakhe uzakusubela njengombani; uSomnini uSomandla uzakuvuthela ipalapala eze ngesivunguvungu sangesewula.

1 KWEBEKORINTE 13:1

Nanyana ngingakhuluma ngamalimi wabantu namkha weengilozi, kodwana nginganathando, sengifana nekoporo ebanga itjhada namkha isimbi elilako.

ISAMBULO 1:10

BengikuMoya ngelanga leKosi; ngezwa ilizwi elikhulu lihlokoma njengeporompita ngemva kwami,

ISAMBULO 1:15

iinyawo zakhe ziphazima njengedzila etsengiswe ngemlilweni; ilizwi lakhe libhodla njengamanzi amanengi.

ISAMBULO 11:12

Bezwa ilizwi livela ezulwini lisithi kibo: “Yenyukani nize lapha!” Benyukela-ke ezulwini ngelifu amanaba wabo abaqalile.

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 15:2

Ngabona lokho okwabonakala sengathi lilwandle lerhalasi livangene nomlilo nalabo ebebahlule isibandananomfanekiso waso kanye nesibalo sebizo laso. Bebajame eduze nelwandle lerhalasi baphethe amaharibha abawanikelwe nguZimu ezandleni zabo.

ISAMBULO 18:22

Umkenenezo wombethi weharibha nabakhaleli, wabavuthela iimfudu neempalapala, awusoze usazwakala kuwe nososino wananyana ngiliphi irhwebo, akasoze asafunyanwa kuwe; ngitjho itjhada elibangwa lilitje lokusila angekhe libuye godu lizwakale ngaphakathi kwakho.

ISAMBULO 5:8

Kuthe bona iwuthathe, iimbunjwa ezine eziphilako nabaphathi abamatjhumi amabili nane baguqa phambi kweMvana, omunye nomunye aphethe iharibha nezitja zegolide zizele itjhwalo, okumithandazo yabacwengileko.

ISAMBULO 6:1

Nje-ke ngabona iMvana inamulula elinye lamaphawu alikhomba; ngezwa esinye seembunjwa ezine eziphilako sirhuwelela inga mdumo sithi: “Yewuze!”

ISAMBULO 8:7

Ingilozi yokuthoma yavuthela iporompita yayo, kwaba khona isinanja nomlilo kuvangene neengazi, kwathululelwa phezu kwephasi. Ingcenye yesithathu yephasi yatjhiswa; godu nengcenye yesithathu yemithi nakho koke okubutjani kwatjha kwalotha.