ISAMBULO 14:15 - IsiNdebele 2012 Translation

¹⁵ Kwavela enye ingilozi ngethempelini irhuwelela loyo ohlezi phezu kwelifu isithi: “Khupha isegere yakho uvune ngombana isikhathi sokuvuna sifikile nesivuno sephasi sesivuthiwe.”

ISAMBULO 14:15 Iomraidhean Croise

UGENESISI 15:6

U-Abramu wakholwa uSomnini. Yena wambalela bona uqotho.

U-ISAYA 62:1

Ngebanga leZiyoni angeze ngathula, ngebanga leJerusalema angeze ngavala phetjheya, kufikela lapha ukulunga kwayo kukhanya khona njengokusa nesindiswayo ibe njengesihlothi esivuthako.

UJOROMIYA 51:33

Mbala, nakhu okutjhiwo nguSomnini uMninimandlawoke, uZimu wakwa-Israyeli: “Indodakazi yeBhabheli ifana neselelo lokha nasigangadelweko, isikhathi sokuvuna sizakufika msinyana.”

UJUWELI 3:13

Fakani isegere ngombana isivuno sivuthiwe! Yizani nizokugaya abantwaba njengamabele. Ngibasuthi ngobukhohlakali babo, obuphuphuma njengotjwala emarhabheni!”

UMATEWU 13:30

Lisani kukhule kokubili njalo ndawonye bekube sikhathi sokuvuna. Ngesikhatheso ngizakutjela abavuni ngithi: Thomani ngokubuthelela ikhula bese nilibopha libe ziinyanda kobana liyokutjhiswa; ngemva kwalokho-ke nibuthelele ikoroyi niyithele ngesilulwini sami.’ ”

UMATEWU 13:39

bese isitha esitjala ikhula nguSathana. Isivuno kuphela kwesikhathi; abavuni ziingilozi.

UMATEWU 23:32

Yeke ragelani phambili, niqedelele isilinganiso sezono zabokhokho benu!

UMARKOSI 4:29

Nasele ikoroyi ivuthiwe, uyigweba ngesegere ngombana sekusikhathi sokuvuna.”

1 KWEBETHESALONIKA 2:16

enza imizamo yokobana singakhulumi nabatjhili ukuze bangasindiswa. Ngokwenza njalo alokhu akghubelela izono zawo bezafika esiqongolweni. Ilaka lakaZimu selifikelele phezu kwawo.

ISAMBULO 11:19

Ithempeli lakaZimu ezulwini lavuleka petle, kwabonakala i-aldari lesivumelwano lingethempelinapho; begodu bekukhona ukubaneka kwemibani, ukuraramba, ukutletlebula kokuduma kwezulu, ukusikinyeka kwephasi kanye namagidija wesinanja.

ISAMBULO 13:12

Besisebenzisa loke igunya lesibandana sokuthoma, siqalile. Sakatelela iphasi nabo boke abahlala kilo bona balotjhe isibandana sokuthoma, leso inceba laso lokufa ebesele lipholile.

ISAMBULO 14:14

Ngithe nangiqalako ngabona ilifu elimhlophe kuhlezi kilo ofana neNdodana yoMuntu, anesihlohlo segolide ehloko aphethe nesegere ngesandla.

ISAMBULO 14:16

Nje-ke loyo ohlezi phezu kwelifu wakghedlha ngesegere ephasini, iphasi lavunwa.

ISAMBULO 14:17

Kwathumbuka enye ingilozi ivela ethempelini lezulwini, nayo beyiphethe isegere ebukhali ngesandla.

ISAMBULO 14:18

Kwavela enye ingilozi ithumbuka e-aldarini, bekuyingilozi enamandla phezu komlilo, yarhuwelela loyo obekaphethe isegere ebukhali yathi: “Khupha isegere yakho ebukhali ubuthelele iintjhutha zesidiribe sephasi ngombana amadiribe waso avuthiwe.”

ISAMBULO 15:6

Ethempelinapho kwaphuma iingilozi ezilikhomba neenhlupheko ezilikhomba, zembethe ilineni elidarhileko, ziqakanise imitletlana yegolide eemfubeni zazo.

ISAMBULO 16:17

Ingilozi yekhomba yathululela isitja sayo esibangeni; kwaphuma ilizwi elikhulu ethempelini livela esihlalweni sobukhosi lathi: “Sekwenzekile!”

ISAMBULO 6:10

Barhuwelela bathi: “Somnini Somandla, wena ocwengileko noqinisileko, kuzabe kube nini ngaphambi kobana ugwebe begodu usibuyiselele ngeengazi zethu na?”